Thuchih in ‘Tuikhanglen khu anempena aum jeh in, tuilong jouse alonglut in, alenpen ahilotai’ ati.
Mijousen hat ding anom cheh in, kinahna, kidelna, kidouna aumin athoh a, athia adimset in, leiset aboi jinge. Keivang kaneova lhah ahatlou kahi kakihet in, koimato ka kidellam kahepon, hijeh chun mi kathatlel tiding jong aumdeh poi. Hetthemlouva ei kinahpigo aum jongle eipanpia, eiseichetpeh ding Pakaiyin ahinsol jin, koiman ima eilo khapoi. Ka hatmo jeh in, mi eihechen jouse lungsetna kachangin, eipanpi ding Pakaiyin eipe jinge. Hichan eihin puiya ka Pakai Pathen hi thangvah louthei kahipoi. Hinla, hatlou le michonse akihijeh in, adingdolin, tuni geiyin, ka thangvah joupoi. (Nei ngaidamin ka Pakai Jesu).
Theology a kihilna kadeipen khat chu - ‘Ahechenpen kihisahloudia’ kihilna hi ahi.***
I-Pakaiyu Jesu hi Hatchungnung Chapa, Pathen ahi. Hinla, leiset a ahunga ‘hatmo le joa aum’ chu ‘ahatna le agaljona’ ahi.
Satan-gal chu akijosah in Cross chunga akikhetbeh sah in; Chonset ( Satan) thahatna le mijona pen ‘Thina’ chu akijosah in, athi in, Lhana vuiyin aum tai. Hichu, Pa thupeh anitna ahi.
Hijehchun, Pa-Pathen in, Achapa’n athupeh jouse anit jala ‘joa aum’ lai tah in, Satan, chonset le thina chu ajosah in, lhana konin akaithou kittai.
Thempu pipu hole Rom vaipote le asepaiteuvin athat jou ta pouve.
Thina tha-hat in ahenjou tapon, Lhan le akotkhah in ahenjou tapoi.
Satan thahatnan athat jou tapoi.
Satan le thina gal jouvin, lhankotkhah phujalin, loupitah in athoukittai.
Vana lahtouvin aumin, Pa jetlama atoutai.
Lei le van chunga thuneina jouse Pa’n apetan,
Van le leiset a vaihomin apang in ‘Leng ho Leng, Pakai ho Pakai’ ahitai.
Hiche tha-hatna chu mangcha a leiya le vana umjouse thutan dinga hung kit ding ahi.
Ahungkittengle, Ama tahsana kisan jouse chu Amato tonsot a vaihom khom dia ahung puiding; Ama sanglou jouse thu atana, themmo achan ding, damuna meidila tonsot a Satan le avantilte to tonsot a thohgimna thoh dia alelutding ahi.
Hichea lamto dinga chu nakigot tah em?
Seithem le nel-hatna, chule kiseilepna umthei talouding ahi.
“Na sat-le sa’n lang, na dam-le dap jengin” ati ahi.
Hiche, ‘hatmo le Joa’ aumna’ chu ‘Gal ajona’ ahi.
Hiche ‘Galjona thuguh’ chu ‘CROSS THU (Thingpel Thu) ’ hi ahi.
Solchah Paul in ngampel in aseiye:
“Thingpel thu hi amangthah ho dia ngolkaitah ahin, huhhinga um eiho din vang Pathen thahatna ahi. 19- Ijeh-inem itile, Pathen lekhabua kisun chun,
“Keiman miching ho chihna kasuhmanga,
Hetthemna neiho hetna moh kahisah ding ahi,” ati
Miching hoiya uma, lekhathem hoilam ham? Tukhanga minel them hoiyaba um ham? Pathen in hiche vannoi chihna hi ngolna ahisah lou ham?
Ijeh-inem itile, Pathen chihna a hin hiche chihna vannoiyin mangcha a Pathen ahetdoh theilou phat in, ngolkai thua kigel hiche thu kiseiphong tahsan ho joh huhhing ding hi pha asai.” (1 Corinth 1:18-21)
Amen, Halleluiyah !
Nang le kei jong, hat kisa poute. Christiante i-hatmonau hi Christa galjona channa joh ahi. Kichihsah, kihetsah le kiphatsah le lhing kisah louvin, hatlou le lhasam, panpi ngaijing, lhagaova vaicha, chonset soh a uma ihiu hi kihet in, kap pumin Pakai anga kunin ngaidam thumin, tao jingute. Christa kisan loulai nahile, hitihin taovin :
“Pakai, chonse-thiding kon kahi. Nei huhhing loule, tonsot a na meldei-um mulouva mangthaiding kahi. Pakai Jesu tuhin hungin. Nei ngaidamin, nei huhhing in. Ka dinga Cross a nathina-ga chu neichanin, na galjona chu kahinkhoa hin phongdoh in. Pathen cha hitheina chu neipen. Ka hinkho nakhut a kapei. Na deilamin kahinkho puiyin. Ka Huhhingpu, ka Pakai le ka Lengpa nahi. Lhagao Theng chu neipen. Pa lungdei hinkho neimansah in, na lhachan neipansah in, Jesu min, Amen”.
Hitia chu nataole, na ngaidamsa, huhhingna chu napehsa ahitai ti kihet in, athupeh ho nit in. Nitinin Bible simin, tao jing jengin. Christa a hinkhothah chu mang pan jengin, nunlui phalou jouse dalhan, Christa a hinkhthah hinkho chu mang jing jengin.
Pathen in panpi jing tan.
( N.B. : *** Theology a kihilna kadeipen khat chu - ‘Ahepen le ahechen kihisahloudia kihilna hi ahi. Hichu adih ahi. Koiman Pathen thu ahechen joupoi. Ahechen kisa hohi kichat umtah ahiuvin, hitehoa kona kikangse hi phan kahei.
2012 apat Theology lekha kasimtan, tuni geiyin thuseinan kamang thei behseh poi; chomchacha ‘Huhhingna thu seina’ din hahsa kasana laiye. 2010-11 a Evangelism kasim ho bou themchacha kamang nalaiye. ‘Huhhingna thupha ‘ kaseitengle, ka hung dup thimjin; chuteng , theologian ho thuhilin eihin kanjin, kakitim jitai. Hichu, theology kamanchahnapen ahijeng nalaiye. Chule, ‘Kipana Thupha’ hijongle, Solchah Peter le Paul in aseiyu : ‘Pakai Jesu a kona kalah u, nang ho kapehson’u” atiu hi het angaiye. Kipana Thupha hihen, anasacheh hijongle, Jesu-a kona seijuihon alah uva, eipehson’u, Houbung lamkai hon ahinsei son peh hou tailou, adang seison le manchah chu kipalnathei ahi. Hitia hung kiseison ho keu jong hi vana Lenggam lutnathei ahinai. Avalval hol le sei ngaiyin kagelpoi. Hinna chu changa nahitah-le, nitinin Bible sim jingin, tao jing jengin. Chule, miten jong ahet’uva, akisantheina diuvin, seipeh jingute. Pathen in panpi jing tan.
(Dn.LKHengna 29June2015spj)
Mijousen hat ding anom cheh in, kinahna, kidelna, kidouna aumin athoh a, athia adimset in, leiset aboi jinge. Keivang kaneova lhah ahatlou kahi kakihet in, koimato ka kidellam kahepon, hijeh chun mi kathatlel tiding jong aumdeh poi. Hetthemlouva ei kinahpigo aum jongle eipanpia, eiseichetpeh ding Pakaiyin ahinsol jin, koiman ima eilo khapoi. Ka hatmo jeh in, mi eihechen jouse lungsetna kachangin, eipanpi ding Pakaiyin eipe jinge. Hichan eihin puiya ka Pakai Pathen hi thangvah louthei kahipoi. Hinla, hatlou le michonse akihijeh in, adingdolin, tuni geiyin, ka thangvah joupoi. (Nei ngaidamin ka Pakai Jesu).
Theology a kihilna kadeipen khat chu - ‘Ahechenpen kihisahloudia’ kihilna hi ahi.***
I-Pakaiyu Jesu hi Hatchungnung Chapa, Pathen ahi. Hinla, leiset a ahunga ‘hatmo le joa aum’ chu ‘ahatna le agaljona’ ahi.
Satan-gal chu akijosah in Cross chunga akikhetbeh sah in; Chonset ( Satan) thahatna le mijona pen ‘Thina’ chu akijosah in, athi in, Lhana vuiyin aum tai. Hichu, Pa thupeh anitna ahi.
Hijehchun, Pa-Pathen in, Achapa’n athupeh jouse anit jala ‘joa aum’ lai tah in, Satan, chonset le thina chu ajosah in, lhana konin akaithou kittai.
Thempu pipu hole Rom vaipote le asepaiteuvin athat jou ta pouve.
Thina tha-hat in ahenjou tapon, Lhan le akotkhah in ahenjou tapoi.
Satan thahatnan athat jou tapoi.
Satan le thina gal jouvin, lhankotkhah phujalin, loupitah in athoukittai.
Vana lahtouvin aumin, Pa jetlama atoutai.
Lei le van chunga thuneina jouse Pa’n apetan,
Van le leiset a vaihomin apang in ‘Leng ho Leng, Pakai ho Pakai’ ahitai.
Hiche tha-hatna chu mangcha a leiya le vana umjouse thutan dinga hung kit ding ahi.
Ahungkittengle, Ama tahsana kisan jouse chu Amato tonsot a vaihom khom dia ahung puiding; Ama sanglou jouse thu atana, themmo achan ding, damuna meidila tonsot a Satan le avantilte to tonsot a thohgimna thoh dia alelutding ahi.
Hichea lamto dinga chu nakigot tah em?
Seithem le nel-hatna, chule kiseilepna umthei talouding ahi.
“Na sat-le sa’n lang, na dam-le dap jengin” ati ahi.
Hiche, ‘hatmo le Joa’ aumna’ chu ‘Gal ajona’ ahi.
Hiche ‘Galjona thuguh’ chu ‘CROSS THU (Thingpel Thu) ’ hi ahi.
Solchah Paul in ngampel in aseiye:
“Thingpel thu hi amangthah ho dia ngolkaitah ahin, huhhinga um eiho din vang Pathen thahatna ahi. 19- Ijeh-inem itile, Pathen lekhabua kisun chun,
“Keiman miching ho chihna kasuhmanga,
Hetthemna neiho hetna moh kahisah ding ahi,” ati
Miching hoiya uma, lekhathem hoilam ham? Tukhanga minel them hoiyaba um ham? Pathen in hiche vannoi chihna hi ngolna ahisah lou ham?
Ijeh-inem itile, Pathen chihna a hin hiche chihna vannoiyin mangcha a Pathen ahetdoh theilou phat in, ngolkai thua kigel hiche thu kiseiphong tahsan ho joh huhhing ding hi pha asai.” (1 Corinth 1:18-21)
Amen, Halleluiyah !
Nang le kei jong, hat kisa poute. Christiante i-hatmonau hi Christa galjona channa joh ahi. Kichihsah, kihetsah le kiphatsah le lhing kisah louvin, hatlou le lhasam, panpi ngaijing, lhagaova vaicha, chonset soh a uma ihiu hi kihet in, kap pumin Pakai anga kunin ngaidam thumin, tao jingute. Christa kisan loulai nahile, hitihin taovin :
“Pakai, chonse-thiding kon kahi. Nei huhhing loule, tonsot a na meldei-um mulouva mangthaiding kahi. Pakai Jesu tuhin hungin. Nei ngaidamin, nei huhhing in. Ka dinga Cross a nathina-ga chu neichanin, na galjona chu kahinkhoa hin phongdoh in. Pathen cha hitheina chu neipen. Ka hinkho nakhut a kapei. Na deilamin kahinkho puiyin. Ka Huhhingpu, ka Pakai le ka Lengpa nahi. Lhagao Theng chu neipen. Pa lungdei hinkho neimansah in, na lhachan neipansah in, Jesu min, Amen”.
Hitia chu nataole, na ngaidamsa, huhhingna chu napehsa ahitai ti kihet in, athupeh ho nit in. Nitinin Bible simin, tao jing jengin. Christa a hinkhothah chu mang pan jengin, nunlui phalou jouse dalhan, Christa a hinkhthah hinkho chu mang jing jengin.
Pathen in panpi jing tan.
( N.B. : *** Theology a kihilna kadeipen khat chu - ‘Ahepen le ahechen kihisahloudia kihilna hi ahi. Hichu adih ahi. Koiman Pathen thu ahechen joupoi. Ahechen kisa hohi kichat umtah ahiuvin, hitehoa kona kikangse hi phan kahei.
2012 apat Theology lekha kasimtan, tuni geiyin thuseinan kamang thei behseh poi; chomchacha ‘Huhhingna thu seina’ din hahsa kasana laiye. 2010-11 a Evangelism kasim ho bou themchacha kamang nalaiye. ‘Huhhingna thupha ‘ kaseitengle, ka hung dup thimjin; chuteng , theologian ho thuhilin eihin kanjin, kakitim jitai. Hichu, theology kamanchahnapen ahijeng nalaiye. Chule, ‘Kipana Thupha’ hijongle, Solchah Peter le Paul in aseiyu : ‘Pakai Jesu a kona kalah u, nang ho kapehson’u” atiu hi het angaiye. Kipana Thupha hihen, anasacheh hijongle, Jesu-a kona seijuihon alah uva, eipehson’u, Houbung lamkai hon ahinsei son peh hou tailou, adang seison le manchah chu kipalnathei ahi. Hitia hung kiseison ho keu jong hi vana Lenggam lutnathei ahinai. Avalval hol le sei ngaiyin kagelpoi. Hinna chu changa nahitah-le, nitinin Bible sim jingin, tao jing jengin. Chule, miten jong ahet’uva, akisantheina diuvin, seipeh jingute. Pathen in panpi jing tan.
(Dn.LKHengna 29June2015spj)
No comments:
Post a Comment