JESU CHU SATAN NATOH JOUSE SUBEIYA HUNGA AHI

“Pathen Lhagao chu keiya hin achenge, ajehchu, Aman migentheite kipana ding thupha seipeh dia thao einu ahi. Aman songkul ngahte koma chamlhatna thu, mitchote khomu ding,bolgentheiya umte lha-onga aum diu, le Pakai deichom channa kum hung lhunding thupha phongdoh dia eihinsol ahi.” (Luke 4:18 19). tin Jesu'n aseiye.

“Pathen in Nazareth Jesu chu Lhagao Theng le tha-hatna’a thao anu ahin …..chule, Pathen chu Ama’a um ahijalia thilpha bola vahlea, Diabol thaneina noiya umjouse aboldam ahi.” (Acts 10:38).

            Jesu’n mitcho, nangong, aphah, le natna chomchoma naho jouse aboldam tai. (Matthew 8-9). Athisa ho kaithouvin, thilha ho jong anodoh in ahi.

Pathen Lenggama iti hinkho manding dan mipi ahilin, thutah hilchetnan, tekahna thu le thusim chomchom amangchan ahi.Athuhil thupipen chu hiche hi ahi,

 “Pakai na-Pathen chu nalungthim pumpi, na hinna pumpi, na khohetna(Lhuoh) pumpi, le, na tha-hatna pumpia na ngailut ding ahi.” (Mark 12:30).

Chujongle, “Nangma nakingailut bangin naheng-nakom mite ngailun.” (Luke 10:27) tijong hi ahil ahi.

            Jesu’n Lenggam thupha ahilna’a  thupipen chu,

 “Chonset dalhauvin, Vana Lenggam chu ahung naitai” (Matthew 4:17) tihi ahi.

Mipi chu achonset naho dalha’a,Pathen Lenggama lut kit din ahilin. Aseijuite chu, Leng hikit theidan ahile.

Athuhilna hoa chun Thutah aphongdoh in, thuchih ho mangchan Lenggam chonphatna dan ho ahilin; Lenggam tha-hatna phonchetnan dammo ho aaboldamin ahi.

Pathen lhagaovin aumpi jala thil ijakai bolthei ahibanga, nang le kei jong Pathen lhagao (Lhagao Theng) chu ngaicha jing ihiuve. Lhagao Theng in eichenpiuva, eipanpi tengule, Ama lungdei ihet uva, ibolthei jiubou ahi.
Hijehchun, phat tinin Ama Lhagao Theng panpina hi thumin, tao jing jengute.
Pathen in panpi jingtan.