Jesu
Christa a Pathen Ngailutna kilang le atahsan jouse huhhinga um ding thu ‘Kipana
Thupha’ phongjalna ahi Solchah Paul hi Jesu sanga nem jep bou ahi. Paul sanga
chungnungjo umlou ahi.
Chule,
Pakai Jesu chun Pathen Lenggam thu ana seiyin, athia athokit ding le atahsan
jouse huhhinga umding jong asei nai. Hinla, Jesu leiya alenlaiyin, a Houbung
chu ana tungdoh hihlaiye. Athijouva le athokit jouva bou Houbung atundoh
ahi.Hijehchun, Houbung kivaipoh dan ding le mipite tahsanna a akikaivopding
danding jouse (Church doctrinejouseu) chule mimaljeng jong tahsanna hinkho
danding Paulkoma hi Pakai Jesu Christa hi nana seipeh a, Paul in aphondoh hi.
Hiche
Christa lhacha Paul chun aseiye : “Pathen
in hu alhakhum Pathen lekhabu chengse hi - kihilna ding, kiphona ding, kipui
jangna ding le adih lam’a kichuhna dinga phatah ahi. Chule, Pathen-mi kitoh chet’a um theiya
natoh-pha chengse tohna dia kigosadem’a um ding ahi.” (2 Timothy 3:16-17)
“Ijeh-inem-itile Pathen thu hi hing jing le
natong-hat jing, hemto-chemjam sanga jong hemjo, hin-na Lhagao, gu-kisuhtona le
lhin, hicheng geiya sukhen theihel’a sun thei, lunggel le lungthim ngaito hetoh
paijen jeng thei ahi.” (Hebrew 4:12)
Ahile,
Christa nungjung, Christian nahina a Bible hi kingaina a nanei hinam? Ole
nangma chihna le kho-hetna, leiset chihna le themna john a ngaisang joh jeng
em? Bible pumpi hi vel ijat nasimchai tah em?
Bible
hi apumpia, banneichasim chai hi ngaikhohten ahi. Aboncha nasimchai jongle
Genesis apat Thuphn –gei banneicha nasim tei ngaiya ahi. Hitia chu isimtah-le
Bible a Pathen thusei hi kihethei bou ahi. Asei hi ‘Thu khat bou ahi’. Leiset
hinkho hi choplop ahi jeh a, miten ahetthemna diu,leiset nohphah letlut lah
jenga jong Hiche Pathen a Hinna thu hi ahetthem le juithemna diuva achomchom,
munchom le phat chom, thil umdan chom, chonna le khantouna chomchom hoa hindan
ding aseina jeh a thuchom jepjep tobang bou ahi. Hijeh achu, angolpen le chihna
le themna neilou helin jong Pathen thu hi kicheh tah a ahetthei ahi.
Athu
sim jinga, taojing ding le hethema tahsana, athupeh nit a juithema, Aloupina
hinkho mang thei din Pathen in panpi jing tan.
No comments:
Post a Comment