Kiginmo hi lhepna phatah khat
ahi. Dongma kiginmo hihen jicha kiginmo keuseh hi lhepna ahipoi. Mihem ama le
ama kiginmo jong hi lhepna, mi-solouna ahi. Adeh a Lhagaova huhhigna chansa
achan jong kigingmo vang hi lhepna nasatah ahi.
Christian tamtah in, Bible in
aseibanga atahsanna, taona kilhana, chonset phonga, Christa akisan jouvin jong
tahsan dettah aneiji poi. Kipana thah neiya, hinkhothah aman jing pet in jong
hahsatna, lhahsamna ham ahinto tengle Huhhingna achan le achanlou jong
akigingmo jitai.
Nang jong, hitobang ho banga chu
nakipana le gunchuna jong hung chulthei ahi. Chutengle, ‘Ole keihi pengthahlou jong kahi ham o?’ tia
nakiginmo kom jong umthei ahi.
Hitia nakiginmo chu nang kiginmo
na in kichai pontin, Pathen le athu Bible naginmona jong ahi kihet in.
Nakiginmona akona chu, na lhempa chun napuimang peh a mahthana mun nalhut
jengthei ahi kihet jingin. Taona le Bible simin phontho jingin.
Pengthah tajonglechun, insung
hahsatjeh ham, tohdang kikhoh jeh ham, dammo le dinmun mihem gela vangsetna ham
umjeh a lhasamthei nahi jing kihet in. Hitia lhahsamna ho jeh achu, huhhingna
napehsa chu Pathen in nalahpeh kit jing din geldan. Pathen hi mihem ahipon,
Pathen ahijinge. Nangma kitahsanlel le kiginmo chun napenthah le napenthah lou kihetna
jong ahipoi. Jesu natahsanna bou chu na penthahna,hinna naneina ahi. Mihema nahungpentila, na insunguva nanu-napa
dia naosenthah nahi banga chu Jesu Christa natahsana, nahinkhoa Pakai dia nakisan
jouva hi Pathen dia cha peng thahseh, naosen chu nahi ahi. Tahsa mihem nahiya,
naosen nahilaiya nanu le napa a nakingai bang chun, tua lhagaova naosen nahi chu
kihet in, napa Pathen le na Huhhingpu Jesu Christa achun kingai jingjon.
Chutile, nalhuh kom jongle Aman na phongding inatin, lam najotsah kit ji
tanate. Nabol ding chu, “Hepa, ka kiseplhu e, nei kaithouvin” tia natao jing
ding chu thupipen ahi.
Bible in “Ahivangin Aman, Ama ana
sanga Ama mina tahsan chan chu Pathen chate ahitheina tha(phalna)apetai” (John
1:12). Pathen in na ngailut jala na huhhing tah jeh chun nitin Ama thangvah in.
“Pakai, ka chonset neingaidama nacha
dia neisemtah jalin namin kathangvah e, nei umpin, neipanpi jing in. Ka hatmona
jousea nahatnan nei panpin, ka Pakai Jesu
minin, Amen” tin taojin.
Pathen in napanpi jing tahen.
No comments:
Post a Comment