PATHEN LE MIHEM KHENA HI CHONSET AHI

            ‘Chonset’ in Pathen le mihem kah hi asunohphah ding le boina tamtah akoitai. Mihemte thusimlui ahin, hiche kikhenna hi semphat gotnan, mitamtah in pan alauve – Hou, naphatohna, chihgutna, chonphatna, le adang tampi), hinla, khatcha alolhing aumpoi. Geldan dihlouvin, itobangin, Pathen heng jotna lampi tampi aume tin mihemten gelin bol jongleur, adihtah khatseh bou aumin, hichu, Pathen Chapa Jesu Christa bou hi Pathen-to kijopmat kitna thei, (lampi khatseh chu Jesu bou ahi) ahi. Jesu’n aseiye,

“Keima Lampi, chule, Atah chule Hinna chu Kahi. Keiyakon tailouvin, koima Pa koma ahung theipoi” (John 14:6).

            Kum sang tampi sung hi Satan in mihemte hi suhset gamding ati ahitai. Gentheina, Dammona, Natna, thoh-hahsa, chule Thina asosah jinge. Pasal le Numei jou abolsah in, midang lhep chatvaina le guhchat abolsah jinge. Kidouna tampi asotan, chule, simjoulou mi akithat tan, chule, Damun meidil in mi simjoulou achesahtai. Meidil hi,

 “tonsot a dia mitmo meikong jing diabol (Satan) le ama vantilte ding kisem chu ahi” (Matthew 25:41)

Hiche damun-meidil chu thimpi jing a, “ka le ha-gelna mun ahi” (Matthew 8:12).

            Hahsatna tampi um jonge, mipi hin, Huhhingpu hunga ‘chonset’ thilbol jouse asuhset gam ding ahi hi akineppi jingu ahi. Jesu’n aseiye,

 “Gucha (Satan) chu agu ding le athatding le asuse dinga bou hunga ahin; Keima amahon (mihemte) Hinna aneina diu, chule, bulhingset a aneina diuva hunga kahi.” (John 10:10).

Adam banga, mijouse hi chonse cheh ahiuve.

“Mijouse chonse ahitan, Pathen loupina changlel ahitauve” (Romans 3:23).

Leiset chunga mitin hi Pathen thupeh nitlou ahigam tauve (Exodus 20:3-17), jousei, mi lhemchavai, guhchat bol, mi vetda, thu phalou sei, ajong, chule, tolthat gei jong uma  ahigamtauve. Thupeh nitlou jeh a Pathen-to kikhen ahigamhel tauve.

            Mihemte ‘Chonset’ ga chu tonsot geiya dia Pathen-to kikhen ahitauve. ‘Hinna’ hi Pathen’a kon ahin, Pathen-to tonsot a kikhen chu ‘tonsot thina’ ahitai.

“’Chonset’ hi mikhat akona vannoiya hunglut ahin, ‘chonset’ akona ‘thina’ hunglut a, mijouse dia thina hunglut ahitai, ajehchu, mijouse chonse ahitah jeh’u ahi.” (Romans 5:12).

Chonset man peh teiding chu ‘thina’ ahi. “Ajehchu, ‘chonset’ man thina ahi.”(Romans 6:23).