Kipaje heho hi mivangpha ahiuve. Mi thilkhat bolpeh inlang kipah hihle ipi nagel in; adang khat thil nabolpeh jal in nakoma kipathu hunglhut jingtale, alhut le alhutlou ho chunga na umdan chu kibang lou ding ahi.
Pathen jong chuti ahina aume. Kipaje heho chunga Pakai akipah e. Hijeh achu, Pathen in Psalms (Labu) jihpa kama aphondoh “kipathusei hi Maichama kilhaina phatah ahin, Keima eiki jabolna ahi” (Psalms 50:23) in aseiye.
Chule, Solchah Paul in jong aseiye “Pakaiya kipah jingun, tikitleuvinge, kipah un” (Philippians 4:4).
Tunia, nangin kipathu lhutna ding Pathen phattheibohna ipi nachan em? Damna, neh le don ding napeh em? Nei le gou napeh loujongle, hinna nanei jalinbeh kipathu seiyin. Tonsot hinna napeh jeng jong chu kipathu lhut jing theina ahitai.
Avangbohna nachan ho jala Pathen koma kipathu lhut jing in, nakipajing nading le Pathen panpina nachan jing nadin.
Pathen in phatthei naboh jing tahen.
No comments:
Post a Comment