Tonsot a Hinding Ihitauve

 “…, i-Pakaiyu Jesu Christa vanga Pathena kipah jinga um ihiuvin, Ama jal’a kichamna hi ikisan’u ahitai.

Mihem khat jeh a vannoiya chonset hung lut’a chonset jeh a thina hung lut, hitia chu mitin achonset jeh a mihem jouse chunga thina hung lhung kha ahi.

Danthu kipeh masanga pat vannoiya chonset umsa ahitan, ahinla Danthu umlounaa chu chonset kisimlou ahi ; Adam a pat Mose geiyin Adam chun Danthu apalkeh a suh khel anei banga suh khel neilouho chunga jong thi nan vai anahomin hiche Adam hi ahung dingpa lim’a um’ah anahi.

Manbei thilpeh vang chu suh khelna to kibang ahipoi; ajeh chu mi khat suh kheljeh a mitinin athilo le, Pathen thilpeh le mi khat Jesu Christa lungset chu achung chon’a japi dia bulhing cheh jo ahi.Manbei thilpeh chu mi khat chonsetna tobang ahipoi; ijeh-inem itile mi khat suh khel jeh a thutanna chu themmo chan hi ahin, manbei thilpeh vang chu suh khel jousea kona them channa ahijoi.” (Rome 5: 11-17)

Adam in Pathen thupeh ana palkeh jeh a tonsot geiya dia Pathen melmlouva, thiding ina hitauve. Pathen in eingailut behseh jeh’uva Achapa Jesu Christa ahinsola eiho thiding khela hungthia ahitai. Jesu Christ thina chu nangkhela thi ahi natahsana, Ama nahinkhoa vaihoma, Athu nitdia nakipeh-le, aman napanpi ding. Tonsot geiya Pathen-to hingkhom dia nachinding, napanpi ding ahi.

Manbei thilpeh’ hi ‘Jesu Christa tahsanna jala tonsot hinna kipeh hi ahi.

Pathen in 'manbeiya napeh tonsot hinna' chu nachan tei ding kakinem. Nachanloulai le tuhin Jesu kouvin, tahsannin, na Pakai le na Huhhingpu din kisanin

Pathen in, Athu hetthemna le nitthemna napejing tahen.