Pathen atheng le adih chamkimpa
lungdei tah a koiham akidih le atheng chamkim jouding?
Hatchamkim Pathen banga koi mihem ham napha tong joujai ding?
Thilpha bol jouding le tohdia eidei jouseu koi momhmong ham atong jouding?
Koima aumpoi. Pathen lung toh jou
koima aumpoi. Leiset a eiho banga hatmo nu le pa lungdei bon toh jou koima
umlou, koi mong mong ham Pathen lungdeiya chon jou ding?
Koima aumpoi. Pathen inla,
Genesis a ivet-le, Pathen in Ama Limloa eisemu ahi ngalin. Alim lo jouding
koima mihem aumpoi! Alung tohjou ding umlou?
Pathen Lim ilojou pouve : 1.
Athenna koiman lojoulou. 2. Akidihna koiman lojoulou. 3. Ahatna koiman
lojoulou. 4. Athilboltheina koiman lojoulou. 5. Athupeh koiman lojoulou.
Hijeh achu : “Mijouse chonse
ahitai, Pathen loupina chang jou talou (Pathen Lim lojou talou) “ tia Bible in
Rome 3;23 a asei ahi.
Mipha tamtah in “Kei kachonsepoi.
Ju donlou, mom le chep bollou, Houin kaijing, tao jing, tolom toh jin nehguh
bollou” tia asimgola, chonse kisah lou, ngaidam thum ding dan helou!
Pathen in mihem ana sema chu, Ama
limoa ana sem ahi. Athupeh nitlou jeh a mihem hi hita hatlou le lhinglou
ahitai. Alim ilokit diu ngaiya ahi. Chutile Ama banga hinna, damna, thenna le
phatna ineikit diu bou ahi. Hinla, mihem koiman, ama chamin Pathen Lim lothei
ding aumpoi.
Mihem koima Pathen hi’na :
thenna, damna, hatna le kidihna nei ding aumpoi.
Achutile, amahthah gam ding ihiu hitam? Ahi naisaipoi.
Pathen in Achapa chu ahinsolin, Ama kisan jouse chu Pathen in athah a Ama ‘hinna
Lhagao Theng apeh ding’ ahi. Chutengle, Pathen hatna chu taahsan ho chun anei
diu ahitai. Achonsetnau, ana lhinlelna jouseu chu Chapa jala Pa’n eingaidamuva,
eithah sem diu, Ahatna jala Pathen Lim chu eilosah diu ahitai.
Pathen thun ‘chonset kisih
(lunghei) a ngaidam thum ding, chonset dalhah ding, Jesu Christa kikou/kisan
ding” atiho bollouna tah jong chu, Pathen thusei bollou chu chonse (chonphatna
bollou) ahina khat ahitai.
Hitia, Pathen thupeh bollou
(chonset) chu tua le tonsot a dia themmo changsa ahitai ( John 3:17-18). Tuapat
tonsot geiya Pathen panpina changlouva, thohgimna chang ding ahitai. Tua leiset
a ahinpet a jong changpana ahitai.
Aban, akit, Pakaiyin seikit dia
lunggel eipeh tengle seikit’ute. Jing jong hithei, akit le nidang jong hithei
ahi. Hiche kah chun, isei houhi ana gelin, gel gel jengin.
Nitinin Bible simteitei jengin,
chule, taojing jengin.
Pathen in Athu hethema nit
theidin napanpi jing tahen.
No comments:
Post a Comment