PATHEN LHACHA NAHI KIHET JING IN

Solchah Paul in ”Christa Jesu lhacha, Pathen Kipana Thupha seiphong dia solchah dinga lhentum, Paul”( Rom 1:1) tia aseiya abolbanga, Christa nungjui jousen itiuva, kipana thupha hi isei diu ahi.

Solchah Paul banga hi Jesu Christa kouna kichehtah neijouse hi, Alhacha kinbolna,Jesu Christa’a Pathen mihuhhingna thupha hi seiphong dinga lhendoh ihi cheh’uve.

Kisonlelna nei hih in. Pakai kom belna dia jachat nakisah jongle ‘akisonga nahi’. Nakisonlel jongle , nangma ‘akisonga nahi’.

Bible in ‘Koi hile akisonga chun, Pathen song hen’ ati ahi.

Nakisonlel jongle ‘nang nakivet, nkison’ tina hi.

‘Jesu la mjoh ven.Pathen songin

Pathen kom jotn,na ahin, nanglam kiti ve hih in, Jesu lambou ven.

“Jesu kimu louva iti kavet ding ham” nati em?

Jesu’n nangailutna, nadinga athohna, nachonset ngaidamna dia ahungthi chu geldoh in, athusei ho gelin, tahsan in, nangaidamsa ahi chu tahsan in, taonan kouvin, nachonset angaidama, natahsa le na lhagao adamsah a, naphatmona, nalhinlelna, nadammona, nalhinlelna jouse asubeiya, phatthei naboh ding chu kinemin.

Pathen tahsanin. Achapa, Jesu Christa hi na Huhhingpu ahi. Tahsan in. Ama a kingam jengin. Acha nahi chu kihet in, kipah in, Pathen cha hina hinkho theng chu mang panin. Nasuhkhel jongle, ngaidam thumin.

Na suhkhelkit louna din Pathen koma panpina thum jingin.

“Pakai, nei huhhing jalin kakipah e. Nacha theng hinkho neimansah in. Nei panpi jingin. Keima deiyin, neichonsah hih in, kasuhkhel adimsetji. Na deilamin neipuiyin, ka Pakai Jesu naminin, Amen”.

Pathen in nataona sangjing tahen.