”Christa Jesu lhacha, Pathen Kipana Thupha seiphong
dia solchah dinga lhentum, Paul”( Rom 1:1)
Solchah Paul in hitia aseitheina hi, Jesu Christa
kouna kichehtah neiya ahijal ahi. Ama banga kouna kichehtah neijouse hi Alhacha
kinbol ding,Ami huhhingna thupha seiphong dia kou le lhendoh ihi cheh’uve.
Paul banga ‘vah’ in nakholhuh ngaiya ahipoi. Ama
chu Jesu’n athijouva Athokit achu, Alhacha dia anal hen masah ahiuvin, amaho
seina akonin eihon ihetauve. Bible in Paul teho thuhil imu gamtaove. Huhhingna change
nakihetchet tah-le, Jesu nungui nahitai.
Jesu’n aseijui masapen ho koma “cheuvin
kipana thupha hi seileuvin” tia Matthew 28:18-20 sunga asei jouse hi, Aseijuite
seina akona le hung kiseison peh a kona Ama tahsante jouse asolna ahi.
Christian kichehtah jouse Jesu nungjui, Alhacha kin bolding ihiuve.
Keima mudolin, kipana thupha hi isei chanin Lhagao
theng thahatna akichanbe jinge. Hichu, tahsan det chehchehna eipen; Athu
hetthemna eipe beben; seithemna le hilthemna jong eipehbe jinge. Hichu,
lungsung kipana le monna, hinnopna eipehbe chehcheh in ahi. Ana bolin, panin.
Ven nahin mucheh cheh ding ahi.
Solchah Paul banga Huhhingna kichehtah neiya,
Christian dihtah le Alhacha son um, Athupha seiphong theidin, Pathen in napanpi
jing tahen.
(From ‘ROME
LEKHATHOT A HOULIMNA’ 1. CHRITIAN JOUSE PATHEN LHACHA AHI By LKHengna)
No comments:
Post a Comment