Thursday, 29 May 2014

JI-NU JI-PA PHATAH HI’NA DIN,


Christa ja nan khat thun khat nungu’vin” (Ephesus 5:21)
English (NIV) a i-ledoh-le “Christa jana’n khat din khat kiphaltheng’un”(Ephesians 5:21NIV) ati.Hoijoh hile, akibang thouve.
Jicha kituptah hina dia, khat lungdeiya khat nun ding ngaiya ahi. Chule, khat kipana dia khat chun, ajipa/ajinu lungdei ahola, ama lungdei chu donda’a, aloipa/aloinu lungdeiya chon ngaiya ahi.
Golcha phatah le kitohtah hina din jong hichu angaiyin ahi.
Chubanin, Christian dihtah, lhagaova khangtou jing hi’na dia jong Christa koma kipehtheng ngaiya ahi.

Jesu Christa bon, eihon Pathen-to kikhutjopna, Pathen phattheiboh ichan theina diuva ahinkho ahung phal ngam-le; anungjui hohin, i-hinnau le damna, kipa le thanopna, dei le ngaichat, nei le gou jouse jong Christa khut a pehtheng ding, taona a kikatdoh jing ding : “Pakai, nacha, nanga kahi. Nalungsei hinkho neimansah in. Kahinna, damna, ka tahsa le ka lhagao, nei le gou neipeh jouse aboncha nakhut a kakoiye. Nadei lamin nei puiyin, nei mangchan” tia kikatdoh jing ding ahi. Hitia, um bou hi Pathen lungdei hinkho mantheina, kipa le lunglhaina hinkho ahi.
Bible in, Christa le Christian (Houbung) hi Moulang le Mou dana asei jing hi hethem in. Christa’a anungjui Christiante (Houbung) dia ahinna aphal ngam banga, jicha chun aji dia ahinna jong aphalngam ngaiya ahi. Chutile, jicha kitohmo umngailou ding ahi. Christian jouse jong Christa dia kiphaltheng jing ding, alungdei holjing ding, athu nit jing ding ahi.

Pathen in panpi jingtan.

No comments:

Post a Comment