Kipahtah a hinkho man hi damna,
natoh molsona le lolhinna lampi ahi.
Mitamtah vang kipana anei joupoi.
Chomkhat akipa jongle, akipana hochun lungnatna, kisihna, kana le lunghanna
asokit jitai. Ajehchu, akipana chu ama dia pha lam ahilou jeh ahi. Kipana
dihtah hi Pakai Jesua bou aume.
Nahinkhoa kipanatah neilou
nahile, kineosah in, Cross (Christian kipatna) bula chun kilekit inlang, chonse
nahija Pathen phattheina tahtah nachanloulai chu gaseiyin, chonse nahi chu
kihet in, nakam tah in, taonan, Pakai koma phonginlang, Jesu Christa chu na
Leng le Huhhingpu din kouvin, chule, Lhagao Theng chu thumin. Chutile, Pathen
phatthei bohna chu nachana, kipah jing ding nahitai.
"Amasan Ama (Pathen) Lenggam le Ama chonphatna
holmasauvin, chutengle adang nangaichat jouseu kipeding nahive." ( Matthew
6:33)
Mihem koima achonpha tahtah thei
aumpoi. Nangma chonphatna a Pathen muding natile jouponate. Bible in “Mijouse
chonse ahin, Pathen loupina changlel ahitaove” (Rome 3:23) ati.
Jesu Christa chonphatna hi
kisanin, chutile, Pathen in, Jesu Christa chonphatna chu nangma chonphatna a
nasanpeh a, phatthei naboh ding ahi.
‘Penthah’ keova i-ki ngap jiuva
ahile, naosen pengtil banga i-um jinguva, khangtou theilou le ga-theilouva i-um
denjiuva, kipana le lungmonna kim i-neiji louvu ahi. Hitia chu, thingphung
akhangse (khanse) ho ga nehtheilou ahibanga khanse i-hiuva, manthei duhdahlou
Christian ihijiu ahi.
Hijeh achu, ‘JESUA HINNA BULHING
– NUNNOPNA’ thu kasei sei jeng ahi. Hichu changtei din, nunglama kilekit in,
kilhan jengin, kisih ponate, kipah tahbeh joding nahi.
Pathen in phatthei naboh tahen.
No comments:
Post a Comment