TAHSAN ANGAIYE

Pathenin eingailuvin, ei huhhing tauve. Hinla, atahsan tei ngai ahi.Thusei tampi hin, kipana thu, huhhing ihinau thu kijet iseinom jiuve. Hichun, eikipa sah uvin, iki nemuve.

Hinla, ahahsatna le thohna ho jong sei le het ngai ahi, moh a hijeng hilouva, chonset chu ipi ham phatecha het ding. Chule Chonset chu thina ahijong het ding. Christa’n huhhingna kin chaita jongle nangman, nakisan loule huhhing nahideh lou ding ahi. Nabol loulaile tun bolin. Na penpi chonset le nitin hinkhoa nachonsetna phongin lang Jesu koma thupha choiyin, na leng le nahuhhingpu in kisanin; ama thupeh ho nit in. Chutile nasochat dhing ahi.

Acts 16:31  le Rome 6:23 na a  “ Ijeh ham itile, chonset man chu thina ahin; Pathen thilmohpeh vang chu Pakai Christa Jesu vanga tonsot hinna ahi.., Pathenin tonsot hinna eiteppeh ui, hinla ‘Jesu Christa atahsante’ bou ati ahi.

John 3:16 le I Corinth 15:3,4 vekit in, Jesu Christa, Pathen chapa changkhat seh chu eiho huhhingna din Cross a thin , athoukit e. Hichu natahsana nakisan ngai ahi.

                Chule, Natahsan teitei ding  chu ‘ Chonse nahi nakitahsan ding. Chule nachonset jeh a talen namat ding, thina khela chu Jesu Christa nakhela Cross a thi ahi natahsana napom teitei ngai ahikite.

Napom tei ding ngai chu: Rome 6:23 na a “ Ijeh ham itile, chonset man chu thina ahin; Pathen thilmohpeh vang chu Pakai Christa Jesu vanga tonsot hinna ahi.., Pathenin tonsot hinna napeh chu napom teitei nagai kit ahi.

Jesu Christa chu na Huhhingpua natahsana nakisan teng, Pathenin nachonset a ngaidama. Ama insung mi a nasemkit ding ahi.( John 1:12 “Ahivangin Aman anasanga ama mina tahsan chan chu Pathen chate hitheina thu apetai”), chule, Vana tonsot a chenna ding inmun natep peh ahi (John 14:2,3).

Loupina Pakai chang ta hen, Amen.