Lungdong Louvin Pakaiya Kingai Jengin

“Bol gentheiya umtedia Pakai hi kiselna kulpi ahin, hesoh genthei pet’a hoidohna mun ahi.” (Psalms 9:9) -

Ipi’n nabolgentheiyem? Lunggimna ham?
 Insung,loi le gol kah, Lekhasimna, natohna, Lhagao lam, Tahsa chunga hahsatna umam?
Pakaiya kingaiyin,hahsatna jouse Ama kom lhut in, pedoh in, kinem in, amusan kigelin, selmo,suhbeimo,suhdammo, semphatmo  aneipoi, Ama nasonjoule abona asela, alahmang ding- na chonsetna, pohgih,hahsat-gentheina. Pakai Jesu hin i-lhagao keuvu hilouvin i-tahsao jong alhatdoh tha ahi, nadammona jong chu apoh tha ahin, Ama natahsana, “tahsa le lhagaova kanatna, kalhinlelna,lhahsamna,dammona, suhkhel,chonsetna jouse Cross chunga athohchun eithoh peh in lhana akivui chun akivuithatai, ahung thodoh kit chun, kachonset le hahsaatna jouse  lhana chun pontom hochuto adalhaden in, tahsa le lhagaova damsel in eithodohpitan, tua hi damna hinkho chu eimansah ahitai” tia natahsan tahtah a,

 Ama a nakingaijoule tua ipi hahsatna naneiyem, hiche jouse chu Taovin akoma lhut in “Pakai, nathoh genthei chun tua kahahsatna jong hi nathoh a najosa ahitai, tu’n keiman kajolou hiche ho jouse hi neihin jopeh in, ka Leng le ka Huhhingpu nahi, katahsa jong na damsah in, ka lhagao jong na damsah tai” tin kipa thu lhut in, na hahsatna jouse chu na lungin jong geldan lang, hahsatna ho chu umtalouvin hinkho mangin, na tahsa chunga, nalunga jong aumteitei jongle “Pakai, katahsan lhinlelna hi neilahmang peh in, katahsane, kahahsatna nei lahmang pehtai ti kahen, tua eisumo jouse katahsa le kalunga umjouse jong hi nei lahmang peh in, ei huhhing ka Pakai Jesu min, Amen” tin tao tao jengin. Nahetlou kah in hahsatna ho chun, sound-box volume kipe nem hoihoi banga khu na dallhah hoihoiya bei jeng ding ahi. ( ‘Pakaiya kingai’ kitihi  ‘kinailhah maimai’hilouvin ‘ki pehdoh, pehdoh thengsel’ (‘surrender’ boltop, pehdoh a boipi tahlouding, gel jong gelphah tah louding) tina ahi keima hinkho tah in kahe (experienced) e.
 “Halleluiyah, Amen. Pakai, loupina le jana, thuneina le vaihomna, vahchoina le lalna jouse nanga hijing jeng hen lang, kakipanau thulhutna jong hijing jengin. Nalungsetna le na vangbohna chu keihoa hisah jing jengin, ka Leng le Ka Huhhingpu, Jesu Christa minin, Amen”.

Ama a nakingai jalin Pathen in napanpi jing tahen.