Midang kipalsah hi Pathen in ajahda ahi. Ipi bol jongle chun, nangma tahsa le lhaagao dia pha, chule, mi kipalna dinghilou, Pathen deichan bou bolin. Pathen in nathu atan ding hejingin. Bible in aseiye “…ipi hile nabol chan chu Pathenin thu natanpeh ding geldoh jingin” ati ahi. (Ecclesiastes 11: 9)
Kipahtah a hinkhoman theina chu Jesu Christa-to imankhomna bou hi ahi. Gentheiyin, imacha behseh neihih jong lechun Pathen in na-umpi-napanpi jing kihet in, naboljousea taona nei jing lechun, naboljouea nakipah ding ahi. Pathen koma taojing jeng hi kipana, damna, lunglhaina, khantouna le lolhinna pen ahi.
Niseh-le Bible sim teiteiyin, chomcha hijongle. Chule, tao jingin. Hitia bol hi, kamohsei le mihosei kaseison maimai ahipoi. Kabol le kahinkhoa aga kamu jing thu kasei ahi. Bol in. Keima dia pha naboldia kasei ahipoi. Nangma dia phapen. Nakipana pen, na lolhinna pen, nadamna ding pen, tahsa le lhagaova nakhantouna ding pen ahi.
Mohmaimai thu, lekhabua kasimdoh pha kasha mana nitina seisei jeng kaipoi. Kakivahna, kakin, ka profession ahipoi. Ka hinkhoa Pakai Jesu’n eibolsah a kona anople aphatdan, kipana chullou, lunggimna- thacholna umlouna, chol le nan umlouna thil, nitina aphatdan le Pathen phatheibohna channa ahi kahet’a, midang ho jong changleu, mijouse hi changuva, kipah diu ahi. Kei eimu le eihe hih jongleur Pathen in Acha ihinauva – Pathen’a Ucha ihinau hi, iki khohsah-tonau ahidol muntin, ibonchauva tua le tonsot geiya ‘Jesua hinna’ chu eipeh diu, bulhingset’a eipeh diu kakinepna chullou ahi.
Pathen in nataona jouse nasanpeh tahen.
No comments:
Post a Comment