Pathen in phatthei
nabohhen, nitinin napanhu jing henuo. Hichena ding chun Athu sim jingin. Tuni
‘NGAULUTNA A HINKHOM’ thu seiyute.
Jesu Christa Pakaiya i-neiyu
hinkho hi ngailutna a kikankhom ahi. Pathen i-ngailutnau chu Athu nitna hi ahi
(Matthew 22:37-40). Ngailut kiti hi lunga hetmai keu ahipoi — atoha tohna
ahi.Na Lengpa nangailutteng, Athupeh ho nanitji ahi. (John 14:21).
Thunitna hi
ihinkhouva ngaikhohten ahi: insungmi le loi-le-golkivopna a, natohna, tohgonna
le lungtup semtohna ho — i-jakai hi Pathen vaihopna a pehdoh jeng ding ahi.
Pathen in iti eigel diu ham tihi miho geldan ding sanga gel joh ding ahi.
I-sumnei, i-thilnei hou, phat hihen ipi hijongle inei jouseu Pathen khut le
chintupna a koiding ahi. Mihoto kivopna hihen changa phat nopmanna ho jong
Christa khut a pehdoh ding ahi. Eima mimal dia phatchomlouna le lhahsapna ding
hijongle Christa thua nit nom ding a kiphal ding ahi (Luke 14:33). Ajehchu,
Christa thu nitna-akona Ama tobang hina kinei chehcheh a, Jesu, Amatah in ahina
dihtah chu eineisah jiu ahi.
Pathen in na umpi
jing tahen.
No comments:
Post a Comment