Leiset lum le vanthamjol a umjouse hon chena LAMPI aneicheh bangun,Lhagao hinkho jong hin Pathen to kijopmatna din chedan LAMPI anei ahi.
LAMPI : 1na
PATHEN IN NA NGAILUI,NAHINKHODIN THILGON PHATAH ANEIYE
PATHEN NGAILUTNA
“Pathen in vannoi angailut behseh jeh in, Achapa changkhat neisun (Jesu Christa) chu ahinpetai. Koihile Ama tahsan chan chu mangthah louva, tonsot hinna anei joh ding ahi” (John 3:16).
PATHEN THILGON
[Christa‟n aseiye] “(Amahon) „Hinna‟ aneitheina diuva hunga kahi, chule (hinna hi)
bulhingset a aneidiu dol ahi”
[bulhingset le umje neitah a aneidiu adol ahi] (John 10:10).
Ipi dia mitamtah hin hiche „hinna bulhingset‟ chu aneithei louvu ham?
Ajeh chu...
LAMPI : 2na
Mihem hi chonse le Pathen to kikhensa ahitai. Hijeh ahi, Pathen ngailutna le
thilgon hi ahet-theilouvu ahi.
MIHEM HI CHONSE AHI
“Mijouse hi chonse-a, Pathen loupina changlel ahitauve” (Romans 3:23).
Mihem hi Pathen-to kikhutjop (chengkhom) dia kisem anahi; hinla, thua
nunnomlouna jeh in ama chamtah in deilhenna ananeiyin ahile Pathen-to akijopmatna chu atanlotai.
Hiche „changval deilhenna‟, thupeh nitlouna le ije tilouna le douna lunggul hi
Bible in „chonset‟ ati ahi.
MIHEM HI PATHEN TO KIKHENSA AHITAI
“Chonset-ga chu thina ahi” [ Lhagao a Pathen-to kikhenna ahi] (Romans 6:23).
{Chonset bol jeh a Pathen-to kikhena Pathen panpina mutheilouva umna ahi. Hiche,
Lhagaova thina ahi. Tonsot geiya jong thina ahitai.}
Lim hin avetsah chu Pathen hi Atheng ahin, Mihem hi chonse ahi. Akikah lhon
ahi ong-hom lentah uma, gamlatah um ahilhontai.
Moljum hohin avetsah chu, mihem in Pathen kom ajotjing, alhuna le hinna
bulhingset chu aneina dia ama hetna le hatna a thilpha abola, hinkho pha amanjia, Hou le Chihna dan ho ajuijingji ahi.
Hinla, aboljouse hi alolhingthei khatcha aumpoi, Pathen kom lhuntheina khatcha
aumpoi.
Lampi thumna hin Pathen le mihem kijopmatna thu ahilchene...
LAMPI : 3na
JESU CHRISTA BOU HI MIHEM CHONSET SUHBEINA DIA PATHEN GON CHU.
JESU CHRISTA AKONA BOU PATHEN NGAILUTNA LE THILGON CHANTHEI AHI.
JESU CHRISTA CHU EIHO KHELA HUNGTHI AHI
“Pathen in Ami-ngailutna eivetsah‟uve, chonse ihilaitah‟un, eiho din Christa
ahung thitais” (Romans 5:8).
JESU CHRISTA THINA A KONIN ATHOUTAI
“Christa chu eiho conset jeh in athi in... vuiyin aumin... nithumnin athou kittai,
Pathen thun aseibangin... Peter koma akilah in, chujouvin som-le-ni ho koma.
Hiche jouchun mi ja-nga sanga tam koma akilah kit e...” (1 Corinthians 15:3-6).
JESU CHRISTA BOU LAMPI AHI
“Jesu‟n amapa jah in aseiye, „Keima LAMPI, chule ATAH, chule HINNA Kahi,
Keiya kon tailouvin koima Pa koma ahung theipoi‟” (John 14:6).
Hiche LIM hin avetsah chu Pathen le Mihem kikah a „ong-hom‟ lentah um chu
jopmat kitna dia Pathen in Achapa Jesu Christa chu ahinpeh a, eiho chonset a ithidiu khela hung thia, hiche chun Pathen le mihem kikhensa chu ahin jopmat kit ahi chu avetsah ahi.
Hiche Lampi thum ho keu het hin alhing joupoi...
LAMPI : 4na
EIHON JESU CHRISTA HI EIMA MIMAL HUHHINGPU LE PAKAI DIA IKISANTEIYU
NGAIYA AHI; CHUTENGLE BOU PATHEN NGAILUTNA LE THIL EIGONPEH‟U HI
ICHANTHEI DIU AHI.
JESU CHRISTA ISANTEIYU NGAI AHI
“Ama ana kisan jouse chu Pathen chate hi-theina(Right) chu apetai, Ama mina tahsan ho geiyin” (John 1:12).
TAHSANA‟A KONA ISANU AHI
“ Tahsan jal‟a lungset man‟a huhhingna chang nahiuve, hiche hi nang hoa kon(nang ho kilamdoh) hilouva Pathen thilpeh ahibouve. Natoh vanga (nachanu) ahiloujeh hin
(koima) kisonna thei jong ahipoi.” (Ephesians 2:8,9).
{HILCHETNA : “ Tahsanna a kona lungsetna changa huhhinga um nahiuve, hichu
nang ho kilamdoh ahipoi; Pathen in manbeiya napeh‟u ahijoi; natoh-ga, natohvanga
nachanu ahiloujeh hin koima kisonpithei jong ahipoi “ (Ephesians 2:8,9).}
JESU CHRISTA ISANTENGULE HINKHOTHAH CHU ICHAN DIU AHI
John 3:1-8 sim‟ute :
“Tu‟n, Pharisee khat amin Nicodemus kiti Judate vaipo ho lah a khat aumin. Jesu
koma Janin ahungin ajah a, “Rabbi, Nangma Pathena hungkon Houhil nahi kaheuve,
ajeh chu Pathen-to kivoplou hilechun hitobang melchihna hohi bol theiponate,” ati.
Jesun adonbut‟in ajah a, “Tahbeh a kaseipeh nahi, koiman Pathen Lenggam amu
theipoi, „pengkit‟ louvin,” ati.
“Mi atehsa iti peng thei ding ham?” tia dongin Nicodemus chun, “Anu naobu-sunga
avela lut‟a peng theila ahilou akichenin !” tin aseiye.
Jesun adonbut‟in, “Tahbeh a kaseipeh nahi, koima Pathen Lenggam alut-theipoi, „Tui‟ le „Lhagao‟-a apen lou‟ule.”
Tahsaphe hin Tahsaphe apensah ahi in, Lhagao vang hin lhagao apensah ahi. “Na
penkit teiding ahi‟ kati hi datmo hih-in. Hui hi anopnop na lam‟a nung ahi. Agin najain, hinla, hoiya kona hung, hoilama che ahi nahepoi. Lhagao‟a peng tapou chuti chu ahiuve,” ati. (John 3:1-8.NIV)
JESU CHRISTA HI EIMAN KIKOUVA SANDING AHI
[Christa‟n aseiye] “Ven, kot a dingin kot kakiuve; khattouvin Ka ogin ajah a kot ahonle,Kalut ding ahi” (Revelation 3:20).
Christa kisan kiti hin ahoptha chu, eima-hi‟na (chonset hinkho) dalhah a Pathen kom jot jengna, chule eima chonset ngaidam ding le ipi eisonom em eiso jeng dia kipehdoh jengna hi ahi.
Jesu Christa chu Pathen Chapa ahin, eiho chonset jeh a cross a hungthi ahi ti khohetna a het a dihsah mai hin alhingjoupoi. Lunggil ngaitona a het le pohnat mai jong alhing joupoi.
Jesu Christa chu tahsanna‟akona ikisanu ahi, lung in agot –adei chu atohdoh ahi.
Noiya kollum ni hin hinkho chom-gel ni avetsah e:
Mihem lungdei hinkho
M- hi vaihopna touna chunga atouvin, adeideyin vai ahome
- Christa hi ahinkho pama aum e
-Alungdei hi ama mihem lungdeiya aboljeh in, akitohpon chule chamna aumtheipoi
Christa vaihopna hinkho
-Christa vaihopna touna chunga touvin vai ahome.
M-mihem lungdei hi Christa noiya aume,
-Alungdei hohi Christa deiyin aumin Pathen thilgon-to chamdelin aumuve
Hoijoh kollum hin nahinkho avetsah em?
Hoijoh kollum hinkho hi nachan nom em?
Christa nakisanthei dan ding noiya hohin ahilchen e :
Tutah a jong hi tahsana TAONA manga CHRISTA na kisan jengthei ahi :
(Tao hi Pathen-to kihouna ahi)
Pathen in nalungsung ahenai, na seidoh ho sangin nalunga um( natahsan) chu adeijoi. ( Itobangin tao jongle chun, natahsanna chu thupijo ahi. Natahsana, taona a nakilhan ding bou chu thupi ahi. Saotah le chomcha tao akibange. Natahsanna bou chu ngaikhoh a ahi.)
Hitobang hin natao theiye:
“Pakai Jesu, Nangma kangaichat naheinai. Cross chunga keima chonset jeh
a nahung thi jalin kakipah e. Lung-kot hongin, Ka Huhhingpu le ka Pakai hung
hidin nangma ka sange. Ka chonset neingaidama, tonsot hinna neipeh jalin namin
ka thangvah e. Ka hinkhoa vai hung homin. Nadei bang mihem chu nei hisah in(
tin naminin kathume,Amen.)”
Hitobang taona hito nalungdei kitoh nam? Akitole, hitichun taovin. Chutile, Ama
akitep banga, Christa chu nahinkhoa hung cheng pai jeng ding ahi.
Tua hi Christa hi nakisan ahitai.
NAHINKHOA CHRISTA UM HETNA
Chunga taona hi manga Christa chu hinkhoa dia nasantah em?
Ama akitepna Revelation 3:20, dungjuiya Christa chu nangto kiguijopna a hoilai pena umtam? Christa chun nahinkhoa umdia asei ahi.
Napui chavai dia nagel em? Pathen in nataona asanding chu ipi thaneina akona
nahet ham?
(Pathen Amatah tahsan akaina le Athu hoa kona ahi.)
Bible in eiteppeh‟uve :
(The Bible Promises Eternal Life)
“Hiche hi „hetpina‟ (aphotchetna) ahi, tichu, Pathen in „tonsot-hinna‟ chu eipeh‟u
ahitai, chule hiche „hinna‟ hi Achapa (Jesu Christa) a uma ahi. Chapa (Jesu Christa)
neiya chun „hinna‟ hi anei ahitai; Chapa (Jesu Christa) neilou vang chun „hinna‟ hi
aneipoi. Hiche ho hi nang ho Pathen Chapa mina tahsan hon „tonsot-hinna‟ hi
naneiyu ahitai ti nahetna diuva kahinsut ahi.” (1 John 5:11-13).
Eiho Bible ahin hetthem ahahsai. English a NKJV le NIV hoa hi kaledoh thu ji ahi.
Noiya English ahi ven, kaledoh thu lona namu ding ahi -{“The witness is this, that God has given us eternal life, and this life is in His Son. He who has the Son has the life; he who does not have the Son of God does not have life. These things I have written to you who believe in the name of the Son of God, in order that you may know that you have eternal life” (1 John 5:11-13).}
Pathen koma kipa-thu sei jingin, nahinna a Christa aumtah jeh le na dalhah tahlouhel ding jeh in. Aman “Ka dahlhah louhel ding nahi” ati (Hebrews 13:5).
“Na hinkho hi sum-ngailutna akonin kikangsenlang nanei chengse
ahin lunglhaiyin, ajehchu Pathen in aseiye,
“Ka-dalhah louhel ding nahi;
Ka thinlhah louhel jengding nahi.”
Hijeh achu, eihon ngampel‟a iseitheiyu ahi,
“Pakai hi eipanpi‟a ahi; keima kicha ponge.
Athithei-bep hohin ipi eilo-thei diu ham?” (Hebrews 13:5-6)
Tunvang, Christa‟n naumpijing dia akitepna‟akon hin nangman Ama chu Pakai le
Huhhingpu dia natemnia pat‟a chu „tonsot-hinna‟ hi nanei ahi chu nahet-thei„ ahitai.
Aman lhem po‟nate.
***************************************************************************************************
Ajonan, Christa-to hinkhomna hinkho naman dan ding le khantouna naneina din
hou-in kai jingin, Pathen thu kihilna ho phatechan ngaijingin. Tahsanmi hoto lhatkhomna hi lhaso hih in. Na kivoppi, nagol jong khel ngai ho khel in, tahsanna a hat ho kivoppi jingin. Nitinin Bible simin, tao jing jengin. Kihilna nadei le kakoma nahungjing theiye.
Pathen in, Lhagao theng in napanpi jing tahen.
( L.K.Hengna at Songpijang CC, the 20th October 2013 nilhah kikhop a Paper
present kabol . Hiche hi Campus Crusade ho „Four Spiritual Law‟ kaledoh ahi)
*****************************************************************************
No comments:
Post a Comment