Golte, Pathen in phatthei naboh jing tahen.
Hichena ding chun aAthu sim jingute. “Pathen kom ibelnauva ngampela i-umthei
nau chu hiche hi ahi – Ama lungdeilama i-thumule aman iseiyu eingaipeh uve.
Chule, Aman i-thumu eingaipeh’u ihet’ule- i-thum jouseu chu- imusau ahitai ti
iheuve.” — 1 John 5:14-15
Pathen
thu nasima, nagel jou chomkhat tengle, taonan Ama chu houvin. Napa deitah,
napanpi nomjing le nangma dia phapen bolpeh nomjing, napa deitah koma thu
naseibangin Pathen koma seiyin taona in.
Nikhat sunga hin itih phat hijongle Pathen
koma natao theiye – natohna mun jotna, anneh kon, ponsop pet, lekhasimpet,
school kaipet le adang hoa jong. Hinla, nikhat sunga chun phat bih tum jong
Pathento kihouna ding pedoh in, i-machan jong nasuhmo lou ding phat pedoh in,
thipbeh chan Pathen chu houvin –Bible sim le taona phat.
Jingkah hi nangdia phapen thei ahi –
lungthengsel le alpeh a na umpen, natoh napat masang, ahiloule nilhah kicholdo
phat, lup masang, jing nikho dia tohgon nanei masang, jong pha thei ahi. Apha
cheh vang chu, jingkah le nilhah in, na changseh in Pathento phat
mangjingin.(Psalm 55:17)!
Nikhat sunga itih phat hijongle, gunchu tah
le ngaina tah in bolin. Jesu chu jingkah matah in ataoji, chule, munthip laiya
acheji.(Luke 5:16).
. Taojing ding nanople, Pathen kom lhutnan ‘Amen’
jih in. Jesu Christa’n Lhagao Theng in na umpi jing tahen.
No comments:
Post a Comment