Golte, Pathen in phatthei nabohhenlang,
nitina nangaichat jouse, Amadeito kitoh a le nangma dia phapen jouse nape jing
jeng hen. Mitamtah in, Pathen thu le Pathen deiya chon hi hahsa ding le mihem
kipana lam hilou danin agelji. Keima hinkhoa kamudolin vang, Pathen in achate
kipana ding agel val jenge. Kipahtah a iumdiu anome. Chule, ithanopna hou le
idei hou jong hi ichandiu adeiye. Hinla, eiho dinga pha mong ham ahiloule vang
eideipeh deh pouve. Ajehchu, hatmo le hetna lhinglou ihijeh un i-gut’u le
ithanopnau tampi hi iboljoutengule, aphalou le thilphachomlou ahi ihedoh un,
ikisih un, kipahloutah in iumkit jiuve. Hitia, kipana kimansah a lungnomlou tah
a ium jiuhi Pakaiyin eilungset un, akitteng jongle ichonnahouva iumkit diu
einoppehji tapouve. Hitia, kipana phachomlou kisih kitna dingbep hoa konin jong
eituhnom jiuve. Tulam hin keivang, thilkhat kaboldingle –
“Pakai, hiche thil hi bolding kagongin,
kadinga phalou ahijengle neisumo jengin. Ajehchu, alhinglel, hetna lhinglel
kahi, kadinga pha jong hesohlou, aphalou jong hechen monglou kahi nahenai. Tua
hi bolding kahitai. Kadinga phalou le nangma deilou ahikhahle neituh in, Ka
Leng le Huhhingpu, ijakaiya ka ijakai nahin, kadinga pha nahenai, tia ei ka
Pakai Jesu namina tao kahi, Amen” katiji.
Hitichun, kathilgon alolhinlou, kathilbol
kabolmo tengle kadinga phalou ahijeh a Pakaiyin eituhtang ahi kahejitai.
Chuteng, kakipana asangchehji. Hijeh achu, Pakaiyin, a lhachapa aseidohsah a
aseihi kangaisang cheh cheh jenge, simute –
“Gollhang chu iti adih le athenga chonthei
ding ham? Nangma thu dungjuiya hithei ding ahi……Nangma douna a kachonkhel louna
din kalungsunga Na thu hohi kasel e.” — Psalm 119:9, 11
Golte, Pathen thu umdol le asei hohi nang le
kei phatna ding, kipana, damna ding kijet ahi. Chonset in eisuhmouva, i-kisihna
diu eivohdohsah gotjiuva, adihlou eibolsah gotjiuva, aphabehseh lu ho jong
bolnomna, neinomna lung eipeh jiu ahi. Kei tao bang hin tao jingle chun,
kisihna umtalou, Pakaiya kipana mansahna ding umlou ahi.
Hitia chu, na taole, Pathen kom lhutnan ‘Amen’
jih in. Pathen in, ei huhhingpu’u Jesu Christa minin A Lhagao Theng in napanpi
jing tahen.
No comments:
Post a Comment