Mi khat thi mitin hinna ding ahi

Pathen in phatthei nabohhenlang, kipana kim, damna kim, lolhinna kim nape jing tahen. Tuchung Godd Friday man hi phatchomna neiteina din hiche hi, tao-to thon simin.

Mijousen chamna adeicheh in. Vannoi kidoupi nina kichaiya UNO akiphudoh in, chamna umtadia mijouse akinep vang in aum theideh poi. Gamtina kidouna, kinah-kisao adimset in. Mihem kivaihopna hon itidola chamna asem vangun aumdoh thei deh poi. Chamna dihtah umna ding hi Pathen vaihopna a kona bou umding ahi. Mijouse thikhela thipa, Jesu Christa thina bouhin chamna ditah ahinso dohding ahi.

‘Thina’ hi mihem’a ahin, ‘Hinna’ hi Pathen’a ahi :  Jesu’n, " Keima thokitna le hinna kahi. Keima ei tahsana chu thijongle hingding ahi, chule koihile ahingjouse le Keima eitahsan jouse thilouhel ding ahi" ati.(John 11:25-26).

‘Good Friday’ hi Jesu thini hetjingna dia kimang ahin, hiche ‘Good Friday’ ‘Thinani’ hi mihem’a kon ahi – mihem chonset jeh’a um ahi. Hinla, ‘Thokitna’ hi Pathen’a ahin, chule, ‘Thokitni’ hi Pathen nikho ahi. Pathen thahatna’n bou Jesu Christa chu thina akona akaithouthei ahi. Hiche, mihemte kinepnapen ‘hinna’, ‘thahatna’ le ‘kinepna’ hohi ‘Thokitna’a bou kimu ahi. Ajehchu,‘Thokitna’ hin ‘hinna’ asodoh in, athokit ahi, Jesu Christa chu hinga ahita’n; thilthah hung kipandoh ahitai.

Thinan kichatna asodoh in, thokitnan lungmonna eipeuve. Thiding gelnan lungthoina sodoh in, thokitna hin kinepna eipeuve. Thinan kikhenna ason, thokitna hin beitalouding hinna, Jesu Christa-to tonot’a hinkhomding thu aseiyin ahi. Bible in, "Nachonset jeh’uva nathipet un….Pathen in Christa-achun nasuhing’un, nachonsetnau jouse angaidam tai" ati(Colossians 2:13).

Jesu Christa athokit’a hinnathah anei chu eiho, Amatahsante dia hinna ahitai. Hiche jala chu Pathen’a hing ihitaove, Jesu Christa neijousen Ama i-lungsunguva achen ikihet cheh’uve. Jesu Amatah in jong aseiye, “Amahon hinna aneitheina diuva hung kahi, chule, lhingset a anei diu ahi.” (John 10:10). Hichun, Ama eihoa aum chu aphotchet ahitai! Jesu’n  eiho chonset jeh’a athoh diu jouse Ama tahsa tah’a athoh jou, Athisan kisoa atojou, Cross chunga akin achai jouva, thia lhana kona ahungdoh chun, ‘hinna’ chu eiho eipetheitaovin ahi. Ajeh chu, Ama athilah’a kona thoudoh’a hinga ahitai.

Ahile, nangin hiche hinna chu naneitah em? Jesu Christa’a hinna, Bible in ‘Penthah’ thudol’a nangmatah hinna’a hetdoh naneiyem?

‘Penthah’ kiti hi Jesu Christa chu nang hinna’a hung hing tina ahi. Pathen lama le hetna dola thina’a kona nahung hindoh tina ahi. Hitia chu, mithah, Pathen le Athudol hethemthei mihing nahung hi ahitai.

Thokitna hin ‘hinna’ thu asei ahi. Hichu, Jesu Christa lhana kona ahung thodoh keu thu mai hilouva, tu le tonsot’a ding chule, nitina dia beitih neilou hinna thu asei ahi. Chule, Jesu Christa hin ‘Van-gam’ lampi chu ahon ahitai. Thina kichat ding aumtapoi. Ajehchu, Jesu Christa-to kijop, athokitna a thoukit khom  ihitaovin; Christa jona loupi chu eiho jona ahitai, tu le khonunga din jong. Jesu Christa’n, Athina le athodohkitna’a hi ‘thina thahatna neipa – Agiloupa chu achaidoh ahitai” (Hebrews 2:14).

Thokitna hin Thahatna jong asodoh e. Pakai chu thina’a kona kaithou ahimasang chu, Seijuite chu lhasam le geichautah in aumuve. Thahatna him him aneipouve.  Jesu thodoh, vana kaltoujouva, Penticost masang jong chun kichatnan adimun, akiselsel jengun ahi. Pentecost ahung lhun tah in vang ‘Mimeidoi’ ho chu ‘dehjoulou’ ahung hitauve!

Pentecost nin, soh numeikhat kichabep,Peter chu mipi sangtamtah lah achun adingdoh tai. Hakat tah in, mipi anga chun thu aseiyin, athapau Jesu Christa chu thinan hetjoulouva, Pathen in loupitah a akaithoukit’a, tua Lhagao Theng chu ahinsol’a, seiyuiten Amathu hi aseiyu ahidol aseile, mipi chu lungdong in aumun ‘Achutile, i-katidiu hitam?’ tin adong taove. Hichun, Peter in,

"Nachonset lungule, nanuna khel’unlang, nachonset’u ngaidamna din Jesu Christa minin Baptize changun. Chutile, Lhagao Theng thilpeh nachan diu ahi" ati(Acts 2:38).

I-pi ham hitia gumna, hakatna pea chu?

Peter  chu Lhagao Theng dim’ a, thahatna anei ahitai! Thoukit Jesu Christa hinna chu anei ahitai. Eiho Jesu Christa tahsanten jong, lhana kona kaithoupa thahatna chu ineiyu ahitai. Pathen thahatna chu eihon ineiyu ahipoi. Eihoa um, Lhagao Theng’a kon bou ahi.

Nahinna’a thahatna naneilou, Lhepna le patepna ho najojoulouva, Jesu Christa thu hettohsahna hoa lhahsapna naneile, Pathen Lhagao Theng chu nanga cheng ding le natong din ngeh in; Ama nanga um chu he inlang, nangma’a na tongdin kouvin, kipedoh in.

Jesu Christa hinna chu Ama tahsana sang jousen aneicheh’e. Nahinna chu Jesu Christa hinna thahat chu dimsetthei ahi. “ Pathen in meidoina lhagao eipeh’u ahipoi, Thahatna, ngailutna le kitimthemna lhagao eipeh joh’u ahibouve" (2 Timothy 1:7).

Kinepna : Thokitna hin kinepna kichehtah jong eipeuve. Tahsa thina nei jongleuhen, i-tahsau hi Jesu Christa banga thoukit ding ahi. Jesu Christa hinna neijouse dinga thokitna hi kichehtah in Bible in , nikhatle ikikhelsohhel diuvin eiseipeh un ahi – “mitphet kahlouva vah hung kilang banga, sumkon gina ikikhel soh diu, sumkon hung ginga athijouse monmangtheilouva kikhelsoh diu” tia asei ahi. (1 Corinthians 15:52).  Hichu, thokitna ding kichehtah, ikinepnau chu ahi. Jesu Christa chu loupitah a imu diu ahi!

Nanginla hiche kinepna chu kicheh’a naneiyem? Jesu Christa chu mudia na kinep tahbeh nah em? Aphotchetna nachan nah em?

Thoukit Jesu Christa chu nalungsunga achenloule, tuhin thilechun, ipi kinepna naneiyem?  Jesu Christa chu nanga achenvangle, Amato tonsot’a hingkhom ding nahi chu kichehtah ahi. "Tonsot hinna chu amaho kapen, mahthah louhel diu ahi," ati ahi (John 10:28).

Pakai Jesu chu tuni hung tale, Ama koma din napui nadem? Nahinna chu Jesu Christa napehdoh tah em?

Nakicheh’a, Hinna chu naneitah a, nakicheh tahle, Lhagao Theng panpina thumin, miho jong panpi theidia nahil dingin temin, taonan thumin.Tao jingin. Hichea kijih hohi mangchanlang, panpi ngaiho panpin. Chutile, Pathen in phatthei naboh ding ahi.

Na kicheh loulaile.Tutah jong hin, taona mangin Jesu Christa chu nakisan theiye!  Jesu chu kouvin, nachonset phonginlang, ngaidam thumin. Chule, na Leng le Huhhingpu din ngeh in, nahinkho pumpi Ama khuta pedoh in. Nachonset lhatdohna’a Cross chunga ahungthia Pathen cha hitheina dia Pakoma nataopeh jalin kipathu seiyin.

Noiya bang in taovin:

Pakai Jesu, tunigeiya nangma kom bellouva ka umna hi nei ngaidamin, tuhin nang kakouve, kachonet jouse neingaidamin. Ka Leng le Huhhingpu hung hinlang, kahinkho hi nadeilamin neipuiyin.Chonset jeh’a  Kading khela nahungthi jalin kakipah e. Loupitah a nathokit’a vankot, Pahengjotna lampi neihonpeh jalin naming kathangvah e. Na hinkit’a Van le leiya thuneina jouse neiya tonsot hinna naneiya, nahinna chu neipehtah jalin kakipah e. Hiche, nanga hinkhothah neipeh hi manthemna din – neiteppeh’u Lhagao Theng chu kasunga chensah in- eipui, eihil, eilhamon ding le na cha hinkho dia lom mangthem din eipuidih jing hen, tia eihuhhing ka Pakai Jesu naminin kathum’e, Amen.

Jesus died to give all eternal life

Death is man’s legacy; life is God’s. The Lord Jesus Christ said, "I am the resurrection and the life. He who believes in me will live, even though he dies; and whoever lives and believes in me will never die" (John 11:25-26).
Good Friday, when we remember the cruel death of Jesus Christ on the cross, is a day that man made because of sin. But Resurrection Sunday is God’s Day. He made it. Only the power of God could have raised Jesus Christ from the dead. Man’s deepest yearnings for life, power, and hope find fulfillment in the meaning of Easter.
Resurrection speaks of life. Jesus Christ is alive today! Here in the northern hemisphere, Resurrection Sunday comes in the spring. After a long, cold winter, nature comes alive. In the spring, one is prompted to think of resurrection. It’s a new beginning.
Death is our enemy. But life is ours in Jesus Christ. Death brings fear. The Resurrection gives peace. Thoughts about death often lead to depression. The reality of the Resurrection leads to hope. Death speaks of separation, but the Resurrection speaks of a life that is indestructible, in union forever with the risen Jesus Christ.
The Bible says, "When you were dead in your sins...God made you alive with Christ. He forgave us all our sins" (Colossians 2:13). We are alive to God because the risen life of Christ is our life. All of us who have Jesus Christ in our hearts know that He’s alive. That’s why we love to sing, "You ask me how I know He lives? He lives within my heart." The Lord affirmed, "I have come that they may have life, and have it to the full" (John 10:10). That speaks of His life in us!
When Jesus came out of the grave, having finished the work on the cross, having shed His blood, having taken the punishment for our sins on His own body, He was able to give us life, because He was alive, risen from the dead.
Do you have this life? Have you experienced what it is to come alive in Jesus Christ? Have you experienced what the Bible calls a "new birth"?
To be born again means that Jesus Christ actually comes into your life. Instead of being dead to God, dead to the things of God, not understanding what God is like, you come alive. You become a new person who can understand the things of God.
The Resurrection speaks of life; not only the life of Christ, alive from the tomb, but also an abundant inner life for us, here and now, daily.
Jesus Christ also opened a way into heaven. We no longer have to fear death, because we are united with Christ. A Christian has been resurrected with Jesus Christ. Christ’s victory is our victory both now and in the future. Through His death and resurrection, Jesus Christ destroyed him "who holds the power of death-that is, the devil" (Hebrews 2:14).
Resurrection also speaks of power. Before the Lord was raised from the dead, the apostles were quite a miserable lot. What was wrong? What was it that they lacked? They lacked power!
Until the Lord Jesus was resurrected, was raised up into heaven and the Holy Spirit came down on the Day of Pentecost, the apostles were still afraid and in hiding.
But on the Day of Pentecost, Peter, who had earlier been afraid of the accusations of a servant girl, stood up in front of several thousand people and said, very boldly, "Repent and be baptized, every one of you, in the name of Jesus Christ for the forgiveness of your sins. And you will receive the gift of the Holy Spirit" (Acts 2:38). What brought on this boldness?
Peter now was filled and empowered by the Holy Spirit! He had the risen life of Jesus Christ in him. The power that brought Christ out of the grave is for us now. God’s power is not something that we work up ourselves. It comes only from the indwelling Holy Spirit.
If you lack power in your life, power to overcome temptation, power to witness for Jesus Christ, then you need to allow God’s Spirit to fill you. You need to acknowledge His life in you and let Him live through you.
The life of Christ dwells in every one who by faith receives Him. Your life can be filled with the power of the living Lord Jesus Christ. "For God did not give us a spirit of timidity, but a spirit of power, and love and of self-discipline" (2 Timothy 1:7).
For those who know the Lord Jesus, that fact is very real. The Lord is coming back! The Bible says that one of these days, we shall be changed "in a flash, in the twinkling of an eye, at the last trumpet. For the trumpet will sound, the dead will be raised imperishable, and we will be changed" (1 Corinthians 15:52). What a marvelous reality!
This is the hope that the Resurrection gives you. We know we shall see the Lord Jesus face to face in all His glory. Do you have that hope? Do you have that assurance? Do you know for sure that you’ll see Him?
If the resurrected Christ does not live in your heart and you die today, what hope would you have? There is no "reincarnation," no "second chance." But if Christ lives in you, then there is the secure hope of eternal life with the Lord Jesus, forever. "I give them eternal life, and they shall never perish," He has said (John 10:28).
If the Lord Jesus returned today, would He welcome you into His presence? Have you opened your life to Jesus Christ?
You can receive the Lord Jesus by a simple prayer of faith. Believe in Him, invite Him into your heart, and become a child of God. Make sure that you will be part of that resurrection day when the Lord Jesus comes back for His own.
Make this prayer your own, quietly now, as you finish this article:
Dear Lord Jesus, thank You that because of Easter, You’ve made it possible for me to have a new beginning. Thank You for Your death on the cross, paying the penalty for my sins. Thank You for Your resurrection three days later. You’re alive and now You offer me new life, power and hope here and now and for all eternity. Please forgive my sins and make me part of Your family. I gladly receive You and put my trust in You. Amen.
(Read more in < http://ablessedlifeinjesus.blogspot.in/ >; < http://love-in-jesus.blogspot.in/> )

Nakoma chamna umhen

Pathen in phatthei nabohhenlang, Jesu Christa jala Pathen chamna chun na umpi tauhen. Thinagal le chonsetgal ajojouva pat in, Jesu Christa’n Ama tahsante jouse phatthei aboh jingji. Jesu Christa thina akona athodoh jouva Seijuite akimupi masah pen chun phatthei aboh in “Na lah’uva chamna umhen’ ati. Chujongle, seijuite chu Ahu alhakhumin, “Lhagao Theng kisanun” ati. John 20:1-29) hi taotothon ana siminlang Ama phattheibohna kisanin.

Jesu Christa chu Leng le Huhhingpua nakisana, Lhagao Theng chu nachantahle ‘Amen’ jih in. Pathen in phattheina lhingset nape henlang, Jesu Christa akonin Lhagao Theng chu kisanin, Pathen to chamna chu naneisah jing tahen.

Kakipah-e Pakai kakipah ngei

Golte, Pathen in phatthei naboh jing tahen. Hiche La hi Pakaiyin eiho chonset jeh a Pa kom eilhut kitna diuva athoh le athina gel pumin eihinsahpiuvo : Lathah 58. Aw Calvary lhang chu (Lalzarlian)
1. Aw Calvary lhang chu ka galdot le,
Ka Lhandampu thohna lhang chu ;
Mi kichat lhang, lhang gimnei tah a chun,
Ka thoh khel’in athoh.

Kakipah-e Pakai kakipah ngei,
Hibang loma nei ngailutna ;
Ka seithem poi napha tangeiye aw,
Vahchoi chimthei ponge.

2. Hibang lom loma kidang ngailutna,
Chonset twipia lhum-mangsa ;
Ngailutna a neina puidoh ahin,
Nangbou juitang kate.
3. A thisanin ahong jalenna gam,
Chu mun chu eipuilhung dingin ;
Na Lhagaova neihin von tah jeh in,
Kalung alhai tangei.
4. Seichim thei ponge aw na ngailutna,
Leiset loupina sei louvin ;
Na ngailutna thu bou sei tang kate,
Pakai nei panpi-in.
5. Halelluyah Amen Halelluyah,
Amen, Amen, Halelluyah ;
Pakai malsomna jouse eipe-Pa,
Namin loupi jing hen.

Nasahle, 'Amen' jih in. Pathen in umpi jingtan.

Marvelous Love

Lord, You bore so much piercing pain for my sake! Even then You pray to Father in Heaven to forgive us :

“Father, forgive them, for they do not know what they do.” (Luke 23:34)

How marvelous Love You have for me and all, my Lord! Let all receive the fruit of Your unending Love and blessings! Thank you for praying for us and thank you for dying on the Cross to save us all sinners. Thank you Lord, make us Your worthy followers and send the Holy Spirit -to guide, comfort and help us to tell others about Your Love for all man on earth. . Lord, answer our prayers and also those who still can not call you in prayer. Answer them when they call on You and bless them with Your abundant blessing so that they can glorify Your Holy Name, in my Lord and Saviour Jesus name, I pray, Amen.

Nakipana din miho ngaidam in

Pathen in phattheina kim napehenlang, tuchunga Good Friday hi nadia milmo kipana le vangphatna hisah tahen. Jesu Jerusalem’a Loupitah a alutjou, ajing a theichang phung gopjou chun “Vana um napaovin, na ngaidamna diuvin miho suhkhel ngaidam un” (Mark 11:25) ati. Chule, “nanghon miho suhkhel nangaidam louvule, vana um napauvin jong nangaidam loudiu ahi’ (Mark 11:26) jong ati.

Min nachunga suhkhel aneiya, nalunghanle, avangse nang bou nahi. Nalunghan khumpa chun namel amuloutengle hepha ponte. Nang vang, nagel jing ding, lung kipana neithei ponate. Pohgih nachunga bou umding. Lunghang chehcheh inatin, suhstbe ding, thilse bollung bou naput ding, thildang kipana jong naneimo sah ding ahi.

Keima hinkhoa aumdol jong kaseitai. Kipa kanomin, hinla, kipalouna ding katoh jingji. ‘Mikhattouvin ei oimon, ije eitilou, pha kasah ho pha salou, neocha kasuhkhel eimugeu’ hiti ho chu adimset in. Kagelin, kalung ahang chehcheh in, lethuh ding, bolchah ding, housan ding, milah a suhjum ding’ ti ho kagelin, bol jong kagoji.

Hitiho chu kagel gel le, ka lunggel asecheh cheh jengtai! A khonnan, Kipana him him kaneithei tapoi.

Akhonna khet in, Pakai Jesu thusei kahin geldoh tai : “Min nachunga suhkhel aneile,ngaidam in, na ngaidamle, nangma chonset jong Vanna um na Pauvin angaidam ding ahi. Mi suhkhel na ngaidam louvule Vanna um na Pauvin jong na ngaidam loudiu ahi.” (Matthew 6:14-15)

Achainan, “gel gel da tange, donda mai tange. Anople, Pathen in eingaidam sah tante, Amabonin kei michonse, Alungdei boltheilouhel eingaidamle, kei ipi kahija miho suhkhel ka ngaidammo ham?” tia kahin-gellhuh chun, Ka lung ahung nomsot sot jengtai, ni phabep jouvin koima vetdana jong kaneitapon, koiman jong eimuda din kageltapoi. Hinkho anom mong mong tai!

O! Pakaiyin, kachonset angaidam ahitai. Iti nop tam! Pakaiya kakipana asang cheh cheh in, kipa louna chu katoh behseh tapoi. Kol khat, ijong hilou khat in, a dukana chair kagah kaile, eihin hohsaalin, pho ding katile, kalungsunga noplouna ahung um paiyin, kanuisatle, ama jong ahung nuiyin, phatechan kakihou lhon lotai!

Golte, michunga kalunghan chu, miho chunla pohnat in jong aneipouve. Keivang kakipana jouse beiya, kalung hangcheh cheh jeng, pohgih nasatah kachunga um ahitai! Ka ngaidamtah in, avangphapen chu kei kahi kamutai. Michunga kalung hanle avangse kei, mi ka ngaidamle ‘avangpha kei’ kahi Pakaiyin eimusahtai! O, Pathen ngaidamna hi Lhagao lam thu bouham kanatile ‘ahipoi’! Tahsa hinkhoa jong ahi! Tahsa a jong hi ‘Lhagao’ cheng ahi. Pathen ngaidamna, Jesu Christa a hinna hi tahsa hinkho nopna jong ahin, Lhagao nopna jong ahi! Tonsot a Pakaito chenkhomna ding jong ahi. Tonsot hi tua hi kisimpan ahi! Thinung thu keu ahipoi.

Hijehchun, Jesu’n aseibang hin ‘mi ngaidamin, avangpha nahi ding ahi. Napohnat a, mihon nabolsetnau nagela napohnat chana nang bou achunggih nahi’. Pathen in bon eingaidamuva, eihon miho suhkhel jong ingaidam theilouvule, Pathen in itiba ei ngaidam diu ham?

Pathen in mi angaidam tengle lungnopna, kipana kinei ahi. Hinla, leiset kipana mai hilouva kipanakim, van kipana chu ‘Jesu Christa tahsanlou chonset’ hi ‘itahsantenguva eingaidam tengule’ kinei ahi. Jesu Christa chu Lang le Huhhingpua ikisan tengule, Pathen in, ichonset jouseu angaidama ‘Acha’ ‘Pathen cha’ dia ei kipomuva, chutengle, Lhagao Theng chu eipeh’uva, hiche Lhagao Theng isunguva cheng chu phatthei aboh jinga, eiho phattheina lhingset chang ihijiu ahi. Hiche chu channa din, Jesu Christa chu kouvin. Na kisantahle, Lhagao Theng chu napeh din taovinlang, phattheina lhingset chu thumin, Jesu minin.

Ga nei theina

Pathen in phatthei nabohhenlang, kipana kim le nopna kim hinkho chu namansah jing tahen.Jesu’n Theichang phung chu aga aholle amulou phat in, aphoh in “tukal koiman naga nehda tahen” atile aphung chu agop lotai (Mark 11:14 & 20-21)

Jesu Jerusalem’a alut banga chu eihoa ahunglutteng eisuhtheng jiu ahi. Hinla, ga’neilou, koima nehtheilou, koima dinga panna neilou, miho dia pannabei, (tohpha, miho phatchomna a hitheilou), Pathen dia jong pannabei ihiu eito khah’ule vang, theichangphung banga hi ei gaosap theiyu ahi. Chingtheiyute. Ama belloiyute.

John 15 :5 ahin “Keiya umjingun, keima beiyin nangho nagatheipouve” ati. Chule “Mi Keiya um chu hagan agaji” jong ati. Hijeh achu, gaosapthei, gabei chu Ama (Jesu Christa’a umlou, Jesu Christa lhatdamna/ huhhingna changlou tina ahi. Ama kisanlou jouse chu gop’a thiding, paidoh’a tonsot damun meidila umding ahi. Tu ahinkho jenga jong kipanatah le lung olna neilou ding ahi.

Tuni geiya, Jesu Christa Huhhingna changlou nahile – Taovin, Jesu kouvin, nachonset ( Jesu chu Leng le Huhhingpu – nahinkhoa Leng le thuneipen dia nasanlou, nakoulou nachu nasuhkhel, nachonsetna lenpen ahi) le nasuhkhelna ho phongin lang, kisih in Ama naahinkhoa thuneipen hung hidin kouvin, Leng le Huhhingpua nakisannom thu seiyin chule hung hidin temin, kipedoh in. Chule, nangma chonset thuneina noiya sohbanga naumna akona huhhing dinga ahung a, Cross chunga ahungthi chu nangma chonset jeh ahi tahsanna napom thu seiyin, athia nahuhhing tah jalin kipathu seiyin. Tuapat, nahinkho le ijakai Ama khut a nakoithu phonginlang, Pathen lungdei hinkho namantheina dia nahilding, napanpi ding le hahsatna le kineplelna ho jousea nalhamon din Lhagao Theng chu tonsot a naumpi jing din thumin Jesu minin.

Jesu Christa chu kisansa nahitahle, ga nanei theina dia na umpi jingna din taovin, Ama Lengpigui ahiya, nangma abah nahi achu ‘ga jingjeng Pakai’ chun nangma’a aga chu aso jingna din taovin, napanpi jing din Lhagao Theng chu thumin.

Jesun Houin asutheng banga nasuhtheng ding

Lim chavai le thu aphalou min na facebook a akoilouna din, nitinin, Pathen thu jih lut in; ahiloule na Timeline in miho Pathen thu sei hohi share bolin, kikoi jingin. Athupha umna mun chu Jesu Christa’n Jerusalem Houin asuhtheng banga hi asuhtheng ji ahi.

Tuni ‘JESU LUNGDNNA HAPTA’ imanpat’u ahi. Luke 19:45 – 47 sung hi simin – simlechun, Jesu Houina agalutle, houin chu sumkolveina dihlouva dim agamui. Thiljoh ho jouse anodoh in “Ka in chu taona in kiti ding ahi’ atin, athenglou jouse anodoh in asuthengtai!

Bible in , atahsan mite hi ‘Nang ho Pathen intheng nahiuve’ ati. Pathen tahsana, Jesu Christa jong tahsanna Leng le Huhhingpu’a kisan jouse sunga chu Pathen Lhagao Theng chenga ahi.

Tu’n Jesu hi nasunga hunglut tale itobang nahi ahin toh nadem? Chonset, thenlouna, jouse, thaset, kamtam, kinepna neilou, Pathen tahsana song joulou, nunchan kitup lou le adang phatmona le thenlouna dimset amudoh ding ahi. Ajeh chu, mijouse hi chonse, chonset thaneina noiya uma, chonset in thenlouna dimset a eikoiyu ahi. Eihon, iti ibolgot vangun, thenna le phatna tahbeh chu ijou pouve. Phat igouvin, midang panpi ding, minphat ding, hatding, thilpha bolna lamkaiya panding, le apha dang itup nauvie. Hinla, eiho hatnan ajoujipoi.

Golte, Jesu chu Lenga hunga ahi. Nakoma ahung ding le nahung muding kicha hih in. Chonse, thenglou, hatlou ihiu ahenai. Chonset in thuthua eikoiyu ahi ahei. Hijeh achu, Pathen in eiho chonset vaihopna le chonset soh a iumnauva kona ei huhdoh diuva ahinsol ahi.

Kouvin, namu ding kicha hih in. Na kouva, nahungmua, thenlouna,chonset dim nahi amutengle – Jerusalem Houin asuhtheng banga nasuhtheng ding, chonset thahatna chu najopeh ding. Hitia chu, mipha nasoa, Pathen cha nahisah ding ahi. Chuteng Pathen in Jesu Christa jala nachonset jouse angaidama Acha nasoa, Jesu mina phattheina simjoulou napeh ding. Mipha, lolhing le kipah jing nahisah a chutengle, miho muding le Ama mudinga jong Pathen cha hija lom naso ding. Jesu mina Lhagao Theng chu nasunga achensah a, Lhagao Theng chun napui, nahil, nalamkai ding; kichat tijat le kineplelna hoa nalhamon jing ding ahi.

Hichu, kipana chamkim, lolhinna le hinnopna, nunnopna Jesu Christa ‘a kimu chu ahi.

Hijeh chun, tutah jong hin Jesu chu nasunga hung a, na Leng le Huhhingpu hiding le nachonset ngaidam ding, nathenlouna jouse sutheng din temin. Chule, nahinkho Ama’n Ama deiya napuidin jong taovin.

Hitia chu, Jesu nakouva nataole ‘Amen’ jih in. Pathen in phatthei naboh jing tahen. 

 Pathen in phatthei naboh jing henlang, Ama cha nahina in na umpi jing tahen. Tuni, ‘Palm Sunday’ tia kihe hi Bible them’a ihet houvin seichom chomin neiyunte. Hinla, keima mudolin vang, JESU LOUPITAH A JERUSALEM A ALUT hin Jesu Leng hiya ahungna, ahungna ding ,chule, Jesu Christa huhhingna thupha jahna avetsah ahi.

Janhia English a kasei bangin, Jesu chu Jerusalem’a Leng in agalut in ahile – mihem honni agamui. Ama sangjousen, phothipmo helin, Pakai vahchoinan a aovuve. Adang konkhat vangin Ama thana ding agonglouve. Ana lem hohi –tulai le khonung dinga jong, Jesu Christa Leng le huhhingpu’a kisan ho ahiuvin. Akisanlouho vang setna lama nasa cheh cheh ding ahiuve. Ama sang jouse phattheina kim, kipana, nunnopna kemtheilou apeh ding; akipanauvin tantih neitalou ding. Pathen thangvah nom jing jeng, Jesu Christa chonset ngaidamna natoh, Jesu Christa mi-Huhhingna thupha sei jong chim taloudiu, ahinkhouva itobang toh jongleur, alhamon diu Lhagao Theng aumin, ima lunggimna le hahsatna neitalou diu ahi.

Jesu’n Jerusalem mipite, anasanga sanga Ama deimo le that nom atamjo amuphat in, Israelte khopi Jerusalem chu ‘aka khumin’ (Luke 19:42-44) vangsetna achandiu aphonkhum in, Jesu thijou kum phabep jouvin, Israel khopi Jerusalem chu, agalteu, namdang hon alatauve. Tuni geiyin, Muslim lenggam ahijing tai. Hiche banga chu, Jesu Christa thu hea sanglou jouse chu tonsot’a dia themmo chang diu ahitai.

Jesu Christa thu hi seiphonga umjing ahi. Imacha hihih jongleng, ei Huhhing ka Pakai Jesu chu ijakai ahi. Nitinin, keima jenga konin jong Ama mihuhhingna thupha hi eithotdohsah jingin, Internet hoahin tampi aumtai. Amanchah mihem sangtampi hon jong, hiche thupha hi nitina aphondoh jingo ahi. Internet a kisei hohi koitobang, vannoipumpi hoilaimun hijongle amuthei ahi. Athuneipa Pakaiyin, anom nom amusah theiya kikoi, uma ahitai. Hitia hi, vannoi pumpia miho koma Kipana Thupha lhungsoh tithei ahitai. Mijousen ajah’u tobang ahitai. Hitia, Jesu Christa thupha lhunna, mihon ajahnau chu, Jerusalem’a ache, alut chuto kibang ahi. Koiham asanga, koiham asanglou. Um cheh ahi.

Thupha Chula najatai, Jesu nakoma Lenga hunga ahitai. Asanga napanle kipanakim nanei ding. Asanglou nahile, athat dia kigo lah a khat nahitai. Achutile, Jesu nachunga kap ding, lunghang ding ahi.

Hoijoh nahi em? Hoijoh nalhen em?

Nasan tah ding kakinem’e. Nasanloulaile – Jesu chu taonan kouvin. Akoma nachonset phongin, ngaidam thumin. Chule, Leng le Huhhingpua nasan thu seiyinlang; nasunga le na hinkhoa Leng hungchang din ngeh in.

Hitia chu nataole ‘Amen’ jih in. Pathen in phatthei naboh jing tahen.

NAHINKHOA JESU LENG HUNGNAM

Jing nikho hi Jesu loupitah a Jerusalema alutni ahi(Luke 19:28-44). Nang hinkho’ala Lenga hungnam? Ahungtahle, kipah aume. Aphattheina kisanna din taovin.

 Ahung loulaile, tuhin taovin, kouvin

“Pakai, keima hinkhoa jong hin Leng in hungin, keiya hin Leng hunghin, nacha kahi, nalhatdamsa kahi-kahinkho hi nakhut a kakoiye. Nadeibangin neipuiyin, Jesu minin, Amen”

tin taotao jengin. Chuteng, Ama nasunga hungcheng intin, phattheina simjoulou napeh ding ahi. Chuteng, nahinkhoa kipajoulouna, lolhin joulouna, natna le hahsatnaa ho jouse napailhahpeh ding – kineplelna chu kinepna nasopeh ding, lhahsamna jouse chu lolhinna nasopeh ding ahi. Kichat-tijat, lungdon-lunggimna le genthei-hahsatna nanei jouse jong phattheichanna naso peh ding ahi. Ama ngaidamna nachan loulai jongle, ngaidam thumin – midangin nangaidam louna, nachunga lunghang mi aum jongle Pakai Jesu’n nangaidamle midangho jong nangaidamsah jeng ding ahi. Kichat jeh, jachat jeh hama  hinkho nommotah a naman jeng jongle, Pathen koma namona jouse phonginlang, Jesu Christa minin ngaidam thumin lang. Pathen in nangaidamle, nachunga lunghang hojong nangaidamsah jengding ahi. Ajehchu, Ama thiljouse sempa le mihem jouse sempa ahin, milungthim jouse kheldoh theiya jong ahi. Mihon jong nangaidamna diuvin, alungthimu khelpeh din jong thumin.

Golte, Jerusalem’a alut chun, mipi, kipana neiho chun “Hossana, Pakai mina hungpa chu nunnom hen!” tin asamsam jengui. Pharisees hon phothip ding anop vangun, koima phothip hoi ahilou chu Jesu’n aseiye “Ama hohi thipleu song hobeh aodoh diu ahi” ati. Jesu Christa Leng le Huhhingpu’a kisana, Pathen in Lhagao Theng apehho chu –kipana dimset’uva, akipanauvin tantih neitalouding, kipah’a, Jesu Christa mi-huhhingna thupha hi tanglouva seisei jeng diu, kipah’a Pakai vahchoi jing jeng diu, koiman aphothip thei louding ahi. Hinkho sunga ipi toh jongleur kipah jing jeng ding ahiuve. Nang jong hitia chu na umding kakinem in, kataona jong ahi. Nahi loulaile, chunga kisei bang hin taovin- jing tengle Jesu Lenga nahinkhoa ahung teina din tuhin taovin. Akisansa nahitahle, kipathu lhutnan, taovin; chule, kipana kim, kipana tanglouva Athupha sei jing thei ding le Ama vahchoi jingthei nahina din, na panpi jing din Lhagao Theng thumin taovin.

Pathen in Achapa Jesu Christa minin, Lhagao Theng in umpi jingtan.

JESU LENG IN AHUNGE

Pathen chate, kagoldeiteho, Jesu loupitah a Jerusalem’a alut hetjingna, tumap mangcheh ding le neicheh din kahin tem’uve. Kum sangni masaang ahitan, Jesu chu Leng hi’na lhingset in, Sangaan chunga touvin ana lut e. ‘Sangaan’  hi ‘nunnem’ vetsahna le ‘koima toungailouna’ tina ahi. Jesu Christa Leng le Huhhingpu’a min akisantengle, Leng chang din, miho hinkhoa chun ahunglut jitai. Hiche nu/pa chu nunnemnan adimjin, chonset le setna kiti umtheitalou, Jesu bou asunga le ahinkhoa, anunna umta, vaihoma, ahinkho lamkaiya chu Jesu bou ahijitai. Kipanan adimin, Pathen avahcho jingjin, taona, Bible simna, Pathenthu seina in atang theijipoi! Min apho jongle, athip thei tahlou chu uke1 9:ahi ti photchetna in Jesu Jerusalem’a alut chun, amasanga ana aova Pathen thangvah ho chu phoh thip din, Pharisees hon Jesu ana temuve. Hinla, Jesu’n ,”Hitehi hi thip leu Song ho aodoh tauvinte!” ati. Hichu, Ama Leng le Huhhingpu’a kisana, hinkhothah neiho, Jesu’n achenpia, ahinkho apuiho kipana le Pathen thangvahna le Ama’a hinna le kipana thupha seina’a atanthei lou diu thu aseina ahi. Bible’a Luke 19:28-44 sung hi ana sim teiteiyin. Pakaiyin, Athu hetthemna napeh dinga tao kahi.
Golte, nangla, nathip ding ham? Nathip louna din Jesu kouvin, napanpia, nahinkhoa vai homdin taonan kouvin. Solchah Paul in “Kipah jingun, tikitleuvinge, kipah un, nachonnemu chu mijouse het hihen. Pakai anaiye” tia asei chu guilhungji ahi.

Nakipah’a, Pakai nathangvahle ‘Amen’ jih in. Pathen in umpi jing in, phatthei naboh jingtahen. . 

Midang dia tao

 ‘Pathen cha’ tia kikou nahitai, Jesu Christa min koujingin, Pathen phattheibohna changing jeng uvin. Hatmo kisasa tah hih in. Ithihchan, noi chepchep ding natiham? Nanu’n, ichanlom noi nachepsah em? Lhagaova jong, noitui bangbep chepchep din Pakaiyin eidei pouve. Lhagao Ann jong agum neh ding phat ahitai. Lhagao ann-gum chu ‘Pathen thu gildom le hahsa dom’ jong sima het gotding, khantouna lam mano ding tina ahi.

Keima hinkhoa kamudolin vang, ipu- ipateuvin aseiyu “Gol paipeh a kiheng chu eima paipeh a kiheng ahi” tia aseiyu hi, tahsa thukeu hilouvin Lhagao kalchoina in jong angaikhoh lheh jengin ahi. Keima dingseh a kataotao sung chun, tijageu le kigingchalelgeu kahin – “Ole, kei chanpa hi miho chansanga neojo ham O? Ole, lhepna’a kalhuhkit hitam? Alhadah, anungchon atiu chu kahi jong hitam? Iti miho banga kamachal theilou, kapilhin theilouham? Ole, atahtah jong hi kamulou, kaphahlou jong ham?” tin kiginmona le kitahsanlelna kanei jingjin.

Akidange! Miho dia taona, lamkaihon ahinsom’uva katao tahtah chu, miho malah in keima chu kahung kitahsantan, katao ahung nomin, kipana thah kaneiyin, khangtouvin kahin kimutai. Hiche nia konin vang miho, theisun in kataopehji. Internet a, loi le gol’a eihin jop jouse jong hi jan kalum konle beh taonan kaheji. Nagelset diuvin jong katahsanpoi. Nanghon jong neitaopeh jiuvo, golte. Eima taona sanga min eitaopehle phattheibohna Pathen in mi apehdom ding katahsane.

Hijehchun, Ama phattheibohna jouse nachan jingna din, midang ho taopeh jingjin. Midang, nangsanga hatmo taopeh ding nahet loule, kei neihintaopehjin.

 Chule, taodan themlouho jong hiljin. Pathen thu’n aseiye –

 “Koihile Pakai chu Amina kouchan huhhinga umding ahi(Romans 10:13).

Jesu Christa hi tonsot hinna Lampi le kotpi ahi. Taona akona, Ama Lampia chu chea kot achu i-luttheiyu ahi. Chujongle, taona mama’a kona, Ama chu Leng le Huhhingpu-a ikisan theiyu ahikit’e. Ajehchu, Jesu Christa, Amatah in, kamina nathum chanu, Pa’n eipeh diu, chule, Aman eibolpeh diuva jong eiseipeh’u ahi. Hijeh achu, koihile, Jesu Christa kisannom jouse chu noiya bang hin taohen, chule, nangman nakisan ahitahle, miho hetsah in lang, hiche taona hi mangchan taosah in :

Pakai Jesu, keima michonse, na-huhhingna ngaicha kahi. Ka chonset jeh a nathi katahsane. Ka chonset akonin kakiheimang nome. Tuhin ka lungsung le kahinkhoa hung lengchangin tia kangeh nahi. Nangma tahsana juiding le ka Leng le Huhhingpu din kakipom nome. Neipanpin, ei Huhhing ka Pakai Jesu minin, Amen.

Hitia chu nataova, chule, mijong taodia hilding nanople, Pakai hetsahnan ‘Amen’ jih in. Pathen in phatthei naboh jing tahen.

MI HO TAO PEH IN

‘Pathen cha’ tia kikou, loi le golte, Jesu Christa min koujingin, Pathen phattheibohna changing jeng uvin. Hichu, nachan jingna din, midang ho taopeh jingjin. Chule, taodan themlouho jong hiljin. Pathen thu’n aseiye –

 “Koihile Pakai chu Amina kouchan huhhinga umding ahi(Romans 10:13).

Jesu Christa hi tonsot hinna Lampi le kotpi ahi. Taona akona, Ama Lampia chu chea kot achu i-luttheiyu ahi. Chujongle, taona mama’a kona, Ama chu Leng le Huhhingpu-a ikisan theiyu ahikit’e. Ajehchu, Jesu Christa, Amatah in, kamina nathum chanu, Pa’n eipeh diu, chule, Aman eibolpeh diuva jong eiseipeh’u ahi. Hijeh achu, koihile, Jesu Christa kisannom jouse chu noiya bang hin taohen, chule, nangman nakisan ahitahle, miho hetsah in lang, hiche taona hi mangchan taosah in :

Pakai Jesu, keima michonse, na-huhhingna ngaicha kahi. Ka chonset jeh a nathi katahsane. Ka chonset akonin kakiheimang nome. Tuhin ka lungsung le kahinkhoa hung lengchangin tia kangeh nahi. Nangma tahsana juiding le ka Leng le Huhhingpu din kakipom nome. Neipanpin, ei Huhhing ka Pakai Jesu minin, Amen.

Hitia chu nataova, chule, mijong taodia hilding nanople, Pakai hetsahnan ‘Amen’ jih in. Pathen in phatthei naboh jing tahen.

Pathen khatseh hetchet ngai

Golte, Pathen in phatthei naboh jing henlang, nahinkho lhumkeiyin tahsa le lhagaovin na lolhinsah jing hen! Tujingkah nidan gup a thouvin, tao kikhop jouvin, ina kahungkilei. Kalunga einoa bang aumin, Internet a thuso kagahvetle – lhumlam gama Houbung lamkai letah khat in Houdang ho pathen houna dia Houin kehkhat apehdoh thu kamun, kalung analheh jengin ahi. Aman “Pathen khat houcheh cheh”  tia abol ahi.

Eiho Christiante lah’a ‘Christian’ hi’na hechenlou – hou lamkai chan jong aum jeng hi, iti lungnat um hitam! English a tujana kajih hi ana simin. Lhangphong in kaseipoi. Hinla, ahethei jousen ahetding, Pakaiyin hetthemna apehding kataona ahi. Jesu Christa nungjui ihiuve. Hiche jala chu ‘Christian’ –Jesu Christa tahsan ho le nungjuiho kiti ihiuve. Pathen khat, eihon ihet’u chu – Jesu Christa jala bou ahin. Jesu Christa ihte lebou Pathen khat ati chu ihet’u ahi. Hijeh achu, “Keima lampi kahi” Keiya konache louvin,koima Pa kom alhungtheipoi (Keima, eitahsan lou le Leng le Huhhingpua eisang lou chu koima Pa kom alhung theipoi atina ahi).

Pathen thu nahetchetbe nadin, Matthew 25:31-46 le John 14:1-14 sung hi nasimsasa hijongle, tua kaseijou hin simkit in. Pathen in Lhagao Theng’a napanpia nahetchetsah ding kataona ahi.

Nasimle, simdia nanop jongle, Pathen hetsahnan ‘Amen’ jih in. Jesu Christa chun naumpi jingtahen. 

Pathen khatseh hetchet ngai

Golte, Pathen in phatthei naboh jing henlang, nahinkho lhumkeiyin tahsa le lhagaovin na lolhinsah jing hen! Tujingkah nidan gup a thouvin, tao kikhop jouvin, ina kahungkilei. Kalunga einoa bang aumin, Internet a thuso kagahvetle – lhumlam gama Houbung lamkai letah khat in Houdang ho pathen houna dia Houin kehkhat apehdoh thu kamun, kalung analheh jengin ahi. Aman “Pathen khat houcheh cheh”  tia abol ahi.

Eiho Christiante lah’a ‘Christian’ hi’na hechenlou – hou lamkai chan jong aum jeng hi, iti lungnat um hitam! English a tujana kajih hi ana simin. Lhangphong in kaseipoi. Hinla, ahethei jousen ahetding, Pakaiyin hetthemna apehding kataona ahi. Jesu Christa nungjui ihiuve. Hiche jala chu ‘Christian’ –Jesu Christa tahsan ho le nungjuiho kiti ihiuve. Pathen khat, eihon ihet’u chu – Jesu Christa jala bou ahin. Jesu Christa ihte lebou Pathen khat ati chu ihet’u ahi. Hijeh achu, “Keima lampi kahi” Keiya konache louvin,koima Pa kom alhungtheipoi (Keima, eitahsan lou le Leng le Huhhingpua eisang lou chu koima Pa kom alhung theipoi atina ahi).

Pathen thu nahetchetbe nadin, Matthew 25:31-46 le John 14:1-14 sung hi nasimsasa hijongle, tua kaseijou hin simkit in. Pathen in Lhagao Theng’a napanpia nahetchetsah ding kataona ahi.

Nasimle, simdia nanop jongle, Pathen hetsahnan ‘Amen’ jih in. Jesu Christa chun naumpi jingtahen. 

Kipana thupha mugil Li ho

Kipana thupha sunga akona kiladoh amugillai (Thutah) Li ho chu :

1: Pathen thilgon – chamna le hinna

Pathen in Ama limloa eisemu ahi (Genesis 1:27). Amato kijopthei ihiuvin; chujongle Athu nit le nitlou ding; Ama ngailut le ngailutlou theina chamlhatna nei jong ihiuve. Pathen in leiset le asunga ijakai asemchai chun, asemsa jouse, nang le kei pumin – “apha lheh’e” tin aphongdoh in ahi (Genesis 1:31).

2: Mihem boina – Pathen-to kikhenna

Pathen in mihem masapen, numei le pasa- - Adam le Eve – ana sem chun, hon(Eden) hoitah sunga chun ana koiyin; chule ‘dan’ khat anape’n ahi, hiche ‘dan’ chu – honsunga thingga jouse chu anehthei diu, hinla, thingkhat ga vang chu aneh diu ana jadai. Nehdia ajahda thingga vang chu aneh lhonle, aneh niniu, lhagaova thidiu chule Pathen-to tonsot a kikhen diu ahi (Genesis 2:16-17). Vangset umtah in, Adam le Eve chun Pathen thupeh ana palkeh lhontai (hichu ‘chonset’ ahi). Hiche jehchun, Pathen-to ana kikhen lhontai (Genesis 3:22-24). Hichea kon chun mijouse hi chonse ahitai (Romans 5:12). Jesu Christa umhihle, i-bonchauva Pathen-to kikhen i-hi diu ahi.

3: Pathen in athoidamna - Cross

Pathen in kinepna beiyin eidalhapouve. Ahinsol’in, Achapa Jesu Christa, Cross chunga ahungthi in, lhana konin athoukittai. Jesu’n hichu eiho dia abol chun, chonset jeh’a ithoh diu eithoh peh’u ahitai; chule, Pathen-t mihem kikhenna chu ahin jopmatkit ahitai(1 Timothy 2:5-6). Hiche hi Jesu Christa tahsan jal bou ahi, mihem kihabol van ahipoi, Pathen kom eilhut’uva chu. Huhhing ihinadiuva iboltheiyu imacha aumpoi. Pathen mikhotona jala bou huhhingna chang thei ding ihiuve (Ephesians 2:8-9).

4: EIHO SA’NNA – CHRISTA KISA’N

Pathen in Amakom ikilekitna diu tohgon aneiye, hinla, eihon isanteiyu ngai ahi. Chonse ihiu pomding, chule chonset kisih a lungheina nei nomding. ‘Lunghei’ kiti hin lunggel le nunchan khel tina ahi. Chonset dalhah’a Jesu Christa lam jotna ahi (Acts 3:19). Tahsanna a chu, Jesu Christa chun eiho chonsetman asatai ti tahsan ding, chule Ama chu eima hinkhoa dia Pakaiya kisanding ahi. Hitia chu iboltengule, Pathen cha ihiu ahitai(John 1:12) chule tonsot-hinna chu chang dia eiteppeh’u ahi (John 3:16).

Pathen Cha nahitahle, Pathen thangvahnan ‘taovin Jesu kouvin, na umpi jing din’ jih in. Jesu Christa’n Lhagao Theng in chenpi jingtan.

CHRITA THUPEH NIT

Jesu Christa jal’a Pathen chate, sopite, Pathen cha nahin, Aman na umpi jinge ti . nakihet ding kakinem’e. Akihet hon A-phattheina akisanjiuvin, A-kihetlouhon akisanji pouve.

‘Penthahna’ hinkho kiti ‘Jesu Christa-to hinkhomna’ namanna’a nakhantou dungjuiyin, kipanana kim, nopna kim le lolhinna kineitheina hi hinnapumpi Jesu Christa pehdoh jengna’a kon bou kimu ahi. Hichu, nangman napehdoh tengle nahin hetdom dom ding ahi. Nahinkho napehdoh chu, naphatmasang, natohgon, nathilbol jouse Ama khut’a nakoi, Ama dei dungjuiya napui dia nakoiya nanganse tina ahi.

Keima boldan kaseitai. Toh kagongjin, na katong jinge. Kataojin, “Pakai, hitihin thil kagongin, tua hi bolding kahitai. Kadinga phadia nagel chun nei puiyin, nei lolhinsah in. Nei deipehlou ahilevang, neisumo jengin. Kalolhinle neideipeh hintin, kakisuhmole vang, neideipehlou hinte. Achutile, bolda maitange. Hinla, aseivallou nahnahle, neipanpinlang, lolhinna neipen. Chutile, kahinkhoa machalbena hintin, namitmua tohpha ho jong katohtheina hinte. Ipihile, nangman eipuiyin, ka Leng le Huhhingpu, ka Pathen, ijakaiya ka ijakai nahi. Ka Pakai dihtah hijing jenginlang, kahinkho manna jouse nadeilamin neipuiyin, tia ka Pakai Jesu mina tao kahi, Amen”.

Hitia hi hinkho kamanna’a konin, masang sangin kakipah in, lolhinna jong kaneijoi. Nang jong hitin bollechun, Ama’a kingaina hinkhoa hi tahsa le lhagaova khantouna akimu ahidol, chule, kipana neidan, nangin jong namudoh ding ahi. Hichu, nahinkho chunga Ama thuneipen, Leng le Pakaiya nakoi tina ahi. Chutengle,–

“Hinna bulhingset aneina diuva hung kahi”(John 10:10) tia asei hi ichandiu ahi.

Jesu Christa chu Pakaiya naneiya,Ama thua nuna le Ama a kingaina naneile, hichun nahinkho mandan ahin khel ding ahi.

PATHEN IN NA UMPI JING E

Hatmo kom le kihollel kom aumjin, nachang hiya nakigelkom jong umthei ahi. Hinla, na chang nahipoi. Jesu Christa chun na umpi jinge. Aman,nasemlona chu pilhinsah teina din napanpi nom jinge.)Philippians 1:6). Nitina nangaichat ho napeh ding, chule na chinjng ding ahi.(Hebrews 13:5).

Anungjuite hatmo le lhahsapna Jesu’n ahen, lhagaova hanta angaichat jingo jong ahei. Ama tha lhenga Lhagao Theng in, anungjuite aumpijing hi ahetdiu adei ahi. Lhagao Theng chu Jesu khela ei umpi jing diu le i-ngaichat jouseu eipeuva ahi.(John 14:16).

Lhagao Theng chu nang Hil le Lhamonsah a pangding; Pathenthu nasimna a chu na umpijing Lhagao Theng chun Thutah chu nahetthemsah le Thutah lama na puihoina din tem jingin.(John 16:13). Lhao Theng chun nakaihoi jingding(Romans 8:14), lhagao hinkhoa na bulhinsah ding(John 6:63; Romans 8:11), chule, nahatsah ding(Galatians 5) chujongle Pathen thu midang ho hetsah a jong napansah ding ahi.(Acts 1:8).

Huhhingna ding, lhepna jouding,chonset ngaidamna ding a kitepna le Pathen in na umpijing ding hi tunia nanga ahitai. Pathento umkhomna hinkho hi mangpanin, akitepna tahsanin, chule, umpijing Lhagaotheng a napumpia kingaina chun kalsong jingin.

HINKHO MAN THEM IN,

Pathen in phattheinakim nape henlang, nahinkho mandan jeng jong mite’n Pathen loupina amudohna diuvinm napanpi henuo!

Ajehchu, Christa tahsanna, hinkhothah neina’a hi Ama thudol-hettohsah ihiu ahitai. Tahsante hi mite vetkah ihitauve. Chingtheitah’a hinkho hi mandan themtah’a man ngai ahi. Thilsemthah nahitai; hinkhothah-nun chu na nun’a kilang ngai ahi. Ajehchu, nahinkhomandan hin nangma thu chu aseipen ahi.

Hijeh achu, Jesu’n, “Navah’u chu mite lah’a kilang hen, chutile, na chonphat’u chum ten, mu’vintin, Van’a um napau avahchoi diu ahi” ati ahi(Matthew 5:16).

Na chondan le nanun in Christa a hinkhothah naneina chu akilahsah tei ding ahi. Christa hettohsah nahi masanga naphat chamkim ding tina ahideh poi. Lamjot kichuhlai bang in i-bonchauvin ilhujiuve, hinla, Pathen in phohthouva, nachonset ngaidama, lam najotsah kit nomji ahi. Aman eipanpi nom jingu ahinai. Thum jing vang ngaiya ahi.Hijeh achu, kinemlel louhel’a, Ama panpina changtei dinga thumjing ding ahi. Athu Bible’a hi simjinga, taojing ding ngai ahi. Chuteng, Jesu Christa chun phatthei eiboh’uva, Lhagao Theng thahatna’a i-hinkhou hi mite vetkah le juitheiya eipanpi diu ahi. Taovin.

Na taole ‘Amen’ jih in. Pathen in panpi jingtan.

CHRISTA THU HETTOHSAH

Pathen in phatthei naboh henlang, tahsa le lhagaova bulhingset nasohenlang, natohna jousea Jesu Christa-thu-hettohsah in napansah tahen. Thu-hettohsah a pang hon thutanna muna chu thilsoh chungchang ahetdol aseiji ahi. Christa HETTOHSAH hochun Jesu Christa ahetdol miho aseipeh’a ,chule Christa ahet chun ahinkho iti aumsah dol aseiji ahi.

Jesun natoh apat chun, ngamanmi ni, Simon Peter le asopi Andrew anakouvin, “Hungun,neijuiyun ... mihem mana kasemding nahiuve” anati(Matthew 4:19).

Jesu Christa-to kimutoa tahsanna, Leng le Huhhingpua kisan jouse chu Amathu hettohsah dia nganse ihiuve. Huhhingna le Pathen phattheibohna Christa a hi moh a kimu ahin, mihon jong hiche thil-moh peh hi achantheina diuva, eihon jong hetsahding ahi. Hetsahna dingin Pastor, Evangelist, Hou-lamkai gahikhel ngai aahipoi. I-natohna, ichennamun jousea hi Christa thu chu sei ding ahi.

Tukhangin vang, Pathen in manchah loupi – Computer, Mobile le hichea thu thottheina Mobile message le Internet a Pathen thu thottheina tampi uma ahitai. Facebook le blog, website hoa hin Pathen thu chu jihlut lechun Pathen in amanchah a miho asimsah a Pathen ahinbel jeng theiyu ahi. Mikhat, imihet lele simdia thot ahipoi. Internet a kijihlut hi mi koihi tobangin jong amudohthei ahi. Na Pathen, na Leng le Huhhingpu loupina dingin, tunia konin Pathen thu chengkhat le nib eh jih lut in. Bible chang, lagol, nakipana, mi natemna, mi natilkhouna, Pathen chunga nakipana, jihlut in. Ahiloule, mihon Pathen thu ajihna houva khun, ajopna pen, ‘Like’ le ‘Comment’ bol jingin, chomcha cha donbutna pejingin. Pathen in phatthei naboh a manchah phatah nasothei ahi. Tunia pat in bolin.

Boldia pan nalahle, Pathen kom lhutnan ‘Amen’ jih in. Pathen in umpi jingtan.

LHAGAOVIN DIMSET IN

Pathen in phattheina kemlou nape henlang “Lhagao Theng dimset hinkho” namansah henuo!

Keivang, Missionary Solchah chapa, theisuna houva kipe, ‘Mipha’ kana kihisah kah in, ‘Ju’ kana donin. Politics a lhaikhompi hoto kivopna a bou don katikah in, ‘judonlouva ummo’ kana hideltai. Kahai kagotle, katahsan ajoutapoi! “Ahilou kahitai. Kadonda sehle, kithingin ka umbep e, jachat sangin, mihetbehsehlou, khamlouvin, Kathichan don tange. Pakaiyin, katahsan le Ama a kakingai ahenai. Ka lhagao beh sochatsahnante” tin nom tah in kadon jing jengtai.

Pakaiyin, eingailut jal in, kachejom anomtapoi! Bible chang, Ephesians 5:18 “Jukham bol hih un, hiachun, avala umna asohji; chusangin, Lhagaovin dimset jouvin” tikhu kalungsunga aum um jeng tai.

2008 October lam hin kadammon, taodam khat in eitaopeh in kadamtai. Kadam jou lha ijat ham jouvin kadon kittai. 2009 kum kimlah in kadammo kittai. Taonan kadam kittai. Kumlhunlam in kadonkittai. 2010 kumbul in, kadammon, kalhutai. Aboiya chu kahi tai. April lha bullah chun, taona mama akonin, kahung ol tai. Kidangtah in, mu le jah kaneijin; aboi cheichoiyin, ajonanvang Pakai Jesu keima kamtah a kakou kou jeng phat in ‘damnakim’ – tahsa le Lhagao damna ei petai! Loupina Pakai chang tahen. Hiche jou jong chun, vahdoh theiyin eikoipoi. Bible kasim le taona Kaman bou chu olna ahi. September kichai lamin Holy Bible kasim chaiyin, New Testament vang avela kasim ahitai. Kisuhhalna programme thuseina a chomcha, keima Pakaiyin ei dam sahdan kaseile, mijouse akipah lheh jengui. Keivang akipah pen kahitai.

Hitichun, Internet hoa Bible Course tampi kahin simin, lhumlam gama thusei minthang ho le website hoa Pathen thusei hoto kikhutjop in, ‘Internet Evangelism’ course ho jop in, Internet a Pathen thu lhangsapna din eikaihoi jingun., Kumni kabol jing chu eive jingun, ningkum October chun ‘Kumni val’ Course kachai jou le practical  katoh nungin – “Na lolhingtai” tin jona le “Internet Evangelism” natohna lhingset chu eipetauve.

Hichan eihin phahsah a, Ju donlih dia kigopa, keibon, pakaiyin, hichan eihinpuile, nang i-nahim? Pathen cha nahi Chula em? Pakaiyin, na ngailut ahi kihet in. Nang judonlou, hitia Internet vethei nahile, don jong lechun keibanga don nahipoi!

Pakai kouvin, belin “Pakai, Lhagao dimset hinkho chu nei mansah in” tin taovin. Pakaiyin, nahinkhoa thil loupi abolding ahi.

Kasei nompen chu – mihem phatna le kihabolna hi asotpoi! Hiche hi, Jesu Christa a hinna le Pathen anga sochatna ahipoi. Mihem hi i-hatnau le kisonna jouse abeiya, thidinga i-kipeh tahlebou Pakaiyin pan ahinlah ji ahi. Eima i-ha kibola phat ding, tohphat ding iti sung chu, Pakaiyin, “Boi, nangin boltan” tia aman pan alahjilou ahi. Athidia ikikoi tah a, chule, “Pakai,neipanhu loule, abeiya kahitai!” tia akhut a ikilhandoh jengtengle, Pakai Jesu’n Amina koute, Amin koute chu adonda ngaipoi!

Jesu’n Lhagao Theng’a eichenpi tengule bou ol ola eipuiyuva, Lhagao dimset hinkho mantheina lama eipui diu ahi. Eimoh-no pouve ti jong kamui. Eihon iti tun tun-hou jong hi, ase ahilou nah nahle eibolpeh jeng jiu ahi, tu kumthum sunga hin kamun ahi.Hinla, itihle, “Lhagao Theng dimset hinkho” chu eimansah dem kahepoi, Ama khut in kakoiyin, kathum jinge. Hoi hijongle, i-chan eiphahsah nom em, Ama thuthu hi jeng hen, Aman ei umpi jingle kalung amongin, kakipah jenge.

Nitina phat ongkom koiya, Bible thua kisahlel le taona phat man jing hi, keima mudola phachompen ahi. Nang jong chuti bollechun keisanga naphah sauding katahsane.

Hitia chu boldia pan nalah dingle, Pakai kom lhutna ‘Amen’ jih in. Pathen in phatthei naboh tahen.

PATHEN IN NA UMPI KIHET IN

Pathen in naumpi jing he’nlang, lungmong tahle kipah tah in umin. Nang jong Ama koma um nahi hejingin. Chutile, ima lungkhamna nei ponate. Sum naneiyin, na sakhaovin nakoije. Hinla, na sumnei chu hehih lechun, sum ngaikhohtenna mun le mannading phat in jong nasumnei hetahih lechun, nasumnei chu ipi phachom ding ham?

Jesu Christa tahsanna Leng le Huhhingpua kisan jouse chu Lhagao Theng in aumpi jing ahi tichu Pathenthu Bible in asei, Jesu Christa kamsung tah a jong i-het’u ahi. Jesu’n, “Keiya um jingun, Kei jong nanghoa uminge…” ati (John 15:4) Chule, Jesu maman aseiye, “Keima Pa henga taovingting, Aman nang ho umpi jing ding Lhamonsah achom dangkhat napeh diu ahi. Hichu, Lhagao dihtah ahi; vannoiyin Ama chu asangtheipouve. Ajehchu, Ama chu mujong amupouvin, hejong ahepouve. Nanghon vang naheuve, ajeh chu, Ama (Lhagao Theng) nangho sunga chenga ahi.” ( John 14:16-17)

Hinla, mitamtah hin Pathen in Lhagao Theng’a achenpi ahi akihetlou jeh in, lungmonna aneitheipoi. Chule, kei jong, Pathen Lhagao Theng in eichenpi ahi kahet masang chun kanop nop’a umthei din kagel in, chutia ka umji chu atamjo ahiji. Pakaiyin Lhagao Theng’a ei umpi jing ahi, kamu jouse amu, kasei jouse ajah, kabol jouse ahet, kagel jouse jong ahet ahi kahetchet phat in ka nom um thei tapoi!

Hijeh chun, eiho lah a kigihsalna le kiphona, hakibola phat ding, thilpha bola mipha hiding tia kihilna hi, koiman achangin ajou theipoi! Hitia chu seiye, hila min angaideh lou, koima aphatdehlou tengle, aseipa, mihilpa tah chu ahung thase ngal in, seikit nomtalou “Iti akihil in aphachompoi!” iti jiu ahi.

Golte, kihildan hi uma ahi. Pathen Lhagao Theng, Jesu’n eiteppeh’u hin eimpi tokahseu koima aphan aumtheipoi. Chule, Jesu Christa tahsanna, Leng le Huhhingpua neisa nahitahle Lhagao Theng in na umpi ahitai. Hinla, na umpi chu nakihet loule nang dia phachom tahlou maithei ahi nalaiye.

Hijeh achun Pathen Lhagao Theng in ei umpiu, isunguva chang hi kihet ding ahi. Na sunga Pathen achenle adang nahol nahlai ham? Ama chu houvin, dong jingin, kihoupi jingin. Ipi nabol ding, iti nachonding, taonan dong jingin Ama a kingaiyin! Nasunga Pathen chenga chun – namumu amu, najah jah ajah, nagel gel ahet, nabolbol amu- hitiho chu nakihetchet nia pat in, koima seihat le gihsal ngailouvin, nahinkho chu kikhel dom dom tante. Mihem hatmo vang hi kikheldoh vah vang phatsot dom ngaiyinte. Hinla, kikhel jinga, akhonnile Jesu Christa tobang ihung hi diu kinep aume.

Hitia chu, Pathen in na umpi nahetle Pathen thangvah in. Nahetchet loulaile, Jesu koma taovin “Pakai, nasei bang in Pa koma chun nei taopeh inlang, Pa chun Lhagao Theng chu kasungahin hinchensah jing jeng din kataove. Chutile, nangma mitmua pha le keima dia phapen hinkho chu, nacha deitah hinkho Lhagao Theng in eimansah ding ahi. Ei Huhhingpu Jesu Christa naminin kataove, Amen” tin.

Lhagao Theng chenna miho chu Pathen in apanpiji ahi

“Achaina’n, sopite, ipihile atah chacha, jaum chacha, adih chacha, atheng chacha, ngailut thei chacha, datmo thei kidang chacha—ipi hile lhentheipen le pachat dia lom  —ho chu gelkhoh’uvin. Keiya kona najah jouseu le na kihilna jouseu  hihen keima a namu jouseu chu—atah sonadin bol’uvin. Chutile, Pathen a um chamna chu nanghoa umding ahi” tin Solchah Paulin eitem’uve.(Phippian 4:1,4-9.

Mihem hi hatlou akihin, hiche hohi, eima hatna boldohthei ahipoi. Hichu, i-Pakaiyu Jesu Christa’n ahet jeh in „Kithopi ding Lhagao Theng eihin solpeh diuvin akitep’e. Hiche, Lhagao Theng chu, Pathen in Jesu Christa tahsanna, Leng le Huhhingpu-a kisan jouse apeh ahi. Hichu, nathumji nah em? Nitinin thum’ute. Ama Lhagao Theng chu eihoa achenteng, thildang, i-ngaichat jouseu jong eipeh diu ahi.

  Pathenin phatthei naboh jing tahen.

KI KHELDOH IN

Pathen in phatthei naboh nading IN Athu hohi sim jingin, taojingin.

Jesu Christa Leng le huhhingpu-a neina hinkho hi kikhelhelna ahi. Bible in, “Christa’a um chu athah ahitai” tia asei ahi (2 Corintians 5:17). Mihem in vang, Pathen Lhagao Theng panpina tailouvin, kidihna lhingset hinkho i-manglhingjou thei pouve. Lhinlelna ineitengule, Jesu Christa koma i-lhinlelnau chu lhut loi jengding ahi. Ama, eingaidam diu chule eisuhtheng diuva kitep ahi (1 John 1:9). Nitina i-nunluiyu chu dalhah dom doma,hinkhothah mang ihiu kihet jing ding ngai ahi(Ephesians 4:24). I-chonsetna houva kona kiheimanga, Jesu Christa’n hinkhothah eipeh’u kisanna’akona, ol ola Amato i-bah domdom diu ahi(Romans 12:2).

Christian hinkho hi leiset hinkho hito kikalna tampi uma ahi. Hichu hea, Jesu Christa-a kipehdohna hi lhingset’a nei ngai ahi. Anungjui dihtah hinadia, chondan phatah nei, chule suhkhel le lhinlelna ho kihet’a Ama pehdoh’a, nunlui jong Ama pehdoh a hinkhothah man ding angaiye. Hinkho pumpi Jesu Christa i-pehdoh tengulebou, Amadei hinkho lhingset chu mangthei dia eipanpi jiu ahi. Hijeh achu, ei Huhhingpau le i-Pakaiyu Jesu Christa chun “Keiya um jingun” “Keima beiyin naga thei pouve” ati ahi(John 15:5)

Pathen in, Jesu Christa minin, Lhagao Theng in umpi jing in.

Pathen lungdeiya tao

Pathen in phatthei naboh henlang, nangaichat jouse nape jing jeng henuo! Hiche nading chun Athu simjingin, Ama lungdeiyin tao jingin. Pathen, ‘Lhagao Theng’, chu “eipui, eihil, eilhamon” diuva, Jesu’n Ama tahsan jouse eiteppeh’u ahi; chule Aman eihilnauva Bible hi amanchahji ahi. Bible isim jingnau le taojom jingna akona Christa chu eihoa hi hung kicheh cheh cheh a, lolhinna kinei ding ahi tihi Pathenthu’n eihilnau ahi. Bible in :

“Pathen kom ibelnauva lungngamna ineinau chu: Ama lungdei dungjuiya ithumule, itaonau angailhaji. Chule, i-taonau angailhahji ihet-ule, ithumjouseu imusau ahi ti iheuva.” — 1 John 5:14-15.

Hichea, “Ama lungdei dungjuiya ithumule” atihi ipiham? Pathen lungdei chu ipiham? Pathen lungdei chu, ahinsol Achapa Jesu Christa itahsan diu chu ahi. Jesu’n leiset adalhah jouva, Ama khela ‘kithopi ding’ ahinsol dia atep chu ‘Lhagao Theng’ ahi. ‘Lhagao Theng’ chu ‘Pathen thahat’ ahi. Hijeh achu, ‘Lhagao Theng’ chu Pathen koma ithumdiu chu ‘Pa lungdei’ chu ahi.

Amasapena, Pathen le Ahinsol Jesu Christa tahsanna ‘Leng le Huhhingpu’a kisan ding, chuteng, A thahat- thilboltheina –ei umpi, eihil,eilhamon, eikaihoi jing diuva euteppeh’u, Lhagao Theng chu thum ding ahi. Hichu, “Ama lungdei dungjuiya ithumule” atichu ahi. Hitia chu, Pathen Lhagao Theng chu isunguva achentengle, ingaichat jouseu eipeh jiu ahi.

2011 chun kana seitai. ‘Lhagao Theng’ hi Mobile SIM tobang ahi. Mobile chu naneitai. Hinla, min nahouna dinga chu SIM um ngai ahi. Pathen in nahouna dinga chu Pathen houtheina Pathen SIM ( hichu ‘Lhagao Theng’) ngai ahi. Pathen koma nataovin, Aman nahinhou kit nomtai. Hinla, Ama SIM (Lhagao Theng) chu nanga aumloule na houtheilou ding ahi.

Jesu’n, “Keima Pa henga taovingting, Aman nang ho umpi jingding,Lhamonsah, achomdang khat napeh diu ahi. Hichu, Lhgao dihtah ahi….” (John 14:16-17).

Hijeh achu, Jesu koma itaovuva, Lhagao Theng chu ithum diu ahi. Hichu, Pathen lungdei ahin. Lhagao theng ithumtengule, Pathen lungdeiya thum ihjiu ahin, chutengle ithumhou eipeh diu ahi. Hichu, “Ama lungdei dungjuiya ithumule, itaonau angailhaji” tia asei chu ahi.

Pathen in Athubua asei le miho kama aseijouse hi tahsan’utin, akitepna jouse jong chang dingin tahsan’ut. I-Pakaiyu Jesu Christa’n “atahsan din ijakai ahitheiye” atichu sumilpoute. Na chonset ngaidam thei pa chun, nitina nasuhkhel le lhinlelna jouse jong angaidam theiyin, chule, nangaichat jouse jong napetheiye ti hejingin.

‘Tahsan’ kiti hi thupitah ahin, ‘ginchatlelna bei’ ahi, chule, ‘apaumpia kingai, kingaplhah jengna’ asosah ahi.Hinla, keima mudolin vang ‘tahsan’ jong hi Pathen Lhagao Theng panpi louvin, koiman tahsandet aneitheipoi. Pakaiyin eipanpile bou tahsan jong hi kineithei ahi. Panpi jing dia eiteppeh’u Lhagao Theng chu nitin in ngeh jingute.