Jesu’n nang le kei eingailut behseh jal’un,
lhatdohna sangpen in eilhatdoh taove. Ama chu Cross a khetbeh in aumin, thina
gei atohtai. Along damsa chu lhana lupsah in aumin. Notthap hinkho mangin, deimo
umin athi. Hichu, nangma dia phatchomna ahiteinadin, tao-to-thon noiya hohi
simin.
Bible in ‘Lunghei’ ‘Repentance’ ati hi ‘kisih’ timai ahipoi.
‘Lungheiya chonset dalhah, donda, bolkit tahlou’ tina ahi. Pathen-a kona gamla
tah a umna chu kisih’a, lungheiya, hiche chonsetna hinkho chu dalhah a Pathen
kom jotding,belding. Chonset dalhah a Pathen ngaidamna kisan ding, chuteng, Pathen
in eipeh’u ‘Hinkhothah’ achu hinding ahi.
‘Lungheiya chonset dalhah’ hi ‘Pathen mihuhhingna’ chantheina
dia ngaikhohten ahi.Hijeh achu Bible in, “Lungheiyunlang,nachonsetnau chengse suhmanga
aumnadin Pathen lam’a kiheiyin, chutile, Pakaiya kona kisuhhalna chu nanei thei
diu ahi”(Acts 3:19) tia asei ahi. Pathen in ‘chonset’ ati le ‘chonse’ eitiu hi
pomding,chule, hiche chonset le chonset dinmun chu dalhah a Ama kom belding ahi.
Pathen kom belna dinga hi, mipha le thilphabolmi hi ngaikhel ahipoi. I-hi bangbanga
Akom jot jeng ding, ngaidam thuma, chonset eijopeh dia ngeh ding joh ahi. Aman
eijopeh tengle bou, phatna lam chu kimanothei ahi. I-hinlai sunguva jong hi
achonse jingthei ihi nahlaiyu ahi. Hitia, chonst, suhkhel i-neitengule, “Pathen
in eingaidamsa ahitai’ tia moh lungmon ding ahipoi. Gangchela ngaidam thuma,
Angaidamna chu kisan’a, bolkit loudia Lhagao Theng kithopina thum jing ding
ahijoi. Chule, hiche, lungheina hinkho, chonset dalhah hinkho, Pathen ngaidamna
hinkho chu man ding, neiding ahi.
Pathen ngaidamna chu nachantahle ‘Amen’ jih in. Pathen in panpi
jingtan.
No comments:
Post a Comment