JESUS CHRISTA GALJO

Jesu Christa chun mihemte jouse chonsetna hi Cross chunga athohna a chu asahlhah ahitai. 

Lhana vuiyin aumin, nithumnin athoudoh kittai, hichu 'chonset' le 'thina' jomolsona kin abolchai ahi hetna ahitai. Jesu chu athodoh jouvin Seijuite koma kilah in, nikhatle ahungkit ding thu tepna neiyin, ni 40 jouvin vana akilekittai. Jesu thusei le hinkho hin iti hinkho i-man diu ham eihilun, athuhil chu mihemte hin Pathen mi-ngailutna hi sanding ahi ti eihilu ahi.

 Jesu chu miching le thuhilthem mai hilouva, chunglampeh ahidol akimui. Pathen ahi - Pathen hija Asemsa miten akikhenpisa Pathen-to chenkhomkit theina dia ahinkho pengamin akihetai. Hijeh achu, Pathen thu Bible in,

 "Ajehchu, eiho Pathen melma ihipet'uve, Achapa thijala kichamkit ihitah'ule, Ama hinna'a chu huhhing ihitauve" tia asei ahi. (Romans 5:10). 

Apen, ahin, athi, chule, athokitna achu KITEPNA LUI khanga Themgao tamtah in Israelte ding keu hilouva vannoi pumpi dia 'Huhhingpu'-'Messiah' hungdia asei masah hou chu asuhbulhit ahitai.

 "Hijeh achu, keiho hakiboltah le chollenanga tong kahiuve, ajeh chu, Hingjing Pathen, Mijouse, adeh a atahsante jouse  huhhing ding kinema um kahiuve"( 1 Timothy 4:10)

 Nanginla, Jesu hinkho le A ngailutna hi iti nasan em? Thokitna hin Jesu Christa'n " Kicha hih in, Keima Apatna le Achaina kahi, Keima Ahingjinga chu kahi; Kanathiin, vevin, tonsot tonsot in Kahing'e. Chule, 'Thina' le 'Damaun' kot-hehna chu ka khut'ahin aum'e" tia asei ahi. (Revelation 1:17-18).

Jesu Christa galjona chu nachantahle ‘Amen’ jih in. Pathen in hiche Galjona thahat chun, lhepna tincheng Jesu minin Lhagao Theng in najopeh jing tahen.