Pakaiyin anom nom amanchah ahi

Nungah, Gollhang, nakhang hoilaiyin Pakai na tongin, Na simun,tohmun dalhalouva nabolthei. Nachoijing, na Mobile, Computer hoa, FB in Pathenthu  nitin chang khat le nib eh jihlut jin, miho bol hohi ‘Like’ ‘comment’ boljin. Pulpit chunga kisensen ho sanga Pakaiyin phatthei abohle  tampin Pakaiya HINNOPNA aneithei ahi.Tuahi Pakaiyin Internet aman ahitai. 2010 kumbul achu kanamu ahitai.ka umna munala Internet lahna di ana umpon, Landlibela umlou. Mobile group SMS ahin kana panin, 2011 kumbulin Internet Facebook le Blog’a kana pan tai. Ipi ahi kahetlou chu ka khut ahi kana bol ahije. Lhumlam mihoto kijopmatna kahinneipanin Email le website kijet in kana bolun. Kahetlou kah in Facebook ahin Pathen thu kana tat in, thot ding Chula, fb kavetle Lim le thu manthei aumpoi! Kakhum ngampoi. Hinla, kahetlou kah in ka Laptop a ENTER kana mehkhah tai! Hibang fb nenlah, nungah-golhang ho kidaina le namchomchom gollhang ho kichoutona le kichepna achun Pathen thu kana mehlut khai. Hiche lai chun Website le Email a Pathen thu bol hon jong, “We don’t use community tools (facebook)” aticheh’uve. Hitia, keiman fb kana man chu kajilna le Pathen thu kaki pehtopi hon ei oimouvinte kanati. Hinla, Pathen in ahin mangchan Pathen thupha machalna in, nasatah in fb ahung pangtai. Kajilna pen GMO hon 2012 kumbul in fb ahin hongun, adang dang tuhin adimset in, Pathen thupha thejalna phapen ahung hitai. Fb ahin saotah tah akibol theipoi. Eima thuthua manchahthei ahipoi. Hijongle, adang ‘Blog’ Website’ hoto ‘Link’ ibolle fb hi mijouse mubaai ahijalin, munlen danga kibol ho mudohna dia phapen ahitai.

Fb a kabolpet tilchun, eiho gollhang konkhat in jong “fb ajong Pathen thu kiboljeng hitam?” ahintin ahi. Katohkhompi, Pathen Lhagao manchah a Internet a Pathen thu lhangsam hon jong chutia chu anatiu ahi. Hinla, hiteho jouse jong chun tua hi amanchah cheh’u ahitai.

Pakaiyin, achonsepen le amimo pen jong amanchah-le kidangtahtah na atohdoh jeng ahi eimudoh sah in, Amin kathangvah e. Israel nampin kel athoh laiyuva, Samaria khopama mihem hi paidoh le khopi pama kidah a kikoi Phah a dammo mi Li ho Pathen in amanchah a Israel pumpi, kela thiding ho nehding thu lhut a panguva, kela kon sohcha ahiuve.

Nang jong, Pakai alunglhaile, namanchah thei ahi. Tua, sumbeiya le phat pehdoh val ngailouva nabol thei hi bolin. Pakaiyin phatthei naboh ding ahi. Ka fb hi phatechan venlang ‘Link’ hohi juilechun, Pakai Lenggama dia manchah lutahtah namu ding ahi. Hiche ho nasimna akona chu Phattheina kim, tahsa le Lhagaova nachan ding ahi. Keima hi ima kahipoi. Thuso bolmi kahina a, thudongtoh le, chomkhomle, thu homjal kahina Pakaiyin, ahinmanchah ahijoi. MOSE MOL tia 2011 or 2012 a kajih chu geldoh in.

Pakai loupina din bolinge natile, Pathen hetsahnan ‘Amen’ jih in. Pathen in napanpi jing tahen.