Sum hi kamanval aumle mi pehding kanati lai chun koima
kapetheipoi. Ka ngailut le kakhohsah ho jong kana petheipoi. Ajehchu, manval
kanei khapoi. Tuni chanin manval sum kaneikha himhim poi. Ole miho pekhalouhela
ka um ding ham ti kageljin, hitia michip hija hinkho manchai jeng chu kanom
jipoi. Akhonnan, themchabeh peh dia kanagel gel jeng hochu, tamla kapetheipon;
themcha beh tia abang komle, damlou le hahsa ho them, themcha, Biscuit chohna
dingbeh tia, kapeh jengjile apepa
kahijitai. Chule, petamthei kahilou aheuvin, kapeh hon jong lhom asadeh
jipouve. Amaho kipah umvam kahepoi. Keivang kakipah lheh jin ahi. Sum chu ka
itvangin, koima hetpehlouva kipana kachan chu sum sangin alujoji.
Pakaiyin, ‘Min iti nabolle nanop em, hibang chun miho bolin’ tia
aseihi. Mi kabolpeh hochun eibolpeh diu ngai hilouva Pakaiyin, apetpet’a
lungsunga kipana eipeh paijeng ahi chu kamuchen mong mong tai.
Pathen thu jong hi kathep tenglebou mi seipeh ding, pehson ding
ham tia kana gel laichun koima kana seipeh poi. Iti kasim vangin, tunigeiyin
kathemtah deh poi. Hinla, Pakai Jesu’n eingailut’a keidinga ahinna apeh jenga,
hichea eilhatdohna le kahinkho jengjong angailut’a katahsa le ka lhagao
ahuhhing hi kagelle, mijouse ngailupa – mijouse tahsa le lhagao huhhing nom
jingpa ahidol hi seiloutheilouva kakimu phat’a kaseisei jengle aseipa, miho
pesonpa kahideltai.
Hitihin, kakipana asang cheh cheh in,nitinahin, kipanathah thah
eipe jingin, nilhah le jansehle, koiyin asim le simlou donlouvin, MIJOUSE
NGAILUPA thu hi kapeson jingtai. Loupina Pakai changtahen.
Golte, kaloi le gol jouse chule hiche simjouse hin, hitobang
Jesu Christa’a kipanakim anei diu kataona ahi.
Kasei hi ana patep in. Mi thilpeh le Pathen thu pehson hi anabol
in. Kipana le hetna lama jong khangtou tultul jenginate, ana patep in. Pakaiyin
napanpi ding ahi. Ei huhhingpu’u le Pakai, Jesu Christa chunga kipana naneile
‘Amen’ jih in. Pathen in Jesu Christa minin, Lhagao theng thahatnan panpi
jingtan.
No comments:
Post a Comment