Pathen in phatthei naboh henlang,
nataona sangtei henuo. Hichena ding chun Athu sim jingin, tao jingin. Pathen in
Ama limloa eisemu ahi (Genesis 1:27). Amato kijopthei ihiuvin; chujongle Athu
nit le nitlou ding; Ama ngailut le ngailutlou theina chamlhatna nei jong
ihiuve. Pathen in leiset le asunga ijakai asemchai chun, asemsa jouse, nang le
kei pumin – “apha lheh’e” tin aphongdoh in ahi (Genesis 1:31).
Tua Pathen in navet jing ahin, “Apha
lheh e?” natina dem?
Eiho vang, “Apha lheh e?” tithei
ihipouve. Hinla, Achpa Jesu Christa tahsana Leng le Huhhingpua ikisan tengule
“Apha lheh e?” eiti jiu ahi. Ajehchu Jesu Christa tahsante jouse chu Lhagao
Theng apeh ahin, Pathen in eivettengule eihoa um Lhagao theng chu amujia,chule,
Jesu Christa mel chu kilangia, chutengle, Pathen chun Achapa mel amutengle
lunglhaiya “Apha lheh e?” atiji ahi. Eiho eimu vangu ahipoi.
Jesu Christa jala Pathen in “Apha
lheh e?” tithei dia Lhagao Theng in nachenpi natahsanle ‘Amen’ jih in. Jesu
Christa mi lungsetna chun na umpi jingtan.
No comments:
Post a Comment