Pasal
hohin numei hi ijebehseh tihih jongleur, numei ho mama hi phachomjiuva ahi.
Jesu amat’uva, athian ding munlam ajotpiu jong chun numeihon ajuiyun; athi jong
chun numeihon alhan chu agave jing jiuve. Athodoh chun, numeiho maman Lhan chu
agohkeuva um agamu’ve. Jesu tahsa, thilong chu ana umtapoi. Hichun, vetsah
aneiye! Thina le chonset thahat chu Jesu’n ajo’a, Ama hingdoh kit ahitai!
Aloupi e. Vahchoiyin umhen, Pakai chu!
Golte,
Jesu Christa tahsana Leng le Huhhingpua kisan jouse dia Lhan (thina) chu
agohkeu bou ahitai. Atahsante jouse chu, tahsa hi thijongle, thoukit thou thou
diu – Jesu Christa banga thou cheh diu ahitai! Loupina Pakai chang tahen!
Hitia
chu, Christiante hin tonsot hinna chu aneiyu ahitai, Hinla, tahsa thina umtalou ding
tina ahipoi. Hiche mun hi chomkhat dia i-dalhah cheh diu ahi. Hinla, Jesu athia
athodoh jouva um lhan-gohkeo chun, thina kichat aumtah lou je eihilnau ahi.
Tahbeh in, Aman chonset (thinamun) le thina chu ajosa( achaidoh) ahitai.
Athodoh chun, hiche tahsa hinkho kichai jou jongle hinna (hinkho) dang ineidiu,
i-tahsau jong hi limthah pua eikaithoudiu eihetsah tauvin ahi.
"Christa
chu thina'akona, Pa'n akaithou banga, eihojong thina baptize channa achu Amato
thi khom le kivuikhom ihitauvin,
hinkhothah neiding ihitauve." (Roman 6:4)
Hitia
chu, Jesu Christa thina le thodohkitna jala, beitih neitalou dinga, tonsot a
Pakai-to chamdela chengkhomding ihitauve.
Nang
jong Christian dihtah nahija, tonsot hinkemlouva hinna nei nahitahle, Pakai
vahchoinan ‘Amen’ jih in. Pathen in umpi jingtan.
No comments:
Post a Comment