PATHEN TO NA KIJOPNA PHUTDET JINGIN

Christa jala ka insungmite, “Pathen le i-Pakaiyu Jesu Christa nahet nauva konin lungsetna le chamna nachunguva lhingset’in pungjing tahen.” (2 Peter 1: 2)

Hejingin,I-Pakaiyu Jesu Christan, “ Ama loupina le aphatna chankhompi dinga eikoupau (Jesu Christa)  ihet jehuva, Pathen ngaisah a hintheina dia, thil ijakai (angaicha jouse) aboncha a Pathen thahatna akona eipeh-u ahitai.” (2 Peter 1: 3)

Hiche, Pa lungdeiya hintheina dia Lhagao Theng tha-hatna eipeh’u hi kihet a, Bible sim le taona a kivoppi jing ding ahi. Chutengle, Aman eipanpi jing diu ahi.

Hijehchun, “ Vannoiya umsa tahsa lunggul manthahnaa kon hin jamdoh a, hichea kona chu Pathen hinna lim chu ichankhompi theina diuva, hiti thudol’a chu thutep chung nung pen manlu tah ( tonsot-hinna) chu eipeh-u ahi.” ((2 Peter 1: 4))

“ Hichejeh tah chun najo chanin bol’un lang phatna chu natahsan’u belap sah-un, phatna chu hetna be lap sah un, hetna chu kitim themna belap sah-un, kitim themna chu thoh hatnan belap sah un, thohhat na chu Pathen ngaisah nan belap sah-un;   Pathen ngaisahna chu kisopi ngailutnan belapsah un, kisopi ngailut chu ngailut nan belap sah-uvin.” (2 Peter 1: 5-7)

“ Ijeh-inem itile nang hon hicheng hi bulhingset’a naneiyule, hichun i-Pakaiyu Jesu Christa nahet nauva chatmo le ga beiya nakoi louhel diu ahi. Hicheng neilou mi chu mitcho, khomu lou ahin, masang achonsetna chengsea kona kisop thengsa ahichu asumiljitai.” (2 Peter 1: 8-9)

“ Hijeh chun sopite, nakikou nau le nakilhendoh nau chu kichetsahna din kihabol cheh kit’un; chuti bol leu chun itih chan ajong nakipal lhuh lou diu ahi. Hiti dol’a chu i-Pakaiyu le huhhingpa Jesu Christa tonsot lenggam sunga lutna thei lhingset’a nanei diu ahiye.” (2 Peter 1: 10-11)
“ Nang hon nahetsau le naneisau thutah achu dettah a pangdet hita jong leu chun hiti hohi geldohsah jing ding kagot ahi.” (2 Peter 1: 12)

Nang jong chang tasa nahina achun, ha-kibol jingin. Na hetna punsah jing nadin nitinin Bible simin, tao jing jengin. Miho jong nathei sunin hetsah jingin. Hichu, nangma dia tahsa le lhagaova na khantouna hijing ding ahi.

Pathen in phatthei naboh jing tahen.