Mipha nahiman, thilpha nbolman, Pathen thu, Bible nahetmana Van-gam luttheiding nahipoi. ‘Ticket’ ngaiya ahi. ‘Van-gam ticket’ hi ‘Jesu Christa’ ahi. Bible paovin ‘Van-gam jotna Lampi’ akiti. Tulai paova hetbaipena seidia ‘Ticket’ ahi. Tulai chapang ho koma ‘Jesu hi Van-gam Lampi ahi” tilechun, Jesu chu ‘Road’ tobanga ageltheiyu ahi. ‘Ticket’ tilechun ahet-bailet diu ahi. Bible pao kakhel ahipoi. Hetbaina dia kahilchet ahijoi.
Tulaiya hetbaidin kiseile : “Jesu’n aseiye “Keima Atah{ Pathen tahbeh khatseh( Trinity aum)}, chule, LAMPI ( Van-gam Ticket), chule, HINNA ( Pathenna tonsot hinna) chu kahi. Keiya kon (Keima hi Huhhingpu le Pakaiya einei) tailouvin koimacha Pa kom (Van-gam) a ahungtheipoi” ati” (John 14:6)
Hinla, houin kaiya Pathen thu kisei ngaijing, Bible simjing hodin Pathen thu het a ‘Huhhingna’ kisan hi bailet ahi. Akailou, thu jalouho din ahahsai. Chule, mipha hija, thilpha bolsa, tolom toh jingsa le houkin ngaisah a tompan ho hin ‘Ticket’ (Jesu Christa mi-huhhingna) aneitengule tohga, kipaman sanding chu aneisau ahi. Abelap alamdohbe ding jong Pakaiyin apanpi jing ding ahiuve.
No comments:
Post a Comment