April 2010 kipat chun ‘ih-mut theilouna’ kaneiyin. Tao git kajajin, kalup le agingcheh cheh jin, ei suhal in kalim jitai. Ka inkote hetdin ihmut-lem kaboljin, amaho aihmut tengule kathoujitai.Ih-mutna ding tia kadona- kanehji vangin, kalup-le taogit chu na nakhanga aging lelul in ka lim chehcheh in, hi-mut sangin ka thouvin, taogit chu hoilam ham tin kaholjin, thih Almirah sung ham tin kaholjin, aging lul luljin, hinla, kavetphatmong tengle inning lamtah chu ahikitji. Kahol holjina in, ka ihmut sona jouse abeijin, kalim cheh cheh jitai. Hapta ni chunglam in kalel tai.
Jan khat nidan 10 dona hin, Ventillation achun indan hoitah khat kagahmun, Doctor le Nurse tobanga von banglieh a kivon pasal khat le numei khat kihouva eingah le eitoupiuvin kamun ahi. Akihoulim lhonin kei thu asei lhon hinte. Kalup le katho kahaljet-le, pasalpa chun “Kilup in, ki hihmut in, kicholdon, naleltai” eiti.
Hichun, kalumin ahile, nomtah in ka ihmutai. Kahung khah phat in kadamheltai.
Hichu, Pakaiyin ka hinkho akheldohna akipatna ahi.
Chonse hatmo hijongleng “Lhagaova peng penga ka Pakai Jesu’n ei taopehpeh jeng ahi’ ka hechen mongmong tai.
Hiche phat sunga ka thilmu tampi hoa kona ka hetdoh lah a themcha seiyinge :-
Eihon Cinema Film iveuvin ahile athoho nunchan jouse khu imuve. Amahon amulouvu, midang khat in athagot, akapgot, ipiham alogot chu aman akimupoi. Hinla, eiho avehon imu geh jiuve. Hiche banga chu Pathen le alhacha ten inunchan jouseu film a kive banga eimu jingu ahi.
Chule, film a umho lunggel ho guhthima ipi agelu ham, agit in ijauve. Hiche banga chu guhthima igel jouseu hi Pathen nakhang (kola) ginga ajah jing ahi.
Hijeh achu, Pakai Jesu’n, ‘lungsunga um athenglou chu chonset bola to thakhat a’ asei ahi kamuchentai. Lungthen ding thu Bible in ha-tah a aseina hohi kahethemtai.
Chuti ahile, ipi dia kisel le ki-iim nahi ham? Na suhkhel, nagelkhel, na neh-nadonkhel jouse jong Pathen in amu le ajah cheh ahi.
Na iim sangin, mihem dang jah ding nanoplou jongle, guhthimin taovin, nataonan nachonset – ngelkhel, nabolkhel, naneh-donkhel jouse Pathen koma phongdoh jenginlang, ngaidam thumin.
Pathen in mihem hi ‘Robot’ (Machine/ kholbuh) bang dia asem ahipoi. ‘Kholbuh’ chu min a mehna (swiss) ameh dungjuiya bou chatloh a ahi. Mihem vang Pathen in ngailuttah a le jalenna, chamlhatna neiya asem ahi. Hijeh achu, nalungdei chu Pathen koma naseidoh ngaiya ahi. Ngaidam nanople ngaidam nathum ding; panpi nangaile nathum ding ngaiya ahi.
Nangaichat jouse Pathen in ahenai. Hinla, akoma thumte bou apeh ahi. Athumlou ho apehlou tina ahideh poi. Athumlou jong akhoh dungjuiyin apenai. Hinla, athumte vang aphah chu apehdeh in ahi. Chule, Ama Pathen a kisanna, Jesu Christa tahsan le kisanna le alungdeilam hola umtheina, Lhagao Theng panpina vang thum dingdol ahi.
Bible in aseiye :
“Achonset selmang goa chu itih jongle khangtou louding ahin, achonset chengse phongdoh a paimang le nungsun theiyan Pathen khotona akimuding ahi. Pakai gingjingpa chu anun nomin, alung tahsah jingpa vang hahsatna’a chuding ahi. (Proverb 28:13-14)
Chonset ngaidam thum hi ngaikhoh ten ahi kahetai.
Kei bangin ‘ipi chonset lentah kanei em?” tin gel hih in. Chonse ki hisahlouna laitah chu Pathen mitmua chonset-lenpen ‘pha kisahna, ngaidam ngaichatlouna lungput’ chu ahi jinge.
Pathen jalin, mihem dana suhkhelval Pakaiyin eichingin kantoh behseh poi. Hichu songin Houbung lah a jong kisongtah in kaneova pat kana pange. Hinla, kacha lubang jouvin kum sagi ju kana donin,kum tampi don ho sangin kalelin,kathipideh e. Ajehchu, ‘Abolbol boljeng’ kiti mi kahin, kisel le ki imlou mihem kahi. Kadon masanga adon ho ‘michonse’ hisahpa kahin; kadon phat in ‘ka judonin ka lhagao khankho atong khapoi. Ka tahsa vang asusen, kithipi maiyinte. Hinla, Pathen katahsanna le ka lhagao khankho atongkhapoi’ tia tahsana kakham puma jong taona lha behsehlou kana hi. Hinla, hiche jouse chu adihlou le ‘achonsepen’ kahina anahitai.
Pathen ka houding bangin kahou tapon, lunglim-geh Pathen in eipeh chu kana sumoh jin, hichu nopsahnan kana neiyin, kaji-kachate di ‘thet-un, anamse’ kanahi. Miho nuisat jong katoh jingin, Pakaiyin hitobang ding chun eidei hihbeh jenge.
Themgao ho kama Israelte 'gantha le kithoina ho Pakaiyin akidah-le athet banga, ju- nam jing puma kana taona hochu Pakaiyin ngailutnan eisanghen, eina chingjing jongle, thet-umtah, kidah umtah anahin, eimuho mit a jong Pakai kajalouna tobang anahi, keiman lungthengselin bol jongleng.
Hijehchun, hahsatna kana kilamdoh tai. Hinla, hahsatna anatoh hihleng Pathen thu hi tuni geiyin hethem ponge. Hahsatna hochun ‘ka Pakai Jesu mel-dei-um eimusah in’; ei kimusah niapat tuni (kumnga masanga pat) geiyin nikhat jong pellouvin, Bible chang khat beh, nitinin ei thotdohsah jing tai. Loupina Pakai chang jing tahen.
Nang jong, Pathen in Alungdei, acha phatah nasoa, alhacha phatah nasona din, Pathen belin, akoma taovin, na chonset chengse phongin. Nitina nasuhkhelna le nalhinlelna jong phong jingin, ngaidam kithumin. Jesu Christa hi na Pakai le na Huhhingpu hijing din tem jingin.
Nitinin Bible simin, tao jing jengin.
Pathen in panpi jingtan.
Jan khat nidan 10 dona hin, Ventillation achun indan hoitah khat kagahmun, Doctor le Nurse tobanga von banglieh a kivon pasal khat le numei khat kihouva eingah le eitoupiuvin kamun ahi. Akihoulim lhonin kei thu asei lhon hinte. Kalup le katho kahaljet-le, pasalpa chun “Kilup in, ki hihmut in, kicholdon, naleltai” eiti.
Hichun, kalumin ahile, nomtah in ka ihmutai. Kahung khah phat in kadamheltai.
Hichu, Pakaiyin ka hinkho akheldohna akipatna ahi.
Chonse hatmo hijongleng “Lhagaova peng penga ka Pakai Jesu’n ei taopehpeh jeng ahi’ ka hechen mongmong tai.
Hiche phat sunga ka thilmu tampi hoa kona ka hetdoh lah a themcha seiyinge :-
Eihon Cinema Film iveuvin ahile athoho nunchan jouse khu imuve. Amahon amulouvu, midang khat in athagot, akapgot, ipiham alogot chu aman akimupoi. Hinla, eiho avehon imu geh jiuve. Hiche banga chu Pathen le alhacha ten inunchan jouseu film a kive banga eimu jingu ahi.
Chule, film a umho lunggel ho guhthima ipi agelu ham, agit in ijauve. Hiche banga chu guhthima igel jouseu hi Pathen nakhang (kola) ginga ajah jing ahi.
Hijeh achu, Pakai Jesu’n, ‘lungsunga um athenglou chu chonset bola to thakhat a’ asei ahi kamuchentai. Lungthen ding thu Bible in ha-tah a aseina hohi kahethemtai.
Chuti ahile, ipi dia kisel le ki-iim nahi ham? Na suhkhel, nagelkhel, na neh-nadonkhel jouse jong Pathen in amu le ajah cheh ahi.
Na iim sangin, mihem dang jah ding nanoplou jongle, guhthimin taovin, nataonan nachonset – ngelkhel, nabolkhel, naneh-donkhel jouse Pathen koma phongdoh jenginlang, ngaidam thumin.
Pathen in mihem hi ‘Robot’ (Machine/ kholbuh) bang dia asem ahipoi. ‘Kholbuh’ chu min a mehna (swiss) ameh dungjuiya bou chatloh a ahi. Mihem vang Pathen in ngailuttah a le jalenna, chamlhatna neiya asem ahi. Hijeh achu, nalungdei chu Pathen koma naseidoh ngaiya ahi. Ngaidam nanople ngaidam nathum ding; panpi nangaile nathum ding ngaiya ahi.
Nangaichat jouse Pathen in ahenai. Hinla, akoma thumte bou apeh ahi. Athumlou ho apehlou tina ahideh poi. Athumlou jong akhoh dungjuiyin apenai. Hinla, athumte vang aphah chu apehdeh in ahi. Chule, Ama Pathen a kisanna, Jesu Christa tahsan le kisanna le alungdeilam hola umtheina, Lhagao Theng panpina vang thum dingdol ahi.
Bible in aseiye :
“Achonset selmang goa chu itih jongle khangtou louding ahin, achonset chengse phongdoh a paimang le nungsun theiyan Pathen khotona akimuding ahi. Pakai gingjingpa chu anun nomin, alung tahsah jingpa vang hahsatna’a chuding ahi. (Proverb 28:13-14)
Chonset ngaidam thum hi ngaikhoh ten ahi kahetai.
Kei bangin ‘ipi chonset lentah kanei em?” tin gel hih in. Chonse ki hisahlouna laitah chu Pathen mitmua chonset-lenpen ‘pha kisahna, ngaidam ngaichatlouna lungput’ chu ahi jinge.
Pathen jalin, mihem dana suhkhelval Pakaiyin eichingin kantoh behseh poi. Hichu songin Houbung lah a jong kisongtah in kaneova pat kana pange. Hinla, kacha lubang jouvin kum sagi ju kana donin,kum tampi don ho sangin kalelin,kathipideh e. Ajehchu, ‘Abolbol boljeng’ kiti mi kahin, kisel le ki imlou mihem kahi. Kadon masanga adon ho ‘michonse’ hisahpa kahin; kadon phat in ‘ka judonin ka lhagao khankho atong khapoi. Ka tahsa vang asusen, kithipi maiyinte. Hinla, Pathen katahsanna le ka lhagao khankho atongkhapoi’ tia tahsana kakham puma jong taona lha behsehlou kana hi. Hinla, hiche jouse chu adihlou le ‘achonsepen’ kahina anahitai.
Pathen ka houding bangin kahou tapon, lunglim-geh Pathen in eipeh chu kana sumoh jin, hichu nopsahnan kana neiyin, kaji-kachate di ‘thet-un, anamse’ kanahi. Miho nuisat jong katoh jingin, Pakaiyin hitobang ding chun eidei hihbeh jenge.
Themgao ho kama Israelte 'gantha le kithoina ho Pakaiyin akidah-le athet banga, ju- nam jing puma kana taona hochu Pakaiyin ngailutnan eisanghen, eina chingjing jongle, thet-umtah, kidah umtah anahin, eimuho mit a jong Pakai kajalouna tobang anahi, keiman lungthengselin bol jongleng.
Hijehchun, hahsatna kana kilamdoh tai. Hinla, hahsatna anatoh hihleng Pathen thu hi tuni geiyin hethem ponge. Hahsatna hochun ‘ka Pakai Jesu mel-dei-um eimusah in’; ei kimusah niapat tuni (kumnga masanga pat) geiyin nikhat jong pellouvin, Bible chang khat beh, nitinin ei thotdohsah jing tai. Loupina Pakai chang jing tahen.
Nang jong, Pathen in Alungdei, acha phatah nasoa, alhacha phatah nasona din, Pathen belin, akoma taovin, na chonset chengse phongin. Nitina nasuhkhelna le nalhinlelna jong phong jingin, ngaidam kithumin. Jesu Christa hi na Pakai le na Huhhingpu hijing din tem jingin.
Nitinin Bible simin, tao jing jengin.
Pathen in panpi jingtan.
No comments:
Post a Comment