KIPANA THUPHA DANG AUMPOI :

Jesu Christa thu le mihem chonset a kona a Ami Huhhingna thu tailou Kipana Thupha dang aumpoi.

“ hiche Thupha chu masanga athemgaoho’a atepsa Lekhabu thenga kisun,tahsaphe dol’a David chilhah a peng achapa thudol, Lhagao Theng vanga thinaa kona athodoh chun tha neitah a Pathen ahina akisep khenin, I-Pakaiyu Jesu Christa ahitai; ama min vanga chitin namtin lah a tahsan vanga thua nunsahna dinga lungsetna ikisan’uva solchah a pang kahin,hichea hin Jesu Christa dinga kikou nang ho jong napang cheh-ui” ( Rom 1:2-6)
Angei val jenge, vel sim’ute :
“hichea hin Jesu Christa dinga kikou NANG ho jong NAPANG cheh-ui”
Loupi jing jeng hen, Pakai Christa chu!
NANG jong napan chu na?
Kipa aume. Jesu Christa na tahsana, na Pakai le Huhhingpu dia nakisan jala ‘Pathen Cha’ nahi ahitai.
Ole, nakisan loulai jeng ham? Kisanin. Taovin, Jesu Christa chu kouvin, kisanin.
Ama kisana ‘Huhhingna chang’ nahitah-le, ‘Pathen chate hindingdol a hindin ha-kibolin. Nangma hatnan jouponate. Bible sim jingin, niseh in simin. Pakai Jesu jeng bon, Pathen Chapa ahi henasa lhem jengpa Satan chun, Pathen cha hi’na kisansa ho jong hi alhep nom jing jeng ahi.
Lhepna atoa chu Pakai Jesu’n Pathen thu kijet manga Satan chu ajo ahi. Hichu, eihon jong iboldiu adei ahi. Hijeh achu, Bible hi sim jing jeng ding ahi.
Chule, ‘taona’ hi phattina nei jing jeng ding ahi. Pathen thu Bible sim jing le tao jing jeng hi lhagao manchah phapen ahi.
Pathen in panpi jing tan.