NADAMDING PAKAIYIN ADEIYE

Pathen angailut le amanchah nom ho chu dammoa aumdiu anompoi. Ama akitep in,

 “Keima Pakai, nadamsahpa kahi” (Exodus 15:26). Ama hi Pathen “nachonsetna jose ngaidama le nadamsahpa chu ahi” (Psalm 103:3).

            Athu, Bible in aseiye, “Golte ho, damna hinkho namana, thil ijakai adingdol cha aumjing ding le na lunggel jong adam jing theina din kataoji” (3 John 1:2).

           Huhhingna nachantengle, chonset akona le chonset thaneina jousea kona onthola nahiding ahitai. Adam le Eve chonset jeh a natna hohi uma ahin. Hinla, Jesu Christa’n cross chunga athia chu chonset thahatna athamit ahitai.

 “Tahbeh mongin,Aman eiho thohding jouse athoh in, igimnadiu chengse apo jenge! Hichea jong hin athohna jouse hi Pathenin talen apeh danin igel tauve. 5- Ama chula eiho chonset jal’a mapu ahin, thilse iboljeh’uva min aden  ahibouve! Ama talen don eiho’n idamlo’vin, min ajepna chengse’n eidamsah tauve.  6-Kelngoi vahmangte banga ideilam cheh a che’ah ihitauve! Ahin eiho tale’n donding Pakaiyin Ama adonsah in, I-thohdiu talen Ama’n athohtai.” (Isaiah 53:4 -6).

Hinla, mijouse hiche jona chu achang hihlaiye. Nachan tah em? Nachan loulaile, Pathen koma nachonstna ngaidam kithumin, Jesu hi Leng le Huhhingpu’n kisanin.

Jesu’n cross chunga athohna hohin atahsante lhagao keu adamsah ahipoi, tahsa natna hojong athoh tha a, apohtha ahitai. Lhagao damna nachantheile, tahsa damna nachanmo dia nagel em? Tahsanna bou ngaiya ahi.

Bible in aseiye : “Eiho chonset’a ithiuva, themchanga ihintheina diuvin achamtah in (Jesu’n) eiho chonset jouse atahsa’n thingpel geiyin apodoh in, athohna maha hon nadamsah’u ahitai.” (1 Peter 2:24).

            Hitia chu, nanatna jouse jong apohtha le athohtha ahi chu tahsanin, chule, Aman nadamna dia ngaicha jouse abol ahitai tijong tahsan in. Hiche tahsan jouse damjia ahi.

Jesu’n mi adamsah thu hi Bible in ahasei lheh jenge. Leiya alenlaiyin, avah lelen, dammo tamtah adamsah in, lhagaoboh vop hojong anodoh peh in ahi.

 “Nilhah lamin thilhavop mi tampi Jesu henga ahinpuiyun, Aman thu chengkhat she seiyin thilha ho anodoh in, damloute adamsah sohkeitai. Hitobang thil hi Isaiah Themgaovin aseisa

 “Aman inatna jouseu le iveisetna chengseu akilah in apomangtai” kiti chu guilhunga ahitai.(Matthew 8:16 17).

Matthew sung lelea jong : Miphah khat asutheng in(Matthew 8:1-4); Sepai jalamkai chapa adamsah in (Matthew 8:5-13); peter nupanu adamsah in (Matthew 8:4-17); Thilhavop adamsah in(Matthew 8:28-34); Langthi adamsah in(Matthew 9:1-8); Jairus chanu adamsah in (Matthew 9:18; 23-26); Kum 12 thiputnu adamsah in (Matthew 9:19-22); Mitcho ni kho amusah in (Matthew 9: 27-31); Paomo apao sah in (Matthew 9: 32-34);Khut langngoi adamsah in(Matthew 12: 9-14); Canaan numei adamsah in (Matthew 15:21-28);Mitamtah adamsah in (Matthew 15:29-31);chule adang tamtah jong adamsah in ahi.

            “Jesu Christa hi janhi,tuni le tonsot a abang hijing jeng ahi” (Hebrews 13:8). Kum sangni masanga mihem dammo chujat adamsah-le tunia adamsahmo ham?

           Na damnomle Houbung lamkai, Pathen lhacha natong ho kouvin, kitaosah in. Hitia chu nabolle, Bible seibanga nadam ding ahi.

“Nalah’uva hesoh-genthei tho’h umam? Amachu taohen. Kipah thanom’a um am? Vahchoi la sahen. 14- Nalah’uva adammo um am? Ama chun Houbung Upate kouhen, amaho’n ama chu Pakai minin thao nu’hen, tao-peh’uhen. 15- Chutile, tahsan jal’a taona chun adammopa chu ahuhdoh a, Pakaiyin ama akaithou ding, chonsetna abol khah jongle hichu ngaidam chang ding ahi. 16- Hijehchun, nadam theina dingun, khat in khat koma nachonset phongun lang, khat le khat kitaopeh to’vin. Midih taopehna chu nasatah a natongthei ahi. 17- Elijah chu eiho pendol banga mihem ma ahivangin, gojuh louna dinga lung luttah a ataole, kumthum le lhagup sungin leiset chunga go ajupoi. 18-Chuin, ataokitle Van’-in gotui ahinpe’n leiset in anche-louhing ahinsepdoh tai. “(Jacob 5:13-18)

‘Tahsan’ kiti hi Pathen thu Bible a kijih hohi dih le pilhing tei dia tahsan tina jong ahi.