Navangset le nasuhkhel jeh a dammo hilouva Pathen loupi
kiphonna ding, Jesu Christa a Pathen loupina kilahdohna dia dammo nahi maithei
ahi.
Jesu leiya alenlaiyin, dammo kidang khat avetsah un, ipi
asuhkhel jeh a dammo ham adong un ahi. Aseiyu chu , “Jesun ajah phat in, “Hiche
natna (dammona) hi thina ding ahipoi; Pathen loupina ding, Pathen Chapa choi-at
a aumna ding joh ahijoi” tin aseitai.( John 11:4)
Hiche aseijou chun, Jesun adammona jouse aboldam peh tai.
Hijehchun, nang jong, ijemtia 'natna nei' nahi jengle, moh
lunggim louvin, gunchu tah in taovin Jesu Christa kou jon.
Houbung miten jong
nataopehna diuvin, ngeh in. Pathen lhacha themgao tobanga Pathen thu lhunna le
taodamna chang nahet aumle kouvin kitaosah in. Pastor, Solchah, Houbung Upa le
adang na kou thei ho kouvin, kitaosah in. Na insungmi kitaosah in. Adeh in
nangma vang tanglou helin taovin. Taonan Jesu kou jingin. Nachonset jouse le
nitina nasuhkhelna le nalhinlelna, athupeh nanit joulouna le aloupina na
phondoh joulouna ho jouse akoma phong inlang ngaidam thumin. Chule, chonset
ngaidamna dia ahungthina -ga chu nangma jong nachana tahsa le lhagaova
damna-kim napehna din ngeh jing jengin. Nahinkho adeilam le aloupina Jesun
amanchah din pedoh in. Chutile, natahsa le na lhagao agoma adamsah thei ahi.
Pathen in panpi jing tan.
No comments:
Post a Comment