Achonsepen Aminphapen Sosahpan Nangjong Napanpi Nom e

Saul kitipa chu michonsepen tithei ahi. Christiante mana le amatsah a pang, Christiante that ho phatsahpi ana hi. Hinla, Pathen in achonset angaidamin, Amin akhelpeh in, ‘Paul’ asah in, Christa a mithah le thahattah aso in, ‘Solchah Paul’ tin akihetai. Pathen thusei jouse lah a nasapen, Jesu Christa manchah pipen ahung hitai.

Aman jong aseiye,

“Keima tahsan theiya eigel’a lhacha eipansah, thahat eipea i-Pakaiyu Jesu chunga kakipah lheh jenge. Masang chun ataitom le abolse chule pumhat jengin kana-pangin, ahinla hiti ho chu atahsan lou kahijeh a hetoh louva kabol ahijeh-in Pathenin eihepin, Jesu Christa jal’in i-Pakaiyu milungset chu tahsan le ngailut pumin keidin alet lha jengin ahi. Chonsete huh-hing dinga Jesu Christa vannoiya ahung hi tahsan dinga lhingset thu ahi; chonset ho lah a keima akhoh pen kahin,  Ama hintahsan’a tonsot hinna nei ding ho vetkah a pang dia Jesu Christan thoh hatna chengse chu amasapen’a kei chunga phot-chetna abol nom jeh a hitia chu eihepi lheh jeng ahi. Tonsot Leng-pa, thitih neilou, mutheilou Pathen khatseh chu jabolna le loupina ton-sot tonsot’in chang jing hen: Amen.” ( 1 Timothy 1:12-17)
Pathen in amite bolgim le that lah a pangpa bon angaidama, alhacha nasapena asemdoh theile –

Nang ipi nahi em?

Itobanglom chonset nabola Pathen in na ngaidammo dia nakigel ham?

Itobang in chonse jong lechun, Pathen kom nabelle Aman nasilthenga nangaidam ding, acha nasoa, mijouse dia dei-um le amadei nasoding, alhacha nasoding ahi.

Pakaiyin, “ Hung’un,tu’n athudol gelkhom’ute. Nachonsetnau thisan bangin san jongle, buhbang bang in bansah’inge” ati ahi( Isaiah 1:18).

Ama kom bel jouse thoh ding Jesu’n athoh chaise ahitai.

Jachat, jum, kichat-tijatna, molphouna, hatsatna, thohhahsa le thina geiya natoh ding jouse jong Jesu’n athohsa ahitai.

Natahsana akom nabelle, nang thoh ding umtalou hel ahi!

Pathen thusei natahsan hilou ham? Pathen thu, Bible in asei ahi :

 “Aman eiho thohding jouse athoh in, igimnadiu chengse apo jenge! Hichea jong hin athohna jouse hi Pathenin talen apeh danin igel tauve.  Ama chula eiho chonset jal’a mapu ahin, thilse iboljeh’uva min aden  ahibouve! Ama talen don eiho’n idamlo’vin, min ajepna chengse’n eidamsah tauve.  Kelngoi vahmangte banga ideilam cheh a che’ah ihitauve! Ahin eiho tale’n donding Pakaiyin Ama adonsah in, I-thohdiu talen Ama’n athohtai.” (Isaiah 53: 4-6) 

                                                                                                            

“Hiche ahin Pathenin eingailutnau photchenna eimusah-un, chonse ihi laitah-uvin Christa eiho kheldin athitai!.” (Rome 5:8)

“Chapa (Jesu Christa) jal’a eiho’n hinna ineitheina diuva Pathennin A-chapa changkhatseh vannoiya ahinsol, hichea hi eiho sunga Pathen ngailutna chu kiphongdoh ahitai.” (1 John 4:9)

“Aman eiho chonset jouse atahsaphe’n apo’n, thingpel chung geiyin apodoh in, chonsetna jousea ithiuva, themchanna a ihintheina diuvin aboltan, Ama kijepna maha’n eidamsah tauve.” (1 Peter 2:24)

           “Ajehchu chonset jeh a nanghodia Christa’n hesoh-genthei khatvei thoh a athoh a,midihlouho dinga midih chun athoh a, nang ho Pathen kom nalhut theina diu abol ahin,tahsaphea thia Lhagaova hing ahitai.” (1Peter 3:18)

Pakaiyin aseiyin; “ Adangchah chanin hinjon’un! Sumbeiya kelthoh hon kichoh un neuvin! Lengpitui le bongnoi, hung kithal’un manbeiyin! 2-Idia vanalouhel suma cho nahiuva, natohman jouseu oivanalouva sumang nahiuvam? Ngaiyun, kasei bol’uvin, antui pentah nanehdiu ahi. 3- “Ngaiyun, kamite, chule hunguvin; nahinna diuvin kahenga hungun, mantih neilou kitepna nasempiuving ting, David koma katepsa phattheina peuvinge!” (Isaiah 55:1-3):

           “Mu-theiya A-umpet hin Pakai chu hol’un; Naicha  A-umpet hin kou’vun.7-Mi-gilouvin achonna pailha hen, mi phalouvin alunggel-ngaito khel hen.Pakai lama hung kihei hen,chutile,Ama’n hepin tin, chule Pakaiyin lhingset’a angaidam ding ahi.” (Isaiah 55:6-7):

“Tun vang Danthu le Themgao hon ahettohsah Pathen dihna chu Danthu vang hilouvin ahung kiphongdoh tai; hiche Pathen dihna chu Jesu Christa tahsan vanga atahsante jouse ding ahin, koima imachom aumpoi; ajehchu mihem jouse chonsea Pathen loupina changlel ahitauve; Jesu Christa’a lhatdamna jal’a lungset vang’a manbeiya them changkha ahibouvui; Pathen in Jesu chu athisan jala tahsan vang’a kithoidamna dia miho chonset chesa asuhbei photchetna a Ama adihje phondohna dinga atundoh ahin, Jesu tahsan chan chu them achansah in, hotobang hin Pathen Amatah adihje avetsah in ahi.” (Rome 3:21-25)

           “Tahsan jal’a themchang ihi phat’un i-Pakaiyu Jesu Christa vang’a Pathen to kicham ihitauvin, Ama jal’a idin nau lungsetna ahi lut theiya, kipah thanom’a Pathen loupina chang dia kinem jing ihiuve.” (Rome 5:1-3)

“Achonset selmang goa chu itih jongle khangtou louding ahin, achonset chengse phongdoh a paimang le nungsun theiyan Pathen khotona akimuding ahi. Pakai gingjingpa chu anun nomin, alung tahsah jingpa vang hahsatna’a chuding ahi. (Proverb 28:13-14)

Pathen thu natahsan-le –

Jesu Christa kisanloulai nahi hihen, kisansa nungchon, ahiloule, lhagao hinkhoa khangtou joulou, kipana tahbeh beijoulou, chanchunga lunglhai joulou, thi-lhamonna nei joulou, lhagao thilpeh changlou nahijongle, Jesu kouvin, taonan kilhan in.

Tuhin dilsu’n lang taovin. (Guhthimchan, na indan in taovin. Ahiloule, naponnoi hijongle, bohkhup in taonan Jesu kouvin. Gari chunga, milah a na toupet ahile, kunin na mit sinpumin kilhanin, Jesu kouvin) :

1.    na chonset le lhinlelna jouse phongin.

2.    Chule, Aman na dinga athohna jouse kipathu phong in.

3.    Nachonset ngaidamna dia athoh ahi kipathu phong in.

4.    Nachonset angaidama Pathen cha hitheina napeh ahi natahsan thu phong in

5.    Thina thoukit Pakai ahi, thinan ahenjoulou Hingjing Pathen ahi chu phongdoh in.

6.    Ama thina’a chonset’a thia, athokit na’a lhagaova nathosah a ‘tonsot hinna’ napeh ahi natahsanna phong doh in, kipathu seiyin

7.    Na hinkho Ama deilama puidin pedoh in

8.    Aman eiteppeh’u Lhagao Theng a na umpi jing ding le Pa deilam hinkho namansah jing din ngeh in.

Hitia chu na tao-le, Pathen cha, hinna nei, apenthah, nahitai ti tahsanin, Christa’a hinkhothah hinkho chu mang panin. Na nun-nakhan chu Pathen deilamin umin. Nitin Bible simin, tao jing jengin.

Chule, hiche hi ‘kal khat nasena’ ahi kihet in. Kalnina nasena din, Bible sim jingin, tao jing jengin.

Hiche hi hejingin :

“Ama khovah sunga aumbanga,eiho jong khovah sunga ivale vangule,eiho khat le khat kiloikhomna nei ihiuvin, Achapa Jesu thisanin chonsetna chengsea kona eisop theng soh’u ahi.Eihon i-chonsetna jouseu iphondoh vang’ule, ichonsetna jouse ngaidam ding le thenlouna jousea kona eisutheng diuva, Ama chu tahsan umtah le dihtah ahi.” (1 John 1:7&9):

Pathen in na panpi jing tan.