TAHSA LE LHAGAO DAMNA DIA JESU VET JING DING AHI

Leiset hi anom le ahahsa umhal jingna ahi. Jesu vet jing bou dam jingna le phattou jingna ahi.

Dam jingna din ‘Damtheina dan’ jui angaiyin, kipana din ‘Kipana dan’, ‘Haona din ‘haona dan’, ‘chihna dan’ ‘ Thepna dan’, ‘hatna dan’ aum cheh e.  ‘Dan pha’ jouse juikina pen’ chu ‘Pathen lungdeiya um’ ahi.

Pathen hi thiljouse Sempa le ijakai adeideiya umsahpa ahi. Anomnom damna, haona, kipana, chihna, thepna apeh a; anomnom hi hahsatna, gentheina, natna, thina atosah jengthei ahi.  .Alung toh jouse aphapha apeh a, alung tohlou ho chu hahsatna atosah jengthei ahi.

Pathen lung tona pen chu, angailutpen Achapa Jesu Christa ngailut a, tahsanna, Huhhingpu le Pakaiya kisana, kolchah jing hi ahi.  

Jesu’n Ama a umjing din eitemuve. Ama a um (kingapna/ athupehnit) jouse Aman aumpi jing ding, chule, Ama a uma Athu umjingna michun athumthum abolpeh dia aseisa ahi (John 15:5-9 simin).

Bible in “I-tahsannau bulpi le kikhonna Jesu lam ve jingin” ati ahi (Hebrew 12:2).

Peter in Jesu avet jing sungin tuichunga lam ajot in, Jesu velouva akeng-ajet avet phat in tuiya alhalut tai. “Pakai, nei huhhingin” tia apen jeng jalin, Jesu’n ahudoh kittai. (Matthew 14:28-30)

Leiset hinkho manlai sung hin, Tahsa le lhagaova dammona, kipalna, lhuhna, hatmona, suhkhel ding atame.  Na chutitengle, taonan ngaidam thumin, panpina thumjin :  “Pakai, nei huhhingin, nei panpin” ti jing in. Chutile, Peter banga nabana namat a na huhhing jing ding ahi.

Christa tahsan jingin, athupeh nit in. Nitinin Bible simin, tao jing jengin. Chule, alungdei hinkho mang jingin.

Pathen in umpi jing tan.