“Pakai ngah jingte
vang chu athau semthah-in umintin; Muvanlai bangin leng touvun tin, lhai jongleur
athau chollou ding; kalsongin vahle jongleu, chollouhel diu ahi.” (Isaiah 40:31)
‘Pakai ngah’ kiti hi, Ama tahsanna, apanpina chanding
tahsan le kinema nga tina ahi. Tahsanna beiyin kinepna aumtheipoi. Kinepna
beiyin thah-hatna, lungnenna le gunchuna aumtheipoi.
Pathen natahsan-le Aman napanpi ding, phatthei naboh ding
kinemin ngah in. Alungdeiyin umin. Bible hi nitinin siminlang, asei hoa chun chonin.
Tanglouvin taojing in; Ama a kingai jingjengin.
Ama
ngah jingte chu Pakaiyin tha-hatna ape’n, tahsan hatna, lhagaova hatna, tahsa
le lunggel hatna jong apejinge. Alhahsamnauva
apanpin, khangtou jing diu ahi.
Natahsan
le Ama a nakingaina le nakinepna chu Pathen in namolso peh jing tahen.
No comments:
Post a Comment