Koihile, itobangin chonse jongle, Jesu-to akimuto khah-le, ‘Pathen Hinna’to kimutoa chang jengji ahitai. ‘Jesu’ kiti amin jengjong hi ‘Huhhingpu’ tina ahin, Amato kimujouse chu achonset le suhkhelna jousea kona Pathen ngaidam changjia ‘tonsot’ hinna chu changji ahitai.
Samaria numeinu jong hi numei kijoh bangbep ahi. Chubana, Juda-te dia thet umtah Samaria mi ahi. Hinla, Jesu’n akimupi phat in ‘tonsot hinna’ chu achangtai. Ama achan phat in, midangho jong agaseipeh in, midang hon jong ‘Jesu Christa’ chu tahsanin akisan taove. Simin, John 4: 3- 42 sung:-
"Judea gam dalhan Galilee lama akile kittai. Samaria gam ajotpa tei ding ahin; Samaria gama Sychar kho koma chu Jacob’in achapa Joseph lou munkhat apehna komahi Jacob twikul um ahi. Sunkim don ahitan, Jesu chu alamjot achol’in twikul koma atouve. Samaria mi numei khat twi thal din ahunge. Jesun ahenga, “Twi don ding neipen,” ati;seijui ho neh cho dia khopi sunga cheuvah ahitai.
numeinun,“Iti Juda mi nangin Samaria mi numei kei koma don ding twi nathum
ham?” ati. (Ijeh-inem itile Juda mi le Samaria mi ima kimangto lou ahiuve).
Jesun adonbut’in, “Pathen thilpeh hen lang chule nahenga, ‘Don ding neipen,’ tipa chu kihet le chun, nang joh-in ahenga thuma, Ama hinna twi pe ta dinga,” ati.
Numeinun, “Pakai, athalna dingla naneipon, twikul ma thuh tah ahin, hinna twi chu hoiya nalah ding ham?Hiche twikul eisempeh-uva, ama jengin jong anadon, achate le agancha ho geiya donsah, kapuu Jacob sanga chung nungjo nahim?” ati.
Jesun adonbut’in, “Koi hileh hiche twi don chan chu dang-chah kit ding ahin,Ken kapeh ding twi dona vang chu dangchah kit louhel ding, kapeh ding twi chu asunga tonsot hinna twinah soh doh ding ahi,” ati.
Numeinun, “Pakai, kadangchah louna ding leh hichan geiya twi thal’ kahung louna din hiche twi chu neipen,” ati.
Jesun ajah a, “Chen najipa gakouvin hikoma hung kit’in,” atileh; Numeinun, “Keiman ji kaneipoi,” ati. Jesun ajah a, “‘Ji kaneipoi,’ nati chu naseidih nai; ajeh chu ji nga jen nanei ahitan, tua naneipa khu naji ahipoi, ” ati.
Numeinun, “Nangma Themgao khat nahi, ti kahetai. Kapu kapateuvin hiche molchunga hin Pathen ahoujiuvin, nang hon ‘Jerusalem muna bou min ahou ding ahi,’ natiuve,” ati.
Jesun, “Numei neitahsanin, nang hon Pa chu hiche molchung jong hilou Jerusalem jong hideh louva nahou theina diu phat ahung lhunge. Nang hon nahet lou nahouvu ahin, keihon vang kahet kahouvu ahi; ajeh chu huhhingna hi Judate lah a konbou ahi.Ijeh-inem itile Pa chu ahou tahbeh hon lhagao le thutah a ahouna diu phat ahung lhungtan, tun hikomah aume; ajeh chu Pan hitobang miho chu bou Ama hou dia ahole ahiye. Pathen chu Lhagao ahin, Ama houten Ama hina Lhagao va ahou mong diu ahi,” ati.
Numeinun, “Keiman, ‘Thao kinu kiti,’ Messiah hung ding vang kahenai. Ahung teng leh ijakai eiseipeh nauvinte,” ati.
Jesun,”Najah a thusei kei hi ama chu kahi,”atitai.
Hichepet hin Jesu seijuite ahungu leh numei khat toh anakihou chu adatmo lheh-un, ahivang in, “Ipi nadoh hiya,” ahiloule, “Hichenu khutoh ibol’a kihou nahim?” tia khat cha aumpouve.
Numeinun atwibel dalhan khopi sunga chen miho jah a, “Hungin kathilbol kachonna jouse eiseidoh peh jeng mi khat hung veuvin, hiche hi Messiah hikhat ding hi tam?” agati.
Miho khopia konin apotdoh-un Jesu henga ahungui.
Hiche kah lah a hin seijuiten, “Rabbi, an nen,” tin a-ngeh-ui.
Jesun, “Nang hon nahet louvu Keiman neh ding an kanei nai,” ati.
Hichun seijuite khat le khat akihouvun, “Mi khattouvin neh ding ahinchoipeh ham?” akitiuve.
Jesun, “Keima anneh chu Eihinsolpa dei bol’a natoh molso ding hi ahi. Nang hon, ‘Chang atna ding lha li aum nalaiye,’ natiji hih-um? Ven najah-uva kasei ahi, khodah-un loujao dung veuvin, agusoh-in aminin a-at phat ahitai. Tahbeh-in atupa le a-atpa akipa khom theina dingin a-atpan tohman akisanin aga tonsot hinaa akhol’e. Hijeh chun khat’in atun achom khat-in a-atji kiti hi adih-e. Ken natoh gim lou nauva at dia kasol nahiuve, midangin atoh gim a atohgauva lut nahiuve,” ati.
Chuche khopi sunga Samaria mi tamtah-in jong, “Kathilbol kachonna chengse eiseidoh peh-e,” tia numeinun ahettohsah jeh chun Jesu atahsantauve. Samaria miho ahungun akom’uva nichong din angeh u leh, Ama chukoma ni ni anichonge. Ama thusei jal’in mi tampin atahsan beuvin,
numeinu jah a chun, “Nangma thusei keova katahsanu ahitapoi, keiho tah-in kajauvin, chule hiche Pa hi Vannoi huhingpa ahi, kahetauve,” atiuvin ahi. "(John 4:3-42)
Jesun adonbut’in, “Pathen thilpeh hen lang chule nahenga, ‘Don ding neipen,’ tipa chu kihet le chun, nang joh-in ahenga thuma, Ama hinna twi pe ta dinga,” ati.
Numeinun, “Pakai, athalna dingla naneipon, twikul ma thuh tah ahin, hinna twi chu hoiya nalah ding ham?Hiche twikul eisempeh-uva, ama jengin jong anadon, achate le agancha ho geiya donsah, kapuu Jacob sanga chung nungjo nahim?” ati.
Jesun adonbut’in, “Koi hileh hiche twi don chan chu dang-chah kit ding ahin,Ken kapeh ding twi dona vang chu dangchah kit louhel ding, kapeh ding twi chu asunga tonsot hinna twinah soh doh ding ahi,” ati.
Numeinun, “Pakai, kadangchah louna ding leh hichan geiya twi thal’ kahung louna din hiche twi chu neipen,” ati.
Jesun ajah a, “Chen najipa gakouvin hikoma hung kit’in,” atileh; Numeinun, “Keiman ji kaneipoi,” ati. Jesun ajah a, “‘Ji kaneipoi,’ nati chu naseidih nai; ajeh chu ji nga jen nanei ahitan, tua naneipa khu naji ahipoi, ” ati.
Numeinun, “Nangma Themgao khat nahi, ti kahetai. Kapu kapateuvin hiche molchunga hin Pathen ahoujiuvin, nang hon ‘Jerusalem muna bou min ahou ding ahi,’ natiuve,” ati.
Jesun, “Numei neitahsanin, nang hon Pa chu hiche molchung jong hilou Jerusalem jong hideh louva nahou theina diu phat ahung lhunge. Nang hon nahet lou nahouvu ahin, keihon vang kahet kahouvu ahi; ajeh chu huhhingna hi Judate lah a konbou ahi.Ijeh-inem itile Pa chu ahou tahbeh hon lhagao le thutah a ahouna diu phat ahung lhungtan, tun hikomah aume; ajeh chu Pan hitobang miho chu bou Ama hou dia ahole ahiye. Pathen chu Lhagao ahin, Ama houten Ama hina Lhagao va ahou mong diu ahi,” ati.
Numeinun, “Keiman, ‘Thao kinu kiti,’ Messiah hung ding vang kahenai. Ahung teng leh ijakai eiseipeh nauvinte,” ati.
Jesun,”Najah a thusei kei hi ama chu kahi,”atitai.
Hichepet hin Jesu seijuite ahungu leh numei khat toh anakihou chu adatmo lheh-un, ahivang in, “Ipi nadoh hiya,” ahiloule, “Hichenu khutoh ibol’a kihou nahim?” tia khat cha aumpouve.
Numeinun atwibel dalhan khopi sunga chen miho jah a, “Hungin kathilbol kachonna jouse eiseidoh peh jeng mi khat hung veuvin, hiche hi Messiah hikhat ding hi tam?” agati.
Miho khopia konin apotdoh-un Jesu henga ahungui.
Hiche kah lah a hin seijuiten, “Rabbi, an nen,” tin a-ngeh-ui.
Jesun, “Nang hon nahet louvu Keiman neh ding an kanei nai,” ati.
Hichun seijuite khat le khat akihouvun, “Mi khattouvin neh ding ahinchoipeh ham?” akitiuve.
Jesun, “Keima anneh chu Eihinsolpa dei bol’a natoh molso ding hi ahi. Nang hon, ‘Chang atna ding lha li aum nalaiye,’ natiji hih-um? Ven najah-uva kasei ahi, khodah-un loujao dung veuvin, agusoh-in aminin a-at phat ahitai. Tahbeh-in atupa le a-atpa akipa khom theina dingin a-atpan tohman akisanin aga tonsot hinaa akhol’e. Hijeh chun khat’in atun achom khat-in a-atji kiti hi adih-e. Ken natoh gim lou nauva at dia kasol nahiuve, midangin atoh gim a atohgauva lut nahiuve,” ati.
Chuche khopi sunga Samaria mi tamtah-in jong, “Kathilbol kachonna chengse eiseidoh peh-e,” tia numeinun ahettohsah jeh chun Jesu atahsantauve. Samaria miho ahungun akom’uva nichong din angeh u leh, Ama chukoma ni ni anichonge. Ama thusei jal’in mi tampin atahsan beuvin,
numeinu jah a chun, “Nangma thusei keova katahsanu ahitapoi, keiho tah-in kajauvin, chule hiche Pa hi Vannoi huhingpa ahi, kahetauve,” atiuvin ahi. "(John 4:3-42)
No comments:
Post a Comment