GOLPHA NEI HI PATHEN DEI AHI

Pathen in mihem hi akivoppi dia sem ahibangin, eihon mihem mama jong golpha ineidiu adei 
ahi. Ajehchu, mihem hi achanga lungmonglou ahi. Hche jeh achu Adam jong chu achanga aum phamo asah a akivoppi dia Eve asempeh ahi. 
Natohna hihen, Pathen houna hijongle eimachangseh sanga golphato itoh diu le Pathen jong ihou khom tengule phatthei eiboh jiu ahi.
Pakai Jesu’n achena ding khopi le mundang dang hoa seijui 72 asol jong chun, mi ni nia kilhonsah in asolin ahi. (Ven Luke 10:1)
“Hiche jong hi kaseipeh nahiuve, nang ho, leiset chunga hi ipithu hile, mini kitohtah a nathum chanu chu, Vana um Ka Pa’n nabolpeh diu ahi” ) Matthew 18:10)

GOLPHA NEI HI PATHEN DEI AHI

Pathen in mihem hi akivoppi dia sem ahibangin, eihon mihem mama jong golpha ineidiu adei 
ahi. Ajehchu, mihem hi achanga lungmonglou ahi. Hche jeh achu Adam jong chu achanga aum phamo asah a akivoppi dia Eve asempeh ahi. 
Natohna hihen, Pathen houna hijongle eimachangseh sanga golphato itoh diu le Pathen jong ihou khom tengule phatthei eiboh jiu ahi.
Pakai Jesu’n achena ding khopi le mundang dang hoa seijui 72 asol jong chun, mi ni nia kilhonsah in asolin ahi. (Ven Luke 10:1)
“Hiche jong hi kaseipeh nahiuve, nang ho, leiset chunga hi ipithu hile, mini kitohtah a nathum chanu chu, Vana um Ka Pa’n nabolpeh diu ahi” ) Matthew 18:10)

Pathen in phatthei naboh nadin midang phatthei boh in

Thu kisei jouse hin tohdoh aneiye. Na thuseiyin mikhat nathat in, na huhhing theiye. Hijeh achu, i-leiyu hi tuhtim dia Pathen in eideiyu ahi. Thuse sanga, thupha seiding. Mi setna ding nasei sangin, miho phatthei bohna joh seiyin.

Miho hi “PATHEN IN PHATTHEI NABOH HEN” ti’n, chutile, min nang jong phatthei naboh a, Pathen in phatthei naboh ding ahi. Bible in eihil’uve –

 “Gancha jouse ……….vahnguithei ahi. Hinla, Lei hi vahngui thei ahipoi. Thuphalou seiya kipeh jing, thina-gu dimset ahi. ‘Lei’ khat ahin Pakai le Pa Pathen aki vahchoiyin, hiche ‘Lei’ mama hin mihem, Pathem lima kisem ho hi aki samse kit e. ‘Lei’ khat a thangvahna le Sapsetna hung doh hi ahilouding dol ahi, sopite.”  (James 3:7-10 )

Pathen in, ‘Lei’ chingtup a, Ama banga thupha le miho phatthei bohna thu seina a mang dia eideiyu ahi. Hinla, eihon kitim jou louvin, miho sapsetna le mi lunghanna ding seinan i-mang lhoijiuve. Hijeh chun, taona a Pathen panpina thum jing ding ngaiya ahi.

Nitinin taovin, na Lei le lunggel-ngaituona jouse chingtup din ngeh in. Na chonset phonginlang, nachonset le seikhel  jouse ngaidam thumin. Chule, Lhagao Theng thahatna a napanpi jinga, thuse sanga thupha – ngailutna, hepina, kipana thu le mite tilkhouna le phatthei bohna nasei jing theina din panpina thum jingin.

Tua pat in, mite phatthei bohna seipan jengin “PATHEN IN PHATTHEI NABOH HEN’ tijin, chutile mihon phatthei naboh diu, hitia chu Pathen lunglhaiya, phatthei naboh ding ahi.

Khantouna din tongin

Lekha simlai le degree sangtah a jo-manin, mihem hi mantheitah akihibehseh poi. Na nahintoh a, nakichuh chu nahinmanchah tengle bou nahung thepcheh cheh ahi.

Lamjot dan itobanga mithem jih hijongle sim in lungchinin neijongle chun, lam chu najot tokahsen, lamjotdan them ponate.

‘Huhhingna’ kisanin, nakisandan iti nasahenlang, miho sanga nasa le kichenin Jesu Christa kimupi jongle chun, athu hi nasei patloule them ponate. Chule, nasei le natohpat loule tahsanna lama jong khangtou ponate. 

Eiho lah a deimo umpen khat chu, houbung lamkai konkhat in, houbung mite hi ‘Muh hup a thilpha bolsah ding’ eitiu hi adih poi. Achesa Pathen-ni nilhah houina kathuseina achun, pastor tampi, le houbung lamkai tamtah umna a kasei chu :

“Lamkai ho, ngaise hih un, miho ‘muh-hup a, thilpha bolsah ding, nunchanpha vetsah ding’ tia thu nasei jingu,  ‘Thu hi sei louva, apha joh bolding, nunchanpha neiding’ tia nasei jingu hi adih poi. Ngatau’vin. Min Pathen’a kipana anei chu aseitei ding ngaiya ahi. Kipana thupha hi imding ahipoi, seiphong teitei ding ahi. Philip in Jesu amu chun, akipah behseh in Nathanael aseipeh in, Nathanael in Jesu ajui-lotai.

Samaria numeinu hi, Jesu seidan hi ivet-le, noti tobang ahi. Hinla, Jesu amua, Christa (Messiah) ahi ahet phat in akipah behseh jengin, Samaria mipite aseipeh in ahile, amahon Jesu atahsan-lotauve.

Peter le John chu Jesu thu aseidiu ajahda peh vangun “Kamu’ule kajah’u (kahet’u) hi seilouthei kahipouve” atilhonin, aseitei tei jeng lhone. Seijuite jouse chu aumthim beiyin, Jesu Christa huhhingna thupha asei sei jengun, athichanun aseiyuve.

Jesu’n asuhdam jouse chun aseiphonguve. Sei hihleu iti Bible jih hon ahetdoh diu ham?

Chule, Jesu athia athodoh kit jouva le vana lahtouva aummasanga asei nukhahpen jong chu Kipana thupha hi “Seiphong leuvin” ati ahi.

Tua eiho lah a mi seisahlouva, thilpha bolsah ding, mipha hi johding’ kiti hi ahithei behseh poi. Min akama miho jah a thilpha aseile, aseichun akantima, mihon jong avetchep’uva, aseto avetkah jinau sanga aseidoh tobang mi hidia agel’uva, hitia chu avetbeh tengule, ama chun nunchanpha, hinkhopha, thilphabol ahin het domdoma, chule hiti chu hung hidohji ahibouve.

Michu iti penthah-tajongle min amilui chuto avetbeh a, chute jing dia chu aboljing sungun michu akisempha theipoi. Ajeh chu, mihem hi thilsem dang ho jouse hito achenkhomna le achenkhompi (environment) hin ipi ahi hi asodoh ji ahi.

Lamkai tamtah hin, aman aseithemlou manin “Pathen thu hi seithem le seingei vang ahipoi. Nun le khan in apohjoh ahi. Asei hi ahithei chanin boldau hitin, atoh le nun le khanin vetsah joute” atiu hi adihnai. Hinla, seiding hi najahda banguva mitampi hin agel ahitai. Hijeh ahi, eiho lah ahi thuseithei jong um behseh lou ahi. Min seiding jong kiphalam cheh ahitauve.

Gospel hi seiphong ding ahi, im ding ahipoi. Mi seiding nakham-le (discourage nabolle), Gospel machal ding nakham ahi. Nati jalou ham?”

Bible in, “Aseiphonga aumloule kon ajah a, ahet ding ham? Min ajah loule iti atahsan ding ham? Thusei kijah akona tahsanna uma ahi” ati ahi.

Pathen thu hi seithem ding angaina tamtah uma ahi. Tahsanna a khangtousa ho lah a seithem angai hih nai. Hinla, mitamtah hi Pathen thu helou le ngaisah lou ahi. Chihna le themna ngaisang jong tamtah iumuve. Hitobang ho lah ahi, naseithem loule ngaijong ngai pouvinte” kati.

Houina ibolu le iseiyu tamtah hi khangthahte hin School, College hoa hiche ho sanga nasasa hi ajah jingu, amujingu, abol jingu ahi. Pathen thu hi adih bang le agilbanga nasei loule, leiset chihna le themna nahinsei houhi, lekhasim hodia nuijat umbep ahi.

Ipidia leiset chihna le themna thu hohi hou-ina hi, aseimo sasauva aseiyu ham? Nupi-upa kikhopna a seileu akhoh poi. Khangthahte umna ahi Bible thu bou seiyute. Vetsahnan, Pathen mingailutna le huhhinga thu -  Iti hetding ham, iti kisan ding ham, iti tahsanna lama khantou ding ham, iti seiphong ding ham; chule, khangluilaiya Pathen natoh, miho koma atoh le asei, Jesu khankho le atoh, seijui hole tuni geiya Pathen thu kilhangsap dan le bolding dan; School, College, University a loi-le-gol, chule, natohna muna tohkhompi le adang dang ho koma iti seiphong ding ham tiho hil’ding ahi.

Pathen thu naseiya, Science thu, Socialogy, Logic, History, Philosophy, le adang nasei houhi, akidangjep seijongleu chun abul nahinseihou chu ajah tengule, alunggel’uva “akijasasa asei hikhu’ tiuvintin, ngaita hihvehtau.

Chusangin. “Abraham chu lekha simlou, ahivanga Pathen-ging, Pathen tahsan ahijalin chihna nasatah Pathen in apen, ateh nungin cha pasal apen, leiset chunga mijouse het le gin, Pathen tahsan jouse dia ‘Pa’ khat ahitai. Abraham min kisumil louding ahitai. Nang jong, lekha simin, sim hih jong lechun Pathen tahsanin, Jesu Christa hi Leng le Huhhingpu din kisanin. Chutile, Pathen in Abraham phatthei aboh banga nang jong phatthei naboh ding ahi” tilechun, khangthah hon, alunguva “akidange, Adih e. Lekha simsan sanga Pathen het hi chihna le khantouna ahi. Hitobang thu hi School,College, University le themjilna mun dang hoa akija poi. Hou-ina hitobang thupha hi jah jing ding ahile, cheche jeng aphai” ati diu, hung jing diu ahi.

Tua kasei sim hohi, houbung lamkai hilouva, khangthah joh nahiuve. Hijongle, nang jong Pathen thu simnom le Jesu Christa huhhingna chang nahitah ding katahsan ahi. Solchah Paul in Timonthy ahilbanga, nang jong nakumlhom gellouvin, Pathen thu simjing nahi jalin, Pathen thu Bible’a um bou hi, Jesu Christa songin le Lhagao Theng panpi kinem in, hakattah in seiyin. Leiset chihna le themna lam sei hi mithem hon angaisah pouve. Kei jong kasei nompoi. Keisanga ‘Degree’ sangjo hon ngainom pouvinte. Iti san le kidanin sei jongleng ngaisah pouvinte. Hinla, Pathen thu hi ‘hingjing, hemto chemjam sanga hemjo” ahi. Adih bangtah le Pathen in eipeh banga gumtah a iseile Athuneipan phatthei abohji ahi.

Keima hinkhoa kamudoh jong ahi. Pathen thu kaseiphong masang chun, katahsanna ahatpoi. Kasei chanin, Pathen phattheibohna kachang jingin, tahsanna lama kakhangtou jinge. Jesu Christa huhhingna thu seiphong hi Pathen phattheiboh channa pipen ahi. Hichu, Lhagao Theng panpina channa ahi. Pathen phattheibohna hi Lhagao Theng  neilouvin akichang tahtah theipoi. Pathen in Jesu Christa mina Lhagao Theng khut a kona eipeh jiu ahi.

Kasei hohi, Computer (Hardware) ahi MS word (Software) manga Keyboard (Hardware) a ka ta’a Internet a kahin thot ahi. Computer(Hardware), MS word(Software)  le Keyboard(Hardware)  hi agoma Computer ahi. Pathen (Pa), Chapa chule Lhagao Theng chu khat (Pathen) ahi. Chule, Internet kiman banga hi Huhhingna changsa tahsan miho hi Pathen in amanchah a Thupha hi aseiphongsah ahi.

Satan in miho nakhang asuhbeipeh ji ahin, Jesu’n vang miho hi nakhang apehji ahi. Chule, Satan in asuhsetpeh hojong asemphat pehthei ahi. Hiche vetsahna chu Getsmani hona imutauve. Peter chun Houlamkaipu chapa nakhang( akol) chu ahinsatlhai. Jesu’n, anakhang(akol) lhasa chu alan, abehpeh kitin, adamsah tai. Hijehachu, Jesu’n, Peter chu Satan manchah ahung hikhah, asunga Satan lutman chu amupaiya “Satan, kamoma konin chen” tia apho ahi. Mihem hochun, alah’uva le Peter sunga alutjap chu amupouve. Jesu vang lhagao mitnei ahijeh in amui. Peter chu “Satan” ati ahipoi. Peter sunga um satan chu “chedoh in” atina ahi.

NBS 12 GENESIS kiti SEMTILBU 1

1 Ati’l chun Pathen in Van le Leiset anasemin. 2 Leiset chu gongso neilou, limbei; chule  amai thuh-tah chunga Muthim uma ahin. Chule  Pathen lhagao chu twipi chunga ana kilap-lelea ahi.  3 Chu-in, Pathenin, “Vah umhen,” atile, Vah aumtai.  4 Chule, Pathen in Vah chu amu tan, apha in ahi; chule Pathen in Vah chu Muthima kon chun akhendoh tai. 5 Pathenin Vah chu “Sun” asah-in, Muthim chu “Jan” asahtai. Hitia chu, Jan le Sun teni chu nikho masapen ahung hitai.

 VETCHILNA

 1 Ati’l chun Pathen in Van le Leiset anasemin. (In the beginning God created the heaven and the earth.)

GEL :  ‘Van’ le Leiset’ hi ‘Pathen’ sem ahi, ‘Pathen’ hi ‘Van le Leiset-Sempa’ ahi.

 2 Leiset chu gongso neilou, limbei; chule  amai thuh-tah chunga Muthim uma ahin. Chule  Pathen lhagao chu twipi chunga ana kilap-lelea ahi ( ² The earth was without form, and void; and darkness was^[a] on the face of the deep. And the Spirit of God was hovering over the face of the waters.)

GEL : Pathen hin thil asem hohi avetchiljia,chutengle bou aban ipi ahiding agela-abolji ahi. Pathen hin athilsem hohi  ‘avechil – akholchil’ le ‘avetjing – achinjing’ ahi.

Kei jong Amasem kahin, eivetchil –eikholchil jing le eivetjing- eichinjing ahi. Chule, ajouteng ipi kahiding jong tua ka umdan amua kona bou hi agela abol ding bou hinte.

 3 Chu-in, Pathenin, “Vah umhen,” atile, Vah aumtai.( ³ Then God said, “Let there be light”; and there was light. )

GEL : Pathen hin thupeh-thusei aneitengle aseibanga umdoh jeng, athusei thonlou le tohdoh neiteiya ahi. Keijong “chutihen” eitile kahijeng ding ahi.

(Pakai, Nang kahetai. Thiljouse Sempa, ka Pathen, mijouse Pathen nahi. Naseisei hijenga, thunei chungnungpen nahi. Tuhin, keijong hi “mipha, thilpha bolthei, Ka loupina phongdoh thei hihen” neiti jeng in. Chutile, hijeng ding kahi. Ka Pakai Jesu minin. Amen.)

 4 Chule, Pathen in Vah chu amutan, apha in ahi; chule Pathen in Vah chu Muthima kon chun akhendoh tai..( ⁴ And God saw the light, that it was good; and God divided the light from the darkness.)

GEL : Pathen hin athilsem hohi aveta, aphat le aphatlou akhol ahije. Vah le Muthim hi koikhom louva, akoikhen jeng ahi. Achutile, Vah a um le Muthim a um jong khenintin, Apha le ase jong akhen teiding ahi.

 5. Pathen in Vah chu “Sun” asah-in, Muthim chu “Jan” asahtai. Hitia chu, Jan le Sun teni chu nikho masapen ahung hitai.  ( ⁵ God called the light Day, and the darkness He called Night. So the evening and the morning were the first day.)

GEL : Pathen hin athilsem hohi achom choma akhena, min chomchom asah ahibouve. Ahile, ipidia ‘Vah’ le ‘Muthim’ hi min-ni gel  asah ahitadem? 

(Pakai, Nathu ho le Nathilgon hi keima din het ahahsai! Keima hetdia naphal ahile neihetsah in tia katao ahi. Hinla, kahet dia ngailou ahile nangma thu hihen. Ei Huhhingpu ka Pakai Jesu minin, Amen.)

Hetding :  Thiljouse sema Pathen ahi. Mihem jong ama sem ahi. Hinla, mihem in Pathen thupeh nitlouvin athubep in asempa donlouvin chonset hinkho amang tai. “Pathen chu ‘Vah’ ahi. (1 John 1:5). Pathen umlouna chu ‘Muthim’ ahi.

Mihemte chu Pathen umlouna mun a aumun, anop-aningin Pathen helouvin aum tauve. Hinla, Pathen in muthima um amite chu aching jinge ( muthim aop khume). Khattouvin, Pathen ahinhol tengle Pathen in ataonau asa’na ‘A umpi ji ahi’ (Vah ahung umtai). Hijeh achu, John in Semtila um ‘THU’ (Jesu) chun munthim salvah din ahung in, muthimin ana sangpouve. Hinla, Ama anasang jouse chu Pathen chate (Vah chate) hitheina apetai” tia John bung 2na ahi asei ahi.

Hitia, Jesu sang hochu Pathen Vah chun Jesu Chtista.

NBS 11. BIBLE SIM KITHOPI

Bible hi Genesis 1:1 apat simin. Acheng le athugol khat in ipi aseiham hetding tup in. hetthemna napedin Pakai koma taonan ngeh in. Keima simdan noiya kapeh bang hin simin. Chule, hitia kabola kona Pakaiyin hettheina eipeh banga hi nang jong napeh ding ahi. Kinoa sim hi moh hetna bou ahin, manchahtheiyin akihetheipoi.

Hiche bana hin napanpi din themcha hilchetna tobang kapei. Hiche hi nasima, taona-to natho le Pakaiyin Athugil hetdoh theina le manchah theina napeh ding ahi. Hettheina, nittheina le manchah theina napedin Pathen henga tao jingin.

NBS 12 GENESIS kiti SEMTILBU 1

 (NKJV)

1 Ati’l chun Pathen in Van le Leiset anasemin. 2 Leiset chu gongso neilou, limbei; chule  amai thuh-tah chunga Muthim uma ahin. Chule  Pathen lhagao chu twipi chunga ana kilap-lelea ahi.  3 Chu-in, Pathenin, “Vah umhen,” atile, Vah aumtai.  4 Chule, Pathen in Vah chu amu tan, apha in ahi; chule Pathen in Vah chu Muthima kon chun akhendoh tai. 5 Pathenin Vah chu “Sun” asah-in, Muthim chu “Jan” asahtai. Hitia chu, Jan le Sun teni chu nikho masapen ahung hitai.

VETCHILNA

 1 Ati’l chun Pathen in Van le Leiset anasemin. (In the beginning God created the heaven and the earth.)

GEL :  ‘Van’ le Leiset’ hi ‘Pathen’ sem ahi, ‘Pathen’ hi ‘Van le Leiset-Sempa’ ahi.

 2 Leiset chu gongso neilou, limbei; chule  amai thuh-tah chunga Muthim uma ahin. Chule  Pathen lhagao chu twipi chunga ana kilap-lelea ahi ( ² The earth was without form, and void; and darkness was^[a] on the face of the deep. And the Spirit of God was hovering over the face of the waters.)

GEL : Pathen hin thil asem hohi avetchiljia,chutengle bou aban ipi ahiding agela-abolji ahi. Pathen hin athilsem hohi  ‘avechil – akholchil’ le ‘avetjing – achinjing’ ahi.

Kei jong Amasem kahin, eivetchil –eikholchil jing le eivetjing- eichinjing ahi. Chule, ajouteng ipi kahiding jong tua ka umdan amua kona bou hi agela abol ding bou hinte.

 3 Chu-in, Pathenin, “Vah umhen,” atile, Vah aumtai.( ³ Then God said, “Let there be light”; and there was light. )

GEL : Pathen hin thupeh-thusei aneitengle aseibanga umdoh jeng, athusei thonlou le tohdoh neiteiya ahi. Keijong “chutihen” eitile kahijeng ding ahi.

(Pakai, Nang kahetai. Thiljouse Sempa, ka Pathen, mijouse Pathen nahi. Naseisei hijenga, thunei chungnungpen nahi. Tuhin, keijong hi “mipha, thilpha bolthei, Ka loupina phongdoh thei hihen” neiti jeng in. Chutile, hijeng ding kahi. Ka Pakai Jesu minin. Amen.)

NBS 10. JESU VAN TICKET AHI

Mipha nahiman, thilpha nbolman, Pathen thu, Bible nahetmana Van-gam luttheiding nahipoi. ‘Ticket’ ngaiya ahi. ‘Van-gam ticket’ hi ‘Jesu Christa’ ahi. Bible paovin ‘Van-gam jotna Lampi’ akiti. Tulai paova hetbaipena seidia ‘Ticket’ ahi. Tulai chapang ho koma ‘Jesu hi Van-gam Lampi ahi” tilechun, Jesu chu ‘Road’ tobanga ageltheiyu ahi. ‘Ticket’ tilechun ahet-bailet diu ahi. Bible pao kakhel ahipoi. Hetbaina dia kahilchet ahijoi.

Tulaiya hetbaidin kiseile : “Jesu’n aseiye “Keima  Atah{ Pathen tahbeh khatseh( Trinity aum)}, chule, LAMPI ( Van-gam  Ticket), chule, HINNA ( Pathenna tonsot hinna) chu kahi. Keiya kon (Keima hi Huhhingpu le Pakaiya einei) tailouvin koimacha Pa kom (Van-gam) a ahungtheipoi” ati” (John 14:6)

Nitin Bible Sim 6

NBS 6. KIGELINNa pa, nanu thu naseithei jinga, Jesu hi Pa a naneiya, ‘Pathen cha’ hija nakikoile, na Pa thu naseitheilou ham. Ole, napa chuto nakinailou ham? Koicha nahi nakihetlou, napa nahetlou ham? Ole acha nahilou ham?

 Tuhin kigel’in. Jingtenga din koi hih in. Tutah hin kigel lhuhna neiyin.

NBS 7.Keivang, Jesu ngailutje katheplou vangin, Ama ka Pa ahin, eingailut hi kahettah jal in Athu hi seithem, sei ngeithei hih jongleng kaseinom nom jenge. Neikhop jong leuchun kaseinomnom jeng, seiding kahethet jeng ahi.Them neisahih jongleu chun, neiseisah chanuva kasei nom nom jeng ahi. Kaseichanin kakipah cheh cheh in. Eiseisah jouse chu mipha kahisah in, kasei eingaipeh jouse hi eingailua kahisah in, amel jong kamu nomnom jenge. Phatecha, Jesu thu kasei eingaipeh peh jeng hohi amelu kavetvet teng Jesu mel kahisah jengji.

NBS 8. BIBLE SIM LE TAO

Pengthah inlang pengthah hih jonglechun, Bible hi nitin in simin. Abulapat, ajonagei simchaiyin. Nasim seh-le Bungkhat, ahiloule thupi khat sung bou simin. Phat naneisot-le, nasimsa chu vel simin. Nidan khatbeh kikah louvin, aban machal hih in. Nidan khat beh jouva, ahiloule ajing ham tengle bou nasimban machaljin. I-lhoh’uhin ahetden nadia athem thema khumlut aphapen ahi.

Hijehchun, nitinin Bible hi simteitei ding ahi. Chule, Bible nasimteng taona neiteiyin. Lhagao thu ahi jeh a, Pathen lhagao kithopina thuma, hetthemna le lungchinna neina ding, chule, athu nitna ding le manchah theina dia panpina thum jing ding ahi.

Pathen in Ama-to ikihouna diuva ei gonpeh’u chu Bible sim le Taona hi ahi. Bible a thu hohi Pathen thusei ahin, nasimtengle Pathen in nakoma thu asei ahi. Taona namantengle, nang in Pathen nahou, Akoma thu nasei ahi. Hitia, Pathen in nakoma thu aseiya, nangin akoma nasei chu nakihounau ahi.

Taona lolhinlouna tampi hi, nangma kijet in nadei ho Pathen koma naseiya, Ama naseisahlou ( tichu Bible nasimlou) jeh ahinomji.

‘Kihou’ kiti hi, eiman jong seiding. Iki houpipa jong chun aseiding. Chule, angaiya jong pan gelding. Hichu ‘kihou’ (conversation) ahi. Khat keoseh in asei chu kihou ahitheipoi.

NBS 9. THILPHABOL LE HUHHINGNA

Huhhingna hi mipha himan, thilpha bolvanga le Hou ngaisah vanga chanthei ahipoi. Hinla, Pastor le Houbung lamkaiten thilpha boldia eihil banguva bol jong ngaiya ahi. Ajeh chu, thilpha boljing, Houin kaijing, houva kipesa,Somakhat le tolom tohjing hohin tohga, kipaman san ding aneisau ahitai. Chule, Houin kai jing hochun Pathen thu ajajingin huhhingna akisan bailet theiye. Akailou chun iti ajah a huhhingna aakisan thei ding ham? Ahahsai.

Nitin Bible Sim (NBS)

1.Bible hi Pathen thu ahi’n, Achaten asimuva, Asempau lungdei ahet’uva,hinkho jong lolhing le kipah amantheina diuva Pathen eipeh’u ahi. Chule, Christian khat nahija, lekha simthei nahi nah nah-le Bible hi Genesis 1:1 apat in Revelation (Thuphon) 22:21 gei hi simteiteiyin. Chutile, thu hi naseithei, nanitthei le namanchahtheina ding, chule, Ama a hinna naneina dia Pakaiyin napanpiding ahi.

NBS 2.Pathen thu hi nadeilailai keu sima hetthemding le seithei dingin kigel hih in. Chule, Pathen thu hi lhagao thu ahi. Lhagao Theng neilouvin thu aseile miten hinna amutheipouve. Hinla, nasim-le lekhadang le thepna dang hetbangin beh hennatin, hinna jong nakimudoh thei ahi. Hijeh achu, Bible hi sim mongmong jeng ding ahi. Seithei ding, seithem ding jong ahi. Abula pat ajonagei nasimchaile seitheina le seithemna Pakaiyin napeh tei ding ahi.

NBS 3.Mitamtah hi min thuseiya agot-le,seiding ahepoi. Lamkai tahtah jeng jong “Kakigo manpoi” atijiuve!

Kapa, kanu le kaji- kachate thu kaseina dia kakigot ngaiyam? Athu’u seiding iti kahetda ding ham? Eingailutdan’u le ken kangailutdan iti kaseithei dading ham? Sethei maimai hilouva, seiding kahet dandan, abua semding hile abu lenval jeng ding ahi. Kaseithem ding dandan………….

Ka Pathen, ka Pakai,ka Huhhingpu thu le eingailut dan iti kaseimoding ham? Athu kahetloule  Ama kahetlou, kiguijoppilou,kakivoppilou hijeng lou ham?

NBS 4.Jesu Christa tahsanna, Huhhingpu le Pakai dia kisan hochu ‘Pathen cha’, ‘Lhagaova Peng’ ‘a pengthah’ ‘Huhhingna chang’. ‘Huhhinga um’, ‘Huhhingna kisansa’, ‘Christian’, ‘Kouchom’, ‘Lhenchom’ kiti ahi.

Napa, Jesu Christa thu seina dia kigot nangaisah nahlai ham?Aseidan them chu thuchom ahi. Napa ahitahbah-le, athu seiding tamtah nanei ding ahi.

Ole, ahija nakikoi vanga, ahiloulai nahi jeng ham? Tuni kigel in. Chonset thaneina kituhsahsah hih in. Nang le nang kilhem hih in. Thithut jeng thei jong nahi kihet in. Moh in, jouvin nang le nang kilhem lhem hih in. Lazar le mihaopa kiseina a mihaopa damuna akisih chu gel jingin. Damun nalhuntengle iti kisih jong lechun phachom taponte. Moh kigumsah hih in. Mei kahvamlel hidin kigel hih in. Thina hin jolel aneipoi. Chonset (satan) thahatnan mihem koima ajolel aumpoi. Jesu Christa, Pathen thahatnan bou ajo ahi. Ajoupa Jesu Christa chu nanei ngaiya ahi. Chutile bou, chonset thaneina najopeh ding ahi.

NBS 5. Satan in aloiho le avantil jouse akhop khomin, kihouna ‘inpi toukhomna’ aneipitai. Satan adingdoh in, chouna thu nasatah in aneitai –

“I-atile mihemte hin Jesu Christa akisansan jengu ham? Nanghon ipi nabol’u ham? Iti miho hi nachintup joulouvu ham? Ipidia hitia hi Jesu koma jamlut lut jenguva ham? Ipi ibol diu hitam? Tunia gachea, mihemte  gajollhading, gatuhtang ding koi na-umu vem? Nache tengule, iti bolleu chun tuhtanginge tia nagel’u vem? Naboldan diu khat khat in seiyun” atitai.

Help Others Find God

One of the greatest things we can do in life is helping others, and the greatest way we can help someone is to help them find God.  The greatest need all have in life is to know God, our Creator.  We can know God and have a relationship with God  by receiving Jesus Christ as personal Lord and Saviour. In fact, the whole reason Jesus came to earth was to help lost people find God. He said, “It is not the healthy who need a doctor, but the sick. I have not come to call the righteous, but sinners” (Mark 2:17). 

Jesus is the only cure for sin and separation from God. You just tell them that they can be forgiven of their sins and have a relationship with God by trusting Jesus as their Savior. You can give them this promise from the Bible:

 “If you declare with your mouth, ‘Jesus is Lord,’ and believe in your heart that God raised him from the dead, you will be saved” (Romans 10:9).

{ Or give them guide books or http://ablessedlifeinjesus.blogspot.in/p/guidefornewbelievers.html, and others.  Subscribe my site http://ablessedlifeinjesus.blogspot.in/ through email that you can use them. Your aim is not to mould others with your idea but spread the Gospel. So, it is good to follow experience people as I do. Just edit them with some changes to suite your targeted readers and post them. If you post any without change, give credited to the author or the source.}

You may find difficulty to share the Gospel at first. But you will be help by God only if you start doing it. It is the best to tell them your testimony of what Jesus has done for you. The Holy Spirit will work in their hearts as tell them about what God did for you.

1. NGAILUT

Ngailutna hi ‘ahinga’, ‘achatthei’, ‘natongthei’ ahin, umthim-behbeh ahipoi.
Gollhang khat in nungah khat ‘ka ngailut nahi’ tihenlang, angailutna chu imachan vetsah thei hih-le a ‘ngailut’ ahipon, ‘adei’, ‘hoi asah’ bou ahijoi.
‘Ngailut’ hin thu aseiye. Gollhang in nungah angailut-le ‘ angailut chu aseipeh ji. Akama aseilou jongle ‘anun in seiye’. 
Nungah hohi, sih-mihon nam ajahbai banguva, ‘ngailutna’ hi anam ajahlet jeng’u, amatdoh-let jengtheiyu ahi. Gollhang tampi umjongle, koichun angailut ham ahetlet jengu ahi. Kama sei ngailou, anuna ahetdoh jengu ahi. Gollhang hodia ki-chat umtah hiuva ahi.
amel amua, akoma aum jeng jongle ‘kipana anei’ chu anuna hetdohthei hiding, mihon ahou dan’u le aman ahoudan jong danglam jep ding ahi. Mihon, nungahnu chu ‘i-machan gel hih jongleu’ angailu- gollhangpa vang chun ‘jana le lungsetna’ giltah aneiyin, moh mai maiyin jong ahou jipoi. Hitia, gollhangpa nunchan jouse hin ‘tohdoh’ anei ahi. Athil dei le adudu achohpeh ding tina ahipoi. Anun in, angailutna chu avetsah ahi. 
Mipa khat in achate angailutna chu natoh in avetsah e. Adonin, avechingin, kichat-tijatna akonin ahongbit in. Adamna diu abolpeh in, angaichat ho abolpeh in, aseilene.

CHONSET IN PATHEN LE MIHEM AKHEN

             Pathen in mihem hi achenkhompi, akivoppi dia anasem ahin, angailut dehset ahi. Thiljouse asemjou phat in, akhuttah in mihem, ama limlo in asemtai. Hitia, mihem asemteni- Adam le Eve – chu honsung khat, Eden hon kiti sunga chun akoiyin, phatthei aboh in “hingpan, pungun “ ati. Chule, athilsem jouse chunga thuneina le vaihomna jong apen, honsunga thingga jouse, chujongle, ganhing jouse, sa le nga, ju le va jouse jong anna aneh lhon din aseipeh tai.

             A ngailut jeh in, mihem chu chamlhatna le deilhentheina jong apehthai - Anop le Pathen thua chonthei, anoploule Pathen deihilouva amadeijoh’a jong chonthei ahi. Hiche chamlhatna chun dankhat aumin, hichu - honsunga thingga le louhing namkim, juleva jouse,sa le nga jouse chu anehthei lhondinga peh ahi lhone. Hinla, ‘se le pha hetna’ thingga vang chu anehthei lhon loudinga Pathen in anateppeh ahi. Hiche ‘se le pha hetna’ thingga vang chu aneh lhonle thijeng din Pathen in aseipeh tai(Genesis 2:16-17).

            Adam le Eve chun ‘chamlhatna’ kipe chu ana mangkhel lhontai. Pathenin “Neh louding” atichu anelhontai. Hitia, Pathen thupeh apalkeh lhonna chu ‘chonset’ kiti ahin, hichu Pathento kikhenna ahitai. Chonset abol lhon jeh in Pathen in anodoh in, tonsot’a din Pathento akikhen lhontai(Genesis 3:22-24). Hichea kona chu, mihem khat Adam chonset jeh achu Bible in, “ Mikhat jeh a leiset a chonset hunglut a, chonset jeh a thina hung um ahi. Chule, hiche jeh achu, mijouse thina hung umdoh ahitai, ajeh chu, mijouse chonse ahitai.” (Romans 5:12 )

  “Mijouse hi chonse ahitan,Pathen loupina chu changlel ahitauve” ati ahi (Romans 3:23).  tia asei ahi.

Jesu hi midang peson in

Pathen in mijouse hi kibang cheh in angailui. Vannoi pumpia mijouse angailut ahi.  “Mijouse huhhinga aumdiu le thutah ahetdiu” adeiyin (1 Timothy 2:4).  “koimacha amathah ding anompoi” (2 Peter 3:9). 

Hiche banga hi, eiho Pathen ngailutna changsa hohin, Pathen mingailutna hi neiya mijouse ingailut diu angaiye. Huhhinga aumna diuva itaopeh diu”(Romans 10:1), Pathen ngailutna thu iseipeh diu, “Ama seijui bangin kilang’ute” (John 15:8)

Pathen thu le Ami Huhhingna thu hohi Internet, face book hoa ahin, miho simnom nom ding lamin jihlut’u hitin. Pathen hi amudoh’uva, angailutna ahetdoh na diuvin taopeh jingute.

Chule, hinkho iman dan’uva hin Pathen ngailutna nei ihinau kilah sah’ute. Bible in eihilu chu  ”Atahsanlou miho lah ahin chingthei tah in umutin, phat gomkom hohi ajechan, aphacom din mangchau hite. Na houlimna ho chu lungset um le ngainom um hihen, chutile, mijouse santhei nahiding ahi.” (Colossians 4:5-6)

Christian khat hi’na a Pathen ngailutna thu hi  midang ho,adeh a  ingailut tah hou iseipeh diu ngaiya ahi. “atahsanlou ho lah a hi hinkho theng imandiu ahi. Chutile, thilpha ibolhou amudoh’uva Pathen athangvah thei diu ahi” (1 Peter 2:12). 

Pathen thu hi adingdol cha ihiltheina diuva Lhagao Theng kaihoina hi taonan thum jing’ute. Eima deideiya bol hilouva, Pathen deiya bol ihina diuva Lhagao Theng chu thum jing ding ahi. Chutile, “ mingol ho bang hilouva aching ho banga phat gomkom jouse hi iman them diu ahi”. (Ephesians 5:15-16).

TAO’UTE :  ”Vana um ka Pau, ka Huhhingpu le ka Pakai Jesu thudol miho seipeh theiya neipanpi jalin kakipah e. Na lampi ho juithema, nangma-to hinkhomna lama pilhing din neipanpin. Pathen Lenggam (Matthew 28:19-20) hi keh machalna din nei mangchan, Jesu minin, Amen.”

Kipana thupha thejal in pangin

Jesu Christa tahsan jouse, angailutna thupha homjal dia nganse ihiuve (Matthew 28:18-20). Mijouse vang Pathen thu lhangsam le mission natong (full time) in i-kon thei pouve. Pathen thilgon, tohdang ho jong toh angaiye. Hinla, Pastor, Evangelist hokeu nganse ahipouve. Ama ho keu i-nganseule, Kipana Thipha’n vannoi alosoh ding hahsa ahi. Eiho tohdang tong hon jong pan i-lahdiu ngai ahi. Pathen thu thejal in pan i-lacheh theiyuve.

Hetding chu, imacha nei le bolthei masah angaipoi. Jesu Christa natahsan’a Leng le Huhhingpua nakisan ding bou chu thupipen, amsapena ngai ahi. Jesu’n “Amasan A Lenggam le Achonphatna hol masauvin” ati ahi. Jesu nei chu ‘A Lenggam muna ahin, Jesu neiya kona bou Achonphatna’ chu min aneithei ahi. Jesu Christa Leng le Huhhingpu in nei masan.

 Chule, Anatong dia nanop ding chu thupipen khat akikit’e. Thil le Sum nanei masah, le, tohnathei nanei masah angaipoi. Tohnomna nanei poupoule, Pathen in natohtheina din phatthei bohtanate. Nom phot in. Lei le van le asunga umjouse Sempa chun, Akin nabolna dia ipi hijongle – Sum, nei le gou dang, chihna, thepna, haona le hatna, damna, angaichan napehthei ahi -  tahsanin. Nalunga nanop a, Pathen koma nalhut masah chu ngai masa ahi. Pan la’a chu Pathen in  apanpiji ahi.

Abaipen le phapen khat chu –

1.       Mobile a nitinin na insungmi, loi le gol, tahsan le tahsanlou mi natohkhompi ho Bible thu hi thot jingin.

2.       Lekhabu neocha cha a Pathen thua huhhingna thu hi jih a ( Bible track) hopjal, Pathen thu kijilna lekhabu (athem ho jih) tadoh le hopjal hi ahi.

3.       Internet – blog, website, facebook, email le adang hoa Pathen thu hopjal ahi.

Thil jouse sema Pathen ahi

            Lei le van le asunga thil-kisem umjouse hi Pathen sem ahi tihi Bible in hin kichentah in eiseipeh’un ahi (Genesis 1:1-25 ven). Pathen in Mihem tailou, Athilsem dang hohi “umhen” atile hung um jeng ahi. Mihem vang hi  akhuttah a, Ama limlo’a anasem ahi (Genesis 1:27). Deichomtah le ngailutna neitah a asem ahijehchun, kho-hetna le thaneina, deilhentheina jong anapehthai. Vangset umtah chu, hiche deichom achanna, chamlhatna achan chu mihem in amangkhel in, ‘bol-loudia’ Pathen in asei chu bol’in gentheina le hasatna aki-loikhumin, tonsot’a dia gentheina, ka le lhisona, thinagei akilamdoh lotai.

Tao dia temna

2:1 Amasapen’a ka-ngeh nahiuve, thumna le taona, midang tao-pehna chule thangvahna ho mi jouse dinga,leng ho le thunei vaihomte din neiyun, chutile Pathen ging le gun che na puma chamdel le lung mongtah a hinkho iman thei diu ahi. 3 Hichu eihuhhinguva Pathen mitmua santhei thilpha ahi. 4 Pathen chun mihem jouse huhhinga aum’a thutah hetheiya ahung um diu hi adeiye. 5 Pathen khatseh ahin, Pathen le mihemte kah a palai jong khat bou ahi- Mihem Jesu Christa chu.

6 Ama chamtah-in mi jouse lhatdoh nan ahung kipen, hettoh-sahna chu aphat cha umdoh ahi. 7 Hiche dinga hi aseiphong dingle solchah dia eikipansah ahi- tah ka-sei ahin, jou kaseipoi, thutah le tahsan thua chidang namdangte hil’a pang kahi.8 Hichejeh chun muntin’a pasal hon lung hang louhel le kinel bao-tam louhel’a khut theng dom’a atao diu kadeiye. 9 Hitobangma chun numeiho jong nihchen ponsil dol’in gingkhen le chingthei tah-in amaho tah kivon’u hen; sampheh hoi le sana ham, twikohchang ham, ponsil hoi ham, thil mantam pen ham a kijem louvin,

Daniel hinkhoa Pathen loupina kiphongdoh

1 Leng achan kal kum ni nan Nebuchadnezzarin mang aneiyin, alung gimpi behseh jal’in ihmu mon aumlo tai. 2 Hijeh chun amang ledoh peh din phunsan themho, mitpheldoi themho, ailhim themho chule ahsi umdol hethem ho kou din mi asoltai. Ahung phat’un amaho hi lengpa anga adingtauve. 3 Ajah-uva lengpan, “Mang khat kaneiyin, kalung gimpi lheh tai; ipi kiseina ahiding kahetdoh nom lheh jenge,” ati.

4 Amahon Aramea paovin, Lengpa hingsot’in! Namang neihil’un keihon hilchen nauvinge,” atiuve. 5 Lengpan ajah-uva, “Kasei hi thon ngailou ahi-kamang hi abang banga naseidoh-uva chule ipi kiseina ahijong naledoh tha diu ahi. Hiche hi nabol thei louvu le natel nadah a kajen’uva, na-in jouseu acheng bei in-gem a kijam ding ahi. 6 Kamang naseidoh theiyuva ipi kiseina ahijong naledoh thei vangule thepman tampi peuving ting, ginle japen a kakoi ding nahiuve. Tun kamang chu itobang hiya, ipi kiseina ham seidoh-un hilchen loiyun!” ati.
7 Amahon lengpa jah a, “Lengpan mang chu neiseipeh pou pou leu chun ipi kiseina keihon hilchen tauvinge,” ati kit’ui.
8 Hichun lengpa a-eojah jengin, “Kagel bangbep nahiuve ong! Kaseisa khel ngailou kahi nahet jeh-uva phat sot sotna ding nagel’u hiya hime! 9 Mang hi naseidoh dauva ipi kiseina ahi naledoh thei lou pou pouvu le kibang cheh a talen kapeh ding nahiuve. Phatsot sot teng kalung kakhel ding kineppia kihoutoh a jouthu jenga neikihoupiu ahi. Kamang chu ipi ahi seidoh tang um! Chutile nale thei diu jong kahet ding ahi!” ati.
10 Thumop a pang hon lengpa jah a, “Lengpan nahetnom seidoh thei ding chu leiset pumpi chunga hin koima cha umponte. Leng itobang hihen, thahat tah, leng loupipenin jong hitobang thil hi aphunsan ho hihen, mitpheldoi themho hihen, ahsi umdol hethemho hileh-koima adong ngaipoi.11 Lengpan nadoh hi ahahsa behseh jengin, mihem lah a cheng lou pathente ahi-ngal loule, koiman boldoh theiponte,” atiuve.
12 Hitah chun lengpa alung hang behseh jengtan, Babylon gamsunga leng inpi thumop them jouse thagam din aseitai. 13 Hiti hin thumop them jouse tha din thu alhutan, hiche lah a hin Daniel le aloite jong apangtauve. 14 Mithat dia nganse, lengpa vengtup sepai lamkaipa Arioch koma hin Daniel achen, sei ding thu kigel toh dim demin agalut’e. 15 Aman hitobanga lengpan thu hahsa tah alhuhsah jeng thudol chu Arioch hi agadongtai. Arioch hin thilsoh umchan abonchan Daniel aseipeh-in ahi. 16 Daniel jong achepai jengin, phat chom khat angauva aman lengpa mang chu ipi kiseina ahi ahil chet din leng inpia konin phalna agaladoh tai. 17 Hichun Daniel a-in lama achen, aloite-Hananiah, Mishael, chule Azariah chu thilsoh chengse agaseipeh tai. 18 Ajah-uva van Pathenin selguh mang chu ipi hiya ipi kiseina ahi ahilchet’uva, Babylon gamsunga mithem miching ho to akitha tha louna diuva tao jing din aseiye. 19 Hiche janle le hin mang selguh chu Daniel koma gaochanna konin akiseidoh tan, hijeh chun aman jong Pathen vahchoi nan la asan:

Jesu nei chonset jona

            Taona hi thilbolthei, thahattah a natongtheiya Pathenin phatthei aboh thei ahi. Hichu, tahsan jala umji ahi. Pathen thua TAHSAN kiti hi hinkhoa dia ngaikhoh-ten ahi. Chule, tahsan kiti hi ‘apumpia nganse le kingai, eima kisong talouva, Pakai nganse jeng, Ama bou son’a, eima hina jouse pehdoh jeng’ tina ahi. Pehtheng, pehdoh, kipehdoh hi ngaikhohten ahi. ‘Katahsan’e” tia lungdon, lungjina, panlahna neijing chu tahsan lhing ahipoi.

            Kaneva pat in Pathen le Huhhingpu Jesu Christa katahsan’e. Hinla,imabehseh kahitheipoi. Houbung lah a nasatah in kapangin, hinla, mahthah kom jong aumjitai. Ka dammoa hahsatna kaneiya kalungdon khonteh phat in, Jesu kakou gunset in, Ama thuthu din kaki pelhatai. Hichea kataona chu noiya bang hi ahi -

“Pakai, kaneova pat in nang katahsan in, nanga kahi kahei. Tun hitobangbep hi kahitai. Kaboina- kahahsatna jouse nahei. Nathuthu kahi. Hinding- thiding jong nang thu ahi. Nakoma kahung ding le damuna kache ding jong nang thu ahi. Ka kingaina nang nahi. Natiti chu himai tange, Pakai, nakhut a kahinna kapei” katitai.

Hichun, Pakaiyin, eihil panin, tunigeiyin eipuijinge. Hijehachu, ‘kipehtheng, kingap lhah’ tihi angaikhohna hi kamudoh tai. Ka lungjin kom jongle, Pakaiyin, “Lungdong hih un, Pathen natahsanui, Kei jong neitahsan’un” tia John 14:1 ati hi eihin geldohsahji’n, Ama a kakingam jitai. Hitichun, ol olin kalungjinna ahungbei domdomin kasumil jitai. Nang jong hitichun bolin. Pakaiyin eipanpi jing taohen

            I-atile, mihem hi chonset thaneina noiya umjeng ham?

            Asemsa mihemte hi Pathen in angailut a, kipahtah le lolhingtah a hinkho aman ding adei ahi. Hinla, hitia a-um ding chu Agiloupa hi nomlou ahi. Agiloupa’n ahinpohlut chonset jeh a mihemte hin hahsatna tincheng i-tolou ahibouve!

            Ipidia, Agiloupa chun hitia chu mite abol ham?

            Ama achantheilou jeh a, eiho chan ding jong nomlou, avetlel jeh a eisuhmo jiu ahi. Ajoujai vang, kahepoi. Pathen thu hi aboncha hetding mihem dia ngaidehlou ahi. Pakai Jesu’n eihuhhing nau thu het’a, Ama a hinna chu chana, akina panthei ding, hichu eiho hinkhoa jong kipana le lungmonna, tonsot geiya Amato chenkhomna dia kinepna ahijoi.Pathen le aumdan jouse nahet a ipi jong nabolthei ding ahideh poi. Aman eisem’u ahin, Ama a ihiuve.

            Ahcha’n apinu le ahidan ahet’a ipi aphatchompi deh ding ham? Apinu’n ajen banga auma, apehpeh kipah a aneh chu amadia phaset ahi. Ahcha bon apinu sem jong ahipoi. Eiho vang eisempauvin eidon’u ahinai. Ama imutheipouve. Hinla, phat khat in Ama mite mutheiyin leiset a ahungin Mihem min neiyin ‘Jesu’ akisah in Pa, Chapa le Lhagao Theng thu ana seiyin, hichu mimasaho lekhabu’n ajihlutsah in eihon isimun ihetaove. Hichekeu tailouvin jong, tukhanga mihem tamtah jong tahsa mit geiyin le janmang beh in jong akimusah in; Amel mulouvin jong thil umdan tampi mi amusah e. Hiche lah’a hin keijong, mimo lheh jongleng, ichan ham eimusah ahi. Aphotchetna khat a pangtheiyin eikoitai. Ajoujai he le seithei hihih jongleng, amulou le ajatahtah lou ho sangin aseitheiyin eikoitai. Vangpha kakisa lheh jengin ahi. Tua le masang ding jouse jong Ama, ei Huhhingpu ka Pakai Jesu Christa khut in kakingam jing’e. Anop-le hiche lekhabu sanga nasa le kicheh in jong eiseisah inte ti katahsan’e.

            Hijongle,hiche ho jousea kona jong hi Pathen in eihuhhing nom’u ahi. Hiche nadinga chun Pathen in tohgon anei ahin, hiche Pathen tohgon chu nahet a, najuile, hinkho jong kipahtah le lolhing tah a namanding; chujongle, tonsot a hinna jong naneiya kipah jing ding nahitai. Hichu nahet nomle noiya hohi,taoto hon simin. Tutah jong hin, Jesu’a hinna um chu changjeng dingin thumin, Jesu kouvin, taovin.

          “Pakai, hatmo kahi, chonset tha-neina noiya um, chonset-soh kahi. Nei huhdoh in. Kachonset neingaidamin. Cross chunga kakhela nahung thina jal chun, nami huhhingna chu neipen, Nacha din nei semin, kipah le lungmongin hinkho neimansah in, na deilam hinkho nei mansah in, ei Huhhing ka Pakai Jesu minin, Amen”.

Oimi hih in

            Ki oimo pou’te! Koima oimo hih in, koima hi moh oimo thei aumpoi. Aphamopen nati jong chu, moh oimo hih in, ama dinmunin dinglechun, ama sanga nakhoh joh cheh thei ahi! Hiche jeh achu, thil umdan jouse hetohsoh Pakai Jesu chun

“Oimo hih in, oimoa na umlouna din; mi na oimo bangbanga oimoa na umding ahi” ati ahi (Matthew 7:1-2).

            Adeilou le ada sasa ahi’na (habit) phalou thua nung a chon ho khu ka lung aseji.Kalunggilin “Pakai panpi in, huhhing’in”katijin, adangla kabol thei a umpon; panpi nomjinla, panpina thei thaneina kaneipoi. Hinla, chonset galjousa ka Leng le ka Huhhingpu ka Pakai Jesu hin,pan lahna mun a onteng, agal chu jopeh tante ti katahsanin kakinem’e.

Mi themkhat, kakoma-sei, “Ka hi’na, kachonna hi kakhoptai. Phamo kasan, chonse kahi kakihet’e, Hinla, kajoupoi! Ka kikhel nomin, phat ding kanomin, ka hitheipoi! Ka insungmiten eikhop un, keijong kakikhop mong mongtai. Hinla, iti ka-ha-kibol vangin, kahitheipoi! Veltampi, katao jongle, ahitheidehpoi” tia sei mi themkhat aum in; hitobang ho lah’a chu konkhat vang tao khomna’a kona Pakaiyin, chonset  thaneina anunchan phalou ajopeh jong phabep aum tai! Tahsan ahat-le, taona hi lohing jingthei ahi.

Daniel hinkhoa Pathen kiphon

1:1 Judah lengpa Jehoiakim lengvaipoh kal kum thum nan Babylon lengpa Nebuchadnezzarin Jerusalem khopi ahindel khumin, aumchahsoh tai. 2 Ama hi Pakaiyin Jehoiakim lengpa amatsah-in, Houin gou kikhol phabep apoh mangsah tai. Nebuchadnezzarin Judah mi phabep Babylon gam doi Houin lhacha din gal-hingin akaiye. Chule Houin gou achomdoh ho chu ama doiphung houina akoiyin ahi. 3 Nebuchadnezzar lengpan avaibol pipu, nukiso Ashpenaz hi sohchang Israel leng insung mite le mi haosate insung mite lah a kona gollhang phabep lhengdoh din ahil’e. 4 Gollhang ho chu mel-hoi tah, chihna nei, kichuhna neisa, ima kihil themloi thei mi, tahsa nolnabei, leng inpia lhacha pang thei hi diu ahi. Amaho hi Ashpenaz hin Babylon pao sim thei le jih theiya ahil diu ahi.5 Lhendoh miho hin niseh le leng inkote neh tobang nea don dinga lengpan thu apeh ahi. Hitia hi kumthum akichuh jou tengu le lengpa angsunga ding cheh ding ahiuve.

6 Lhendoh Iah a hin Daniel, Hananiah, Mishael chule Azariah apangun, abonchauvin Judah phunga mi jeng ahiuve.7 Vaibol pipu pan amaho hi minthah avon-Belteshazzar, Shadrach, Meshach chule Abednego asah-e.8 Daniel hin lengpa neh le chah tuitah tah neh a don a kisuh boh louna ding angaiton, Ashpenaz hin apanpi din ajol’in, 9 apanpi theina din Pathenin Ashpenaz lunga Daniel voujang natpehna apei.
10 Ahivangin Ashpenaz hin lengpa akichan Daniel jah a, “Lengpan naneh diu nadon diu gongtohsoh ta, gollhang dang bangin thaoda le chun eitha lo ding ahi,” ati. 11 Daniel jong Ashpenazin amaho vengtup dia akoipa le aloite thum ho koma achen, 12 “Keiho me din anche louhing mai mai neipeuvin, don ding twisih bou neipeuvin, nisom sungin neiveuvin. 13 Chutah le leng inpia neh le chah nea jutui tui don ho-gollhang ho khutoh nei vetkah-un, dih nasah bangin neibol jengun,” ati. 14 Avetup’uva pangpa jong anomin, nisom sunga vet din aumsah tai. 16 Hichea pat hin avetup pauvin lengpa peh neh le chah sangin anche louhing mai mai amesah tai.

17 Gollhang li chu Pathenin hetna le lekha themna chule chihgilna apei. Achung chonin Daniel chu Themgao thilmu ledoh theina le mang letheina apen ahi.18 Lengpa teppeh kum thum lhin phat’in, Ashpenazin gollhang ho chu Nebuchadnezzar angsunga apui luttai. 19 Lengpan gollhang ho akihoupi soh keile Daniel le Hananiah, Mishael chule Azariah adeipentai. Hiti’ hin amaho li hi leng inpi sunga insung mi khat’in asimtan ahi. 20 Lengpan itobang thil hahsa le thudoh dong jongle, alenggam pumpia phunsan jouse le mitpheldoi them jouse sangin, hiche gollhang li ho hin ajat som chenga themjon aseipeh theiyui.
21 Persia lengpa Cyrus-in Babylon gam alah chan geiyin Daniel hi Babylon leng inpia aum jing tai. (Danie 1:1-21)

Ka hinkhoa kamudoh thilkhat

  -  Mijousen kipahtah le lolhing tah a hinkho man anom cheh’e. Min phat ding jong anom cheh’e.Mihem koima aphamo-nom aumpoi. Mitin hin  phat ding,minphat, mi seiphat, mi pachat le miho dei le ngailut hiding anom cheh e. Hinla, koima adei le atup bang ahijoupoi! Ahinkhova ato le achan hahsatna le vangsetna ho jeh a  phat boljou, mipha hijoulou, minphat nei-joulou, mi seiphat hijoulou, mi-dei le ngailut’a umjoulou le mujoulou ahibouv’uve! Lungset umtah i-hiuve, mihem-te hi!

            Judon, loune, le adang thilphalou bol-hokhu  moh oimo hih in! Thanom’a abol’u ahikhelpoi!  Anu-apa ngailut’a umnoma, hijoulou, MISUMOPA chun asuhmouva, abolsah’u ahibouve!      Chule, mihem’in thanoma abolsung koiman amudoh jipoi. Miho mudoh-louvin, kiselin abolji. Kisel-jou-talouva, miho mua aboltengle, ama deiya bol ahitapoi! ‘ABOLA’, ‘ABOLSAH A’ uma ahitai! Abol’achun athua anunsah a, ada-achamlou, jasan-javom dontheitalouva, abolji ahi ahibouve.

            Hechenlechun, nalungset a, napanhu nom ding ahi.  Ajehchu,  ‘ABOLpau’, misumo-jipa - Vannoiya vaihompa, MUTHIM LENGPA, AGILOUPA kiti SATAN chu ajolouvu ahi. Ajoutheiya chu, Pathen bou ahi. Hiche, agiloupa thaneina’ akona hi Pathenin, koitobang hijongle ahuhdoh thei ahi. Judon-loune, tolthat,Gucha, mijong, phatlouna tinchenga kona jong Pakaiyin, michu ahuhdoh thei ahi.

            Aumlouva kona thiljouse umsahpa chun aphamo pen jong aphapen asothei ahi.    Na nunchan phalou (bad habit) jouse jong napaisah thei ahi. Athikon jong ahuhdoh thei. Min thadinga nagot pet jong na-huhdoh thei, Nat jeh a nathi kon jong nahuhdoh thei ahi.

            Tulaiya nat gimneipen itiu ‘AIDS, Cancer’ le adanga kona jong ahuhdohthei ahi. A umlouva kona thilsem jouse umsahpa chun aumlou aumsah thei banga aumjouse jong abeisah thei ahi. Natahsan em? Natahsan-loule hiche lekhabu hi nangdia kiging ahipoi. Midang petan!

            Natahsan-le, tuhin, hiche nasimlai lekhabu hi khup inlang, khodah in chunglam venlang, ahiloule, dilsunlang, taovin. :-         

            “Vana um ka Pau,chonse kahi, neingaidamin. Chonset thaneina noiya uma, namel mulouva mahthah ding kahitai. Ka chonset neingaidamin, nei huhhing in tia hung tao kahi. Nei ngailut jala ka Pakai Jesu hungthia kachonset neingaidam jalin namin kathang vah e. Tuhin, ka Pakai Jesu chu ka Pakai le ka Huhhingpu din kasang’e. Kahinkho le ka hitheina jouse nakhut a kapedoh e. Na deilam hinkho mang dingin, Lhagao Theng in nei pampi jingin tin, ei Huhhingpu ka Pakai Jesu Christa minin ka taove, Amen.”

            Hitia chu nataole, Pathen in na huhhing ding, hinkhthah, Lhagaova penthahna chu napeh ding ahitai. Jesu Christa tahsan a Pathen cha nahitai. Chonset-gal najopeh ding ahi. Aban hi sim peh in.