Jesu chu ‘Leng le Huhhingpu’ a nakisantah-le
kipa aume. Hiche hi het tha in. Eiho chonphatvanga hilouva,ngailutna jala themmmo
chu Jesu thisan jal’a them eichan’u ahibouve.
Chule, Jesu
Christa-to hinkhomna hinkho, lhagao hinkho hi man hahsatah’a nagel thei ahi.
Chule, ahi’na jong aum’e. Agiloupa soh’a kona kilhadoh nahitahvangin, agiloupa
chun na it jingin, kilelah ding natup jing ding ahi. Hitia, lhepna hohi nachanga
douding nati-le najo louding ahi. Lhagao Theng panpi louvin koiman ama hatnan
Christian hinkho amangtheipoi.
Hichu Jesu’n ahetjeh a,Ama tahsan jouse chu
Pa’n Lhagao Thenga kona hatna achandiu thu ana sei “Lhagao Theng chu nachunguva ahungtengle
thahatna naneidiu, chuteng Jerusalem,Judea le Samaria, vannoi pumpia Keima
hettohsah a napan diu ahi” tia anasei ahi ( Acts 1:8).
Napanpi dingin, nitinin Lhagao Theng chu thum
jingin. Nitina Bible sim le tao jingjeng hi lhagao galmanchah phapen ahi.
Chutile, jona chu Pakaiya ahi.
Taovute,
“Pakai, kachonset simjoulou neingaidam’a na mi
Huhhingna neichan jalin naming kathavah’e. Tuhin, ka sunga cheng jingin,
kahinkho hi nadei lamin nei puiyin. Lhepna jong kajoding kalval neitosah lou
ding jong kahei. Nitina eisumo thei jing jouse jong nei jopeh jingin; neiteppeh’u
Lhagao Theng chu kasunga chensah in- eipui,eihil,eilhamona Nangma lungdei
hinkho mangtheinadin nei panpi jingin tia ka Pakai Jesu Christa mina tao kahi,
Amen”.
Nataole ‘Amen’ jih in. Pathen in napanpi jing
tahen.
No comments:
Post a Comment