Pathen ngailutna thu kiseipeh’a, phatea ngailouva, ‘pha’
kisateitei hohin kato tobang tohhenlang hile Pathen hi hinho’lintin, hejeng tante
katiji.
Vacha banga jalentah a hinkhomang kana hiya kona, (Eiho geldan
hile ‘Ka i-louna, ka i-khohna, ka mopohna hilouhel )- kaseisei jeng ‘Pathen ngailutna
Jesu Christa a kiphong’ hi noma kachan
ahipoi. Hahsatna katohon Pakai mel eimusahtai. Solchah Paul in,
”Hichea hin Pathen in eingailutnau photchenna eimusah un,
chonse i-hi laitah’un Christa eiho khel din ahung thitai!” (Rome 5:8)
tia aseihi kachan vangpha kakisai. Hijehhin, tuchana katao’jina
khat hi,
“Pakai, neingailutnau
hi aheloulai ho jonghi kiseipeh henlang, hethem leu iti nangma nasanda diu ham?
Ahetlou jeh’u ahi. Ngaidamin. Seithemna, hilthemna le na thahatna Lhagao Theng
neiteppeh’u – chu, eipanpi diu le eihil, eipuidih diuvin neipe’vin, chutile, na
Ngailutna thu sei na’ving’e, ti’a ei Huhhing ka Pakai Jesu, namina kathum ahi,
Amen” katiji.
Ka them’e tia sei kahipoi. Pathen thu hi seithem vanga phachom
ahipoi. Pathen in ‘phatthei aboh ngaiya ahi. Pathen in Lhagao theng apeh miho
chun themloutah hijongle Bible chang aphondoh jeng jong chu, phatthei aboh teng
mihon hinna Lhagao Theng chu akisanjiu ahijoi.
Nang jong, Bible chang cha hijongle thot-jing jong lechun Pathenin phatthei
aboh-le, mihon hinna akimujoh theiyu ahi.
Pan lahding nanople, Pathen kom lhutnan ‘Amen’ jih in.
Pathen in phattheina kim chu napetahen.
No comments:
Post a Comment