"Pohgih kipoh hu’vinlang,
khat in khat chunga asuhkhel chu kingaidam touvin. Pakaiyin,nangaidam bangun,
kingaidam touvin." (Colossians 3:13).
Ngaidamna hinkho man hi Pathen phattheiboh channa dia
ngaikhoh ten ahi. Mi nangaidam chu nangma dia hamphatna ahi he’n. Lungsunga
miho vetdana le michunga lung-hanna nei hin, mihem ama hinkho nasatah in asusen
ahi. Navetda, natuppa chun pohgih a anei sangin, nangin napoleljoi. Ngaidam
lechun, nangma avangpha nahi ding chu kihet in. Hichu ahetjeh a Pakai Jesu’n,
eingailut jal’uva “min nachunga suhkhel aneile ngaidamin” tia eihilu ahibouve.
Hiche thuguh hi, lekhabu le miho seina kahet hilouva,
keima hinkhoa katoa kona (experience a ) akona kasei ahi. Mitamtah in hitobang
pohgih hi, midang angaidam theilou jeh in aneiyin, ahinkho anom theipoi.
Angolleu jong tamtah uma ahi.
Kaseihi, ana patep in. Mi nangaidamtheina din taojingin.
Kipana Jesu Christa a um hi chantei ding tup in. Bible sim jingin, tao jingin.
Jesu Christa chu Leng le Huhhingpua nakisanna chu, agapha, tahsa le lhagaova
chantei nadin, tao jingin. Jesu Christa hinkho man, chonsetbei hinkho aman hi
chantei gou’hitin, taona le Bible simin phonthou’hite.
Hitia chu pan nalah gotle, Pathen kom lhutna’n ‘Amen’ jih
in. Pathen in, Lhagao Theng thahat in, Jesu Christa minin napanpi jing tahen.
No comments:
Post a Comment