“Pakaiya kipah thanom jingun, tikit leuvinge kipah un. Nachonnemu chu mijouse het hihen. Pakai ahungnaiye, i-macha lungkhamna neihihhelun, ahin imalamjousea taona le thumna maangin thangvah tothon nathum jouseu Pathen hetsah un. Chuteng hetna jouse khokhelsoh Pathena kona hungkon chamnan Christa Jesu to nahinkhom nauva nalungthim’u le nalunggel jouseu ahonbit ding ahi.” (Philippi 4:4-7)
I-Pakaiyu Jesu Christa Pa, ahepina bulhin dungjuiya thina’a kona Jesu Christa thodoh jal’a hing jing kinepna’a eihing thah kit’uva Pathen chu nun nom hen; kemtheilou le boh beh lou chule, nang ho jong tahsan jal’a phat chaina teng phondoh dia gotsa kikoi huhhingna chu chang dia Pathen thahatna’a nakihong bit’u ahi. (1 Peter 1:3-5):
Ahinla, akhonna kheh’a eihung panpi ding Van’a khat um kahei! Kavun jouse pa’tsoh tajongle katahsaphea Pathen kamu teiding ahi! Ka mit tah’a kamutei ding, lam dang lou hel ding ahi. Ka meidoi lo hel tai. (Job 19:25-27):
Hiche lhagao chun eiho lhagao to kithoa Pathen chate ihiu ahetsahji ahi. Chate ihiule gou ilo diu, Pathen gou lo ding ihiuvin, choi-at’a iumkhom theina diuva ithoh khompiule Christa to gou lo khom ding ihiuva. (Rome 8:16-17):
Pathen in eipeh’u Ama lhagao jal hin eiho Ama sunga i-um’uva chule Ama eiho sunga aum iheuve; Pa’n Chapa vannoi huhhing dinga ahinsol hi keihon kamu’va kahet toh sah-u ahi. Koi hile Jesu chu Pathen Chapa ahi phongdoh chan asunga Pathen um ahin, ama Pathen sunga um ahi. Chule Pathen in eiho sunga ngailutna anei hi eihon iheuvin itahsan’uve. (1 John 4:13-16):
Pathen in athu nasimna akonin phatthei naboh jing tahen.
No comments:
Post a Comment