Pathen thu nittheina

Golte, Pathen in phatthei nabo henlang, Ama ngailua, Angailut chang jing din napanpi jing jeng henuo. I-Pakaiyu Jesu Christa chun,

“Koihile Ka thupeh chinga, nit chan chu, ama chu ei ngailua ahi. Eingailua chu ka Pan angailut ahin, chule, keiman jong ama ka ngailut a, akoma kaki lah ding ahi.”(John 14:21) tin aseiye.

Keima hetdolin vang, Aman eiteppeh’u Ama Lhagao Theng panpina louvin, Jesu Christa thupeh hi koiman anit joupoi. Hijechun, “Thumun, kipeding nahiuve,holun, namu dingu ahi, keuvun, kihonpeh ding nahiuve. Nang ho miphalouvinbon nachateu thilpha pehje nahet’ule, Vanna um napauvin, athumte chu iti apha chu apeh louding ham?”(Matthew 7:7-11)ati ahi.

Mihem jouse hi hatmo ihicheh’uve. Ahatpen, achingpen, athempen in jong akithopi ding angaichai. Pathen thudol deh in vang, Pathen Lhagao Theng kithopi louvin koiman Pathen aneitheipon, Athu jong nitthei ahipoi. Hijeh achu, Pathen koma thumdia, i-Pakaiyu Jesu Christan asei, ‘thilpha’ ati chu, eiteppeh’u Lhagao Theng chu ahi. Hichu, kithopi phapen ahin, Lhagao Theng kithopina i-chan tengule, thiljouse sempa  Pathen kithopina chu i-chan diu ahi. Chuteng i-ngaichat jouseu eipeh diu ahitai. Loupina Pakai chang jing tahen.

Hiche, kithopi phapen , Lhagao Theng chu na thumna in ‘Amen’ jih in. Pathen in Jesu Christa minin, Lhagao Theng dimset in nakoi jing tahen. 

JESU-TO HINKHOMA KHANTOUDING : 1., Pathen thuhet le ngai

Golte, Pathen in phatthei naboh henlang lolhinna, kipana, hinna le damna nape jing tahen. Hiche nading chun, athu Bible ahin taoto thon sim jingin, chule tao jing jengin.Pathen in :

 “Hiche Danthu hi nakama konin chonmang sah dan; sun le jan in geljing jengin, chutile hichea kijih jouse hi chingtheiya najui thei ding ahi. Chutile, na tehchana, nalolhin ding ahi.” — Joshua 1:8

Hichea “nakama konin chonmang sah dan” atihi, “na paodoh, na seijouse chu Pathen thu – to kitoh, a pansa hihen” tina ahi. Jesu chu lheppatep a aum chun Pathen thu kijet mangchan alhempa ajouve. Eihon jong hitia chu iboldiu ahi. Pathen thua jona, lolhinna, hinna, kipana aume.

“geljing jengin” ati kit e. Jesu’n “Lungsunga um chu kamin aphongdoh e” ati chule mihem nun le khan chonna jouse hi alunga umchun ahin pohdoh ahi. Pathen thu chu sun le jana i-gel jingle chonchatvai, hinkho thenglou chu umdoh louhel ding ahi. Ajehchu, Pathen thu hi ‘jona, hinna, lolhinna, kipana’ ahi.

“Chutile, na tehchana, nalolhin ding ahi.”

Na lolhin, kipa, hin, jona chang nom nahija, Pathen thu nit le geljing, mangjing nahinomle Pathen koma phondohnan ‘Amen’ jih in. Pathen in napanpi din Jesu Christa le A Lhagao Theng in na umpi jing tahen. 

JESU-TO HINKHOMA KHANTOUDING :Thupatna

Golte, Pathen in phattheina lhingset nape henlang, Jesu Christa-to nahinkhomsah jing henuo!  Nitinin hiche hi simin Pathen panpina changing –“ JESU-TO HINKHOMNA’A  KHANTOUDING” : Jesu Christa chu Leng le Huhhingpua nakisantengle, Pathen insungmi, Pathen cha nahitai. Pathen chu “Pa, Hepa” tia nakouthei ahitan, Pathen cha hi’na hinkho chu mangin. Chule, minu-mipa phatah in achate phat amankhompi nomji bangin Pathen in nangma to phat mankhom anomji. Hitia, nakivopkhom lhonna chu Bible sim le tao hi ahi. Hijehchun, Pathen chuto kivop khomna in nitin in Bible sim le taona phat achombeh in mangjin.  

Nitinin, nahinna chu Ama pedoh in, Ama to bang ding le na Leng banga akin boldia kigosadem hijingin.(Ephesians 6:7).

Hitia chu, na kipehdohle, Pathen kom lhutnan ‘Amen’ jih in. Pathen in umpi jingtan.

Pathen chu ngailut ahi

Golte, Pathen in phatthei naboh henlang, nitina nangaichat nape jing henuo. PATHEN hi NGAILUT ahi(1 John 4:8) Achate ijal’un Pathen mije chu ineiteidiu adol ahi. Pathen le Jesu, midang jouse jong ngailu’ute. Jesu’n eingailut jaluva, ahinna toa, eiho chonset akona eilhatdoh nadiuva, Cross chunga hung thi ahi. Aman eingailut banguva midang i-ngailut diu adol ahi. Koima sapset, houset, bolset neipoute. Ngailutna neilou din vang, Pathen ngailutna chu amadia apanna umdeh lou ahi. Pathen ngailutna chantheina din Pathen le Jesu tahsan in kisanute.

I-ngailut’u he in, chapang hohin, i-phodiu, ijep diu angai hilouvin ageluve. Hinla, eingailut jaluva, Pathen in chonset hinkho iman diu deimona jala eiphoova, eijep jiu ahi. Chujongle, i-thum jouseu eipeh jilouvu ahi. Ajehchu, i-dei le thum houhi, tampi hi, apet adia pha lheh lheh amavang ajona lama phalou tampi aumji. Hiti hochu eipeh jilouvu ahi. Genngaitah a i-thum thum jeng tengule, eihodia aphajo chu ei gonpeh jiu ahi.

Jesu Christa hin i-lhagao keuvu ahuhhing ahipoi, tahsa jong hahsatna hoa kona ahuhdoh tha ji ahi. Hahsatna – tahsa le lhagaova na neiyem? Nunchanphalou, johsah phalou, kichat-tijatna ho le ngaichat naneiyem? Jesu Christa chu kouvin. Ama hi ahi “Na tahsanle, Pathen hi thiljouse bolthei ahi” tia seiya chu Ama ahi.

Natahsan, Jesu chun nachunga thilkidang abolding nadeile ‘Amen’ jih in. Jesu Christa chun an umpi jingtahen.

Ngaidamin,lungnopna neiyin

Golte, Pathen in phatthei naboh henlang kipana lhingset, lungnopna nape henuo.

Kipa kanomin, hinla, kipalouna ding katoh jingji. ‘Mikhattouvin ei oimon, ije eitilou, pha kasha ho pha salou, neocha kasuhkhel eimugeu. Eijotho, kiletsah, ki hoisah, kihatsah, sum eithum, eisol jotjot’ hiti ho chu adimset in. Kagelin, kalung ahang chehcheh in, lethuh ding, bolchah ding, housan ding, milah a suhjum ding’ ti ho kagelin, bol jong kagoji.

Hitiho chu kagel gel le, ka lunggel asecheh cheh in, toltha chanleu ka pha deh jengtai! Christian kihija, toltha Pathen in adeilou kihe ngala! A khonnan, kakitim ham hamin “Kei ahatlou penin mitha kagot chu, kei tobang min chute gelle mihem ijat athat diuvem?” tin kageltai! Kipana chu seiphah him him ahitapoi.

Akhonna khet in, Pakai Jesu thusei kahin geldoh tai : “Min nachunga suhkhel aneile,ngaidam in, na ngaidamle, nangma chonset jong Vanna um na Pauvin angaidam ding ahi. Mi suhkhel na ngaidam louvule Vanna um na Pauvin jong na ngaidam loudiu ahi.” (Matthew 6:14-15)

Achainan, “gel gel da tange, donda mai tange. Anople, Pathen in eingaidam sah tante, Amanbon keima hibang michonse, Ama lungdei boltheilouhel eingaidamle, kei ipi kahija miho suhkhel ka ngaidammo ham?” tia kahin-gellhuh chun, he kate! Ka lung ahung ol dom domin, ni phabep jouvin koima vetdana jong kaneitapoi. Ka mujouse chu gahhou kanomin, gari chunga konin jong loi le gol, mel-het ho kamuteng kakha kagahsujin, amahon jong ahin chute bolun, mel-het, loi le gol kahin hao dom dom jeng tai! Aloupina lom lom in ahi.

O! Pakaiyin, kaconset angaidam ahitai. Iti nop tam! Pakaiya kakipana asang cheh cheh in, kipa louna chu katoh behseh tapoi. Kol khat, ijong hilou khat in, a dukana chair kagah kaile, eihin hohsaalin, pho ding katile, kalungsunga noplouna ahung um paiyin, kanuisatle, ama jong ahung nuiyin, phatechan kakihou lhon lotai!

Golte, michunga kalunghan chu, miho chunla pohnat in jong aneipouve. Keivang kakipana jouse beiya, kalung hangcheh cheh jeng, pohgih nasatah kachunga um ahitai! Ka ngaidamtah in, avangphapen chu kei kahi kamutai. Michunga kalung hanle avangse kei, mi ka ngaidamle ‘avangpha kei’ kahi Pakaiyin eimusahtai! O, Pathen ngaidamna hi Lhagao lam thu bouham kanatile ‘ahipoi’! Tahsa hinkhoa jong ahi! Tahsa a jong hi ‘Lhagao’ cheng ahi. Pathen ngaidamna, Jesu Christa a hinna hi tahsa hinkho nopna jong ahin, Lhagao nopna jong ahi! Tonsot a Pakaito chenkhomna ding jong ahi. Tonsot hi tua hi kisimpan ahi! Thinung thu keu ahipoi.

Hijehchun, Jesu’n aseibang hin ‘mi ngaidamin, avangpha nahi ding ahi. Napohnat a, mihon nabolsetnau nagela napohnat chana nang bou achunggih nahi’. Pathen in bon eingaidamuva, eihon miho suhkhel jong ingaidam theilouvule, Pathen in itiba ei ngaidam diu ham?

Pathen in mi angaidam tengle lungnopna, kipana kinei ahi. Hinla, leiset kipana mai hilouva kipanakim, van kipana chu ‘Jesu Christa tahsanlou chonset’ hi ‘itahsantenguva eingaidam tengule’ kinei ahi. Jesu Christa chu Lang le Huhhingpua ikisan tengule, Pathen in, ichonset jouseu angaidama ‘Acha’ ‘Pathen cha’ dia ei kipomuva, chutengle, Lhagao Theng chu eipeh’uva, hiche Lhagao Theng isunguva cheng chu phatthei aboh jinga, eiho phattheina lhingset chang ihijiu ahi. Hiche chu channa din, Jesu Christa chu kouvin. Na kisantahle, Lhagao Theng chu napeh din taovinlang, phattheina lhingset chu thumin, Jesu minin.

Nataole ‘Amen’ jih in. Pathen in umpi jingtan.

Pathen phatthei bohna chandan

Golte, Pathen in phattheina lhingset in nabohhenlang, nangaichatpen, KITHOPI HATPEN Ama LHAGAOTHENG chu napetahen. Phattheibohna chandan Jesu’n asei chu – 
“Hinla, Ama lenggam le Ama chonphatna hol masa’vin, chutengle, hiche thil ho chengsejong hi kipe ding nahiuve.” (Matthew 6:33)
Masang chun “Ama lenggam” “Pathen Lenggam” chu hoilai monga muding ham kanati. Chule, hiche chu thinunga Van-gam’ thu kisei kana hisah e. Tunvang, “Ama Lenggam’ ati chu ‘Ama, Jesu Christa’ ahi kahetai. Jesu Christa achu Pathen uma ahin, Jesu Christa achu Pathen in vai ahop, Pathen lungdei umna le kitohdohna chu Jesu Christa ahi. Leiset a, vahmangsa miho holdoh in ahinsolin, Jesu chu ahungin, amangsate holdohna din Cross chunga ahung thitai. Pathen, alunglhaibehseh in, tonsot a vaihomdin akaithouvin, Ama tahsan jouse thoukit din Lampi ahonsah in (Jesu chu tonsot hinna, Pa heng jotna LAMPI ahitai), Leiya le Vanna thuneina jouse apetai. Jesu chu Ama tahsan jouse sunga Lhagao Theng in achengin, Jesu chenna jouse chu ‘Pathen chenna - Pathen Lenggam’ ahitai. Hitia chu, Jesu Christa chu tahsana belding, Jesu Christa Lhagao Thenga achenna hiding chu aseina ahi.
Chule, “Ama chonphatna” kiti chu “Pathen chonphatna” tina ahin. Hiche hi mihem in ‘chonphatna’ iti hou ‘thilpha bol, ahoi hoiya le apha pha a um’ hohi ahipoi. Pathen in ‘chonphatna’ a agel chu ‘Ahinsol Jesu Christa tahsana, Leng le Huhhingpua kisan’ bou hi ahi. Mihem in iti ‘phatna neihen, thilpha bol jongle’ Jesu Christa aneiloule ‘Pathen chonphatna’ hilou ahi. Ahimongin jong, Mose Dan , Thusompeh jong chu mihem koima anitsohthei aumpoi. Jesu Christa bou chun Pathen thupeh anitsoh’a, ahinna ato ahi. Hijeh achu, ‘Pathen chonphatna’ chu ‘Jesu Christa abou uma ahi. Jesu Christa neijousen, Jesu Christa Lhagao Theng aneiya, hiche Lhagao Theng bouchun ‘Pathen chonphatna’ chu ei musah’u ahi. Chutengle, Lhagao Thenga phatthei bohna tincheng ;e ‘Pathen chonphatna’ le ‘mihem mudinga chonphatna, thilpha bol theina jong chu, Lhagao Theng chun eipanpiuva, eimusah’u, eijosah’ jiu bou ahi.
Pathen phattheibohna lhingset nachanna din, tuhin, Jesu chu kouvin, na Leng le Huhhingpu hung hidin kouvin, nachonsetna phongin lang ngaidam thumin, chule Ama ‘Leng le Huhhingpu dia nakisan thu lhut in lang, chule, Lhagao Theng chu ahinsola, napanpi,lamhil le Pathen lungdei hinkho namansah din ngeh in.
Jesu Christa a hinna chu nanei ahitahle, eiteppeh’u Lhagao Theng chu thumin, na panpi jinga, Pathen Cha hi’na a phattheina lhingset na neitheina din thumin.
Nataole ‘Amen’ jih in. Pathen in Lhagao Theng in na umpi jing tahen.

Lolhingtah hinkho mang in

Golte, Pathen in phattheina lhingset naboh henlang, lolhingtah hinkho namansah henuo! Hiche nading chun Athu sim jingin. Bible in, “I-chonstna hou i-phondoh’ule, Ama chu tahsan umtah le kidihtah ahin, i-chonsetna hou angaidama, i-dihlouna jouseu ei suhtheng peh diu ahi” ati —1 John 1:9

Hichea asei hi – “eihon Pathen deilouva chonse ihiu ikihet’uva, i-chonsetnau chu i-phondoh’ule Pathen chu Amihi’na le akitepna’a kidihtah ahi jala, i-chonsetna hou jouse angaidama, i-thenlouna jouseuva kona eisoptheng diu ahi. (I-thenlouna hou chu ‘Pathen hi’na – mije, lunggel, lungdei le thilgon -  hoto kitohlou, mihem chonse ahi’na jouse tina ahi)

Hijehchun, chonse ihiu kihet in, ichonsetnau, taona in Pathen koma phongu hitin; miho koma jong phongu hitin; ihatmona hou le suhkhel jouse jong dih sah in phongute. Chutile, ngaidam dia kitep Pathen in ei ngaidamuntin, mihon jong eingaidam tauvinte. Mihoto lhatkhom – hinkhom jong nom tantin, Jesu Christa to hinkhom nom tante. Lasah ho nomintin, taona jong tuiya, lolhing ding ahitai. Chuteng, Pathen in Lhagao Theng chu ‘Eipui,Eihil, Eilhamon diuvin’ eipeuvintin, Jesu Christa chu i-Lengpau le Huhhingpu hijinga, lolhinna, kipana, ga sona hinkho eimansah diu ahi. Hichu, eiho dia hamphatna le kipa – thanopna hija; miho dinga jong phatthei channa ei hisah diu ahi.

Hichu na nop’a nabolle, Pathen vahchoinan ‘Amen’ jih in. Pathen in umpi jingtan.

Pathen thangvah jingin, Athu sim jingin

Golte, Pathen in phatthei naboh jing henlang, nahin kumkhom na umpi jing tahen. Jesu Christa chu Leng le Huhhingpua nakisan ahitan, tuhin tonsot hinna nachan chu photchetna ngeh in. Naosen in tahsa khanna dia anpha angai bangin, Pathen chaten jong lhagao an angaicha jingui.

Hiche jehchun, nitinin Bible hi taotothon sim jingin. Chule, hiche Bible bung le chang hohi lungchinin neiyinlang, mangcha theidin panpina ngeh jingin: Pathen in tonsot-hinna eiteppehnau : “Pathenin vannoi angailut behseh jeh in Achapa changkhat neisun chu ahin petai, hichu Ama tahsan jousen, mangthah louva tonsot hinna aneitheina diu ahi.” — John 3:16

Ngaidam dia akitepna: “I-chonset i-phondoh’ule, Ama hi tahsan umtah le kiditah ahin, chule ichonset chengseu angaidam ding, chujongle kidihlouna jousea kona eisoptheng diu ahi.” — 1 John 1:9 2. .

Jesu Christa jala Pathen in nachonset jouse angaidama Acha naso hi nahetchet a, nakipale , Amin thangvahnan ‘Amen’ jih in. Pathen in a Lhagao Theng in na umpi jing tahen.

Christa a hinna kihetchet ding

Golte, Pathen Cha nahi kihetchet in, kipah tah le lolhing tah’a mantheina din na Huhhingpu Jesu Christa.n napanpi jing jeng tahen. Hiche nading chun Athu sim jing in. Tunia hetding:

Christa tahsalou ho chu iti tauvam? John 3:18; John 3:36

“Ama tahsana chu themmo changlouva, atahsanlou vang chu Pathen Chapa changkhat mina atahsan lou jeh a themmo kichansah ahitai.”(John 3:18; 36)

“Chapa tahsana chun tonsot hinna anei ahitai; Chapa thu ngailou vang chun tonsot hinna aneiilouhel ding, Pathen lungsatna achunga umden ding ahi,” ati(John 3:3.

Tonsot hinna hi hou-mi phatah hi-man, chondan kisemho juidihman, le tohphat vang a kichang ahipoi; chutilouva, Jesu Christa tahsan jala kichang ahibouvin ahi. Bible a John 11:25-26 sunga hi Jesu Christa’n ipi aseiyem?

John 11:25-26 Jesun ajah a, “Keima thokitna le hinna kahin, Keima eitahsana chu thijongle hingding ahi; 26chule, mihing eitahsan chan a-itih a thilou helding ahitai; hiche hi natahsan em?” ati.

Jesu Christa natahsan sana chu ipi sohtamt?

John 5:24 “”Kichentah a kaseipeh nahiuve, kasei ngaiya Ei-hinsolpa tahsan chun tonsot hinna anei ahitan, thupi tanna a lutlouva, thinaa kona hinna galkai ahitai.”

Tu’n, nadonbutna ho chu velvet inlang, iti nachonset kingaidama tonsot hinna nanei ham chomchan jih in: Pathen thangvah inlang ‘Amen’ jih in. Pathen in phatthei naboh jing tahen.

Pathen cha nahi kihet chet in

Jesu chu ipi dia vannoiya hunga ham? Jesu chu vannoi chonset pomanga hunga ahi. “Ajing nikhon Jesu ahenga ahung amu’n John in, “Ven, Pathen kelnoinou, vannoi chonset pomang ding pakhu” ati (John 1:29).

Jesu’n iti vannoi chonset apohmang ham? Pathen in vannoi angailut behseh jeh a Achapa neisun Jesu chu Cross a thidia ahinpeh ahin, athi chun vannoi chonset apohmang ahitai. (John 19:16-18)

Tahsa hinkho hi nikhat kichaiding ahi, hinla, Pathen in eipeh nom’u hinna chu tonsot’a beitalouding ‘hinna’ ahi.

Tonsot hinna chu nanei le naneilou iti naneithei ding ham? John 3:16 in, “Pathen in  vannoi angailut behseh jeh in Achapa neisun (Jesu) chu ahin petai. Koi hile Ama tahsan chan chu , mangthah louva( chonset a thilouva)tonsot hinna aneitheina ding ahi.” Ati banga chu natahsan ahitahle hiche Bible chang hin, tonsot hinna nanei chu asei ahitai.

A-onglai hoahin NANGMA MIN jih inlang simin:  “Pathen in  __________ angailut behseh jeh in Achapa neisun (Jesu) chu _____ ahin petai. Ama chu , ________ in atahsanle mangthah( chonset a thilouva) louva , but _________ tonsot hinna aneitheina ding ahi.” (John 3:16)

 Christa natahsanna akona kijopmatna thah ipi naneiyem? Acha, Pathen cha kahitai. “Ahin, Amina tahsana Ama kisan chengse chu Pathen chate hitheina thu apetai.” (John 1:12)

Kipah thanomin,Pathen thangvah inlang ‘Amen’ jih in. Pathen cha hina hinkho chu, kipah tah in mang in. Tao jingin, Bible sim jingin. Pathen in napanpi jing tahen. 

PATHEN IN NA UMPI JING E

Hatmo kom le kihollel kom aumjin, nachang hiya nakigelkom jong umthei ahi. Hinla, na chang nahipoi. Jesu Christa chun na umpi jinge. Aman,nasemlona chu pilhinsah teina din napanpi nom jinge.)Philippians 1:6). Nitina nangaichat ho napeh ding, chule na chinjng ding ahi.(Hebrews 13:5).

Anungjuite hatmo le lhahsapna Jesu’n ahen, lhagaova hanta angaichat jingo jong ahei. Ama tha lhenga Lhagao Theng in, anungjuite aumpijing hi ahetdiu adei ahi. Lhagao Theng chu Jesu khela ei umpi jing diu le i-ngaichat jouseu eipeuva ahi.(John 14:16).

Lhagao Theng chu nang Hil le Lhamonsah a pangding; Pathenthu nasimna a chu na umpijing Lhagao Theng chun Thutah chu nahetthemsah le Thutah lama na puihoina din tem jingin.(John 16:13). Lhao Theng chun nakaihoi jingding(Romans 8:14), lhagao hinkhoa na bulhinsah ding(John 6:63; Romans 8:11), chule, nahatsah ding(Galatians 5) chujongle Pathen thu midang ho hetsah a jong napansah ding ahi.(Acts 1:8).

Huhhingna ding, lhepna jouding,chonset ngaidamna ding a kitepna le Pathen in na umpijing ding hi tunia nanga ahitai. Pathento umkhomna hinkho hi mangpanin, akitepna tahsanin, chule, umpijing Lhagaotheng a napumpia kingaina chun kalsong jingin

Believers of Jesus Christ are justified through faith

Friends, rejoice, we have been given Salvation from condemnation through Jesus Christ and the Holy Spirit to guide us in living a life fill with peace and hope. May God grant you all these gifts in Jesus name.

“Therefore, since we have been justified through faith, we have peace with God through our Lord Jesus Christ,  through whom we have gained access by faith into this grace in which we now stand.And we boast in the hope of the glory of God.  Not only so, but we also glory in our sufferings,because we know that suffering produces perseverance;  perseverance, character; and character, hope.  And hope does not put us to shame, because God’s love has been poured out into our hearts through the Holy Spirit, who has been given to us.(Romans 5:1-5)

Friends, be happy,  You see, at just the right time, when we were still powerless, Christ died for the ungodly.  Very rarely will anyone die for a righteous person, though for a good person someone might possibly dare to die.  But God demonstrates his own love for us in this: While we were still sinners, Christ died for us. Since we have now been justified by his blood, how much more shall we be saved from God’s wrath through him! For if, while we were God’s enemies, we were reconciled to him through the death of his Son, how much more, having been reconciled, shall we be saved through his life! Not only is this so, but we also boast in God through our Lord Jesus Christ, through whom we have now received reconciliation. (Romans 5:6-11)

Friend, do you consider you are also counted with in the saved people of God in these verses? If not yet, please knell down and pray God to make you His dear child in the light of the death of Jesus Christ for you. Pray, “Lord, I am a sinner, have been living far away from You. Forgive me. Now, I understand that Jesus Christ died in my behalf for my sin. I thank you for that. Now, I accepted Jesus Christ as my Lord and Saviour. I invite Him to lead my life and the Holy Spirit to guide and help me live a worthy life as Your child. In Jesus name, Amen.” 

Write ‘Amen’ if you pray. May God bless you.

CHONSET NGAIDAMNA

Christian hinkhotah mandan hi naosen lamjot kichuh tobang ahi. Lam hahsa, asuh-atou aumji, adeh in akipatna lama hin aumnom dome (Psalm 37:23-24). Lamjot nakichuh laiya chu nalhuh kom umji hilou ham? Na lhuhteng na kijamden jim? Chutilouvin, nanu-napa lam nasangin, nakikaiyhousahji in, nache peh in, ol olin, gunchutah in naboljingjin, lamjot nahung them tai. Hitia chu, Pathento hinkhomna hinkho jong hi manding ahi. Hahsatna aumjin, hinla, lhuhden lou ding, Pathen koma taovin, Ama kithopina thuminlang sangin. Solchah Paul in ati bangin, Pakai Jesu lam kat jinga, Ama kikaithousah ji ding ahi. Lhagao Theng kithopina chu thum jingin, Ama chu kou jingin, Aman napui jang ding ahi.

Pathen thu’n,“I-chonsetnau i-phon doh’ule, Ama chu tahsan umtah le kidihtah ahin, i-chonsetnau jouse angaidama, i-thenlouna jouseu eisoptheng diu ahi.” (1 John 1:9) Hiche jehhin, i-chonsetnau phona, ngaidam kithum jingding ahi. Hichu, ngaidam channa le phattheiboh channa ahi. Chuteng, alhusa jong Pakaiyin akaithou kit ding ahi.

Pathen lungdeilou nabolkhahna auma, Lhagao theng in nahetsahle, Pathen kom lhut loiyin, phongdoh in, ngaidam thumin; chutile,Aman na ngaidama, napanpi ding, chule na hinkhompi jing namudoh sah a,kipana seijoulou nachan ding ahi. Pathen in asei hi tahsan in, na chonsetna asoptheng chu tahsan jenginlang lungmong tah in umin, Ama lungdei hinkho mang din taona le Bible simin pontho jingin.  Nasimkeo hilouvin, Bible chang hohi mangcha theidin lungchinin neiyin.

LHEPNA JO TEI DING

Jesu Christa-a hinna naneitengle, boina ding umtalouvin geldan. Ajeh chu, na kidoupi jing le Pathen doumah boljingpa Satan chun Pathento hinkho naman khom ding chu nomlouhel ahi. Amachun, na lhahsapna ho vegeuvintin, na lung lhahsah agot jingding ahi. Hitia chu, lhagaova na hatmona lai chachu mangcha a naloilhuh got jing ding ahi. Hitia chu aumtengle lunglha hih in. Chusangin, nalhahsamna chu kihet inlang, napanpi din, Satan jousa na huhhingpu Jesu Christa chu nahudin kouvin. Taona mang jingin lang, lhepna chu najopeh din kikouvin. Bible sim jingin, hiche kipuihoina simmun hohi sim jingin. Pathen in najoding kalval lhepna natosah louhel ding ahi tia Bible in asei ahi (1 Corinthians 10:13).

Nang bou lhepna toh a nakigel thei ahi. Hinla, atahsanjouse lhep a umcheh ahi. Lhepna hi chonset ahipoi. Jesu jeng jong lhep a um anahi(Hebrews 4:15). Lhepna kijosahna akona chonset umji ahijoi.

Lhepna najona din, na hahsatna chu Pathen kom lhut loiyin, achesot masangin. Taona ha manin. Lhepna le hahsat-boina nachanna lam chu hagel danlang, Pathen lam hageljon (Philippians 4:8).

Hiche hoa kona chu hetna le hinkho manna lama kihilna pha neina ding joh in Pathen koma taovin. 1Corinthians 10:13 hi lunglut tah in siminlang, tepna aneiho ahin kingaiyin.

Pakaiyin umpijing tan.

HINKHO JESUS CHRIST KOMA PEHDOH

Nachamtah a Jesu Christa hi natahsana, Leng le Huhhingpu’a na kisan tah em? Natahsana nakisantahle, Pathen thun asei bangin, tonsot hinna chu nanei ahitai. Natahsan loulaile, tutah hin tahsan jengin (Romans 10:13)! Noiya taona kijih banga hi nataole, Jesus Christ chu nahinkho-adia nakisan jeng thei ahi, hitin taovin:

Pakai, michonse kahi, nei ngaidamin. Ka chonset khela nathi katahsan’e. Tuhin, kachonset nungsuna, nadeilam hinkho man kanome. Kalungsunga hung cheng din ka kouve, ka hinnna apumpin nang kapei. Ka Leng le Huhhingpu din nang kasang e. Ka hinkho nanga ahi, nadeilamin neipuiyin, na deilam hinkho chu nei mansah in tia Ka Leng le Huhhingpu Jesu Christa naminin kataove, Amen.

Lungchina hetding : John 3:16, “Pathen in  vannoi angailut behseh jeh in Achapa neisun (Jesu) chu ahinpetai; hichu Ama tahsan jouse, mangthah louva, tonsot hinna aneitheina diu ahi.” Hiche hi, Huhhingna nachan dol kineplelna nanei komle simin, natahsan phudetnan mangin.

HUHHINGNA KISAN

Eihon akom inungjot kit theina diu Pathen in lampi asem ahiin, hichu inopteiyu ngai ahi. Hichu – Michonse ihiu hi noptei ngai ahi, chule chonset chu kisih a nungsun ding nop ngai ahi. ‘Kisih’ le ‘nungsun’ kiti hin lunggel dan ho le chondan kheldoh tina ahi. Hichu, chonset’a kona kiheimanga, Jesu Christa kom jot tina ahi (Acts 3:19). Tahsannna jala chu, Jesu’n chonset jeh a ithoh diu chu athoh tai ti tahsana, Ama chu ihinkho diuva Pakaiya kipomding ahi. Hitia chu iboltengule, Pathen cha ihiu ahitai(John 1:12)chule tonsot a hinna chu chang dinga eiteppeh’u ahi (John 3:16).

HUHHINGNA KISAN

Eihon akom inungjot kit theina diu Pathen in lampi asem ahiin, hichu inopteiyu ngai ahi. Hichu – Michonse ihiu hi noptei ngai ahi, chule chonset chu kisih a nungsun ding nop ngai ahi. ‘Kisih’ le ‘nungsun’ kiti hin lunggel dan ho le chondan kheldoh tina ahi. Hichu, chonset’a kona kiheimanga, Jesu Christa kom jot tina ahi (Acts 3:19). Tahsannna jala chu, Jesu’n chonset jeh a ithoh diu chu athoh tai ti tahsana, Ama chu ihinkho diuva Pakaiya kipomding ahi. Hitia chu iboltengule, Pathen cha ihiu ahitai(John 1:12)chule tonsot a hinna chu chang dinga eiteppeh’u ahi (John 3:16).

HUHHINGNA KISAN

Eihon akom inungjot kit theina diu Pathen in lampi asem ahiin, hichu inopteiyu ngai ahi. Hichu – Michonse ihiu hi noptei ngai ahi, chule chonset chu kisih a nungsun ding nop ngai ahi. ‘Kisih’ le ‘nungsun’ kiti hin lunggel dan ho le chondan kheldoh tina ahi. Hichu, chonset’a kona kiheimanga, Jesu Christa kom jot tina ahi (Acts 3:19). Tahsannna jala chu, Jesu’n chonset jeh a ithoh diu chu athoh tai ti tahsana, Ama chu ihinkho diuva Pakaiya kipomding ahi. Hitia chu iboltengule, Pathen cha ihiu ahitai(John 1:12)chule tonsot a hinna chu chang dinga eiteppeh’u ahi (John 3:16).

HUHHINGNA KISAN

Eihon akom inungjot kit theina diu Pathen in lampi asem ahiin, hichu inopteiyu ngai ahi. Hichu – Michonse ihiu hi noptei ngai ahi, chule chonset chu kisih a nungsun ding nop ngai ahi. ‘Kisih’ le ‘nungsun’ kiti hin lunggel dan ho le chondan kheldoh tina ahi. Hichu, chonset’a kona kiheimanga, Jesu Christa kom jot tina ahi (Acts 3:19). Tahsannna jala chu, Jesu’n chonset jeh a ithoh diu chu athoh tai ti tahsana, Ama chu ihinkho diuva Pakaiya kipomding ahi. Hitia chu iboltengule, Pathen cha ihiu ahitai(John 1:12)chule tonsot a hinna chu chang dinga eiteppeh’u ahi (John 3:16).

PATHEN IN HUHHINGNA AGON

Pathen in eingailut behseh jal’un, chonset thina akona eilhatdoh diu, Ama koma eilepui kit diuvin Achapa neisun Jesu Christa chu leiset a ahinsoltai. Hijeh achu, Bible in, “Pathenin hibanga hi vannoi angailut jeh in Achapa neisun(Jesu Christa) chu apetai, hichu, Ama tahsan chan mangthah louva tonsot hinna aneitheina ding joh ahi.” Ati ahi (John 3:16)

Hitia chu, Jesu Christa chu hunga, eiho chonset jeh a ithidiu khela Cross chunga hungthia, chule thoukit ahitai.Hitia chu Pathen le eiho kah a kikhenna chu ajopmat kit a Pathento ei hinkhomsah kit’u ahitai.(1 Timothy 2:5-6).Hinla, mijouse hilouva, atahsan hon bou hiche huhhingna, Pathento kijopmatna chu aneiyu ahi.Atahsanho vang chu Pathen chate hikit ahitaove. Hichu, Jesu Christa tahsan jala bou chanthei ahin, mihem tohphat jal le mihem kihabol vang hilou ahi. Mihem in huhhinga iumtheina diuva imacha bolthei ineiyu umlou ahi. Pathen khotona jala bou huhhinga um thei ihiuve (Ephesians 2:8-9).

Bible in asei “huhhingna,” hi tonsot thina peldohna, tonsot-thina akona sochatna le Pathento kichamna le Amato chenkhom jingna ahi ati. John 3:16, ahin kichentah in, Jesu Christa tahsan’hi huhhingna le tonsot hinna eineisah’uva ahi ti ahilchene:

“Pathenin vannoi angailut behseh jeh in Achapa neisun(Jesu Christa) chu apetai, hichu, Ama tahsan chan mangthah louva tonsot hinna aneitheina ding ahi.” — John 3:16 Hichea “vannoi” kiti hin nang le kei chule leiset chunga mijouse ahoptha ahi. Pathen in eingailut behseh jeh’uva Achapa neisun chu nang le kei,chule, vannoi pupia mihem ho lhatdohna dia ahinpeh ahitai.(Romans 5:8). Ei huhhingna diuva, hiche Pathen Chapa, Jesu Christa  chu Cross a hung thia, hichun nang le kei chule atahsan jouse chonset man chu asah ahitai ( tichu, nachonset jeh a nathiding khela Ama kipea, thia, chonset jeh a thoh hahsa nathoh ding na akona chu na lha ong ahitai, nang na thi ngaitalou, nang khela thia ahitai. Chule, Athi chu khatveiya thichai ahitai( velthi ngaitalou ahi). Hijeh achu, Athi kona chu, “akichaitai” tia aphondoh ahi.(John 19:30), hichu, nang le kei eilhatdohnau (Huhhingna) kin chu achaisoh (kichaisoh) ahitai tina ahi.

Jesu “Pathen Cha” ahina chu Pathen to-bang ahina ahi. Hijeh achu, Theologian hon “Pathena mithum”(Trinity) atiu – Apa, Acha, chule, Lhagao Theng atinauva hi khat ahi. Hinla, Jesu chun, Pathen-tokibang  (John 1:1-3;10:30) ahijeng vangin, mihem banga hina neiyin ahungin, nang le keidin lunglhaiselin ahung thitai(Philippians 2:5-8). Hichu, nang le kei damna ding ahi.

“... koihile atahsan chan mangthah louva...” tihin,Jesus Christ chu Pathen Chapa ahi, natahsana, na-Huhhingpua nakisanle nachonset jeh a tonsot a nathohgimna (Pathen-a kona manthahna) ding chu nathohlou ding (ongdoh) nahitai, ajehchu, nathoh ding chu Jesu’n cross chunga anathoh tai.

“... tonsot hinna anei joh diu ahi.” Jesu Christa chu natahsanle, tonsot a thina le Pathen-to kikhenna hilouva, tonsot a hinna nanei joh ding ahi. nstead of eternal death and separation from God, you will have eternal life the moment you trust Christ. Nahetthei ding chu:

Na chonsetna kingaidam ahitai (Colossians 1:14), Pathen cha nahitai (John 1:12), tonsot hinna nanei tai (John 3:16) 

MIHEM IN HUHHINGNA ANGAICHAT

Pathen thun asei bangin mijouse chonse ihitaove. Hichu nang le kei sei le ngaidan ahipoi, Pathen thun asei, Pathen in michonsea ei koiyu ahitai. Adam le Eve suhkhela kona chu ason-apah jouse hi chonsea eikoi gamu ahitai, Amato hinkhomna, Amato chenkhomna akona kikhen ihi gamtaove. Keiman, nangma chu “hichu nasuhkhel ahi, hitia chu chonse nahi” kati ahipoi. Pathen eiti joh’u ahi. Ipi nalo ding ham? Iti “ka chonsepoi” tijong lechun Pathen in achonsea nakoi ahi jeng’e. Koiham Pathen nellha ding? Nel-hat a van-gam lutthei ham? Ahipoi. Pathen nelding koima aumpoi. Asei chu “hihen”atile hijeng; “hi dahen” atile hida jeng, alonajebei ahi. Hichea kona chu mihem hi chonset thaneina noiya uma, Satan thuneina noiya uma, gentheina le hahsatna jouse hin eidel khum’uva, kiteldoh theilouva, kihen-oh, chonset jeh a natna le hahsatna jouse uma, tahsa thina uma, tonsot thina gei umdoh ahitai. Mihem in ‘chonset- Satan-gal chu ajou theipoi. Mihem thaneinan ajoupoi. Pathen in bou ajo ahi. Hiche chonset-Satan vaihomna akona chu Pathen huhhingna mihem in angaichat ahi.

Hitia um hetchet jehchun Labolpu’n : “Chonset in eihensottai. Lungin nang kalhangaiyin” ati ahi. Hitia chu mihem in chonset’a kihen ahi akihet’a Pathen alhangaiya akoutengle Pathen in asana chutengle, hiche Labolpu banga hi :

“Nemheucha neikou kajai” tia Pathen kouna O chu ajah a, chutah chule, Pathen koma ajot’a abelji ahi, hichu Labolpu mama chun asei: “Ka hungtai, nanglim jonin” tia Pathen kom abela Pathen in ahuhhingi ahi.

Pathen thu Bible in Rome 3:23 muna aseibanga “Mijouse hi chonse ahitai, Pathen loupina changlel i-hitaove”. Hitia chu, mijouse hi suhkhelneicheh ihiuvin, asukhel jingthei jong ihiuve. Hitia, mihem suhkhelna, Pathen deilou bolna, chonsetna le lhinlelna hohin Pathen,theng  le phachamkimpa chuto tonsot adia eikhen’u ahitai.

Pathen hi hinna bulpi, mihem ‘hinna’ pea chu ahi. Amato kikhen chu ‘hinna’to kikhen ahin. Hinnato kikhen chu ‘hinna umtalou’ tina ahin, ‘hinna umlou’ chu ‘thina’ ahi. Pathen chu tonsot Pathen ahin, Amto kikhen chu tonsot’a thina ahitai. Hichehi keima sei ahipoi, Pathenthu’n asei ahi, Romans 6:23 simlechun, “Chonsetman (chonset bol) chu thina ahitai” tia asei ahi.

Avelin sekit’ute, Pathen deilou bolna chu ‘chonset’ ahin, ‘chonset’ chun, tonsot a Pathento eikhenu ahitai. Pathento kikhen, Pathenna kona gamlatah a um ihitaove. Pathen chu ‘hinna bulpi’ ahin; Amato kikhen chu ‘hinnato kikhen’, ‘thina’ ahitai.

Hitia chu,mijouse hi chonse, athi ihigamtauvin, huhhingna ngaicha  ihigamtaove.  Athi chun hinna aneikitna dinga chu, hinna pethei thahatna angaichat ahi. Hiche hinna, Lhagaova hinna pehna dinga chu, chonset thaneina le vaihomna noiya kona loidoh, huhdoh, kaidoh ngai masa ahi, hichu ‘huhhingna’ kiti chu ahi. Hitia chu, mijouse chonset thahatna noiya,sohbanga kihenna, huhhingna ngaicha ihigamtaove.

Chonset ngaidamna changlouva koima Pathen kom jonthei umlou ahitai. Jesu’n, “Pengkit louvin koiman Pathen lenggam amutheipoi” ati ahi(John 3:3)

Hitia, Pathen’a kona gamlatah a umna, Pathen umlouna muna umjehchun, tuni geiyin, chonset vaihomna jeh in, genthei le hahsatna, thina le manna adim joutai. Mihem koima akipahtah thei aumtapoi. Akipah hojong, akipanau achuljitan, kana le lhisona adim joutai.

Huhhingna,panpina ngaicha jinga mijouse uma ahitai. Ahatpen jong, hatjomlou, panpi ngaichatni umteitei; joa umteitei jeng. Koiman ajoloupa jong chu joa uma thi thou thou ahi. Chonset in mihem jouse ajou gamtai. Nat le hahsatna, lungjin boina jouse hi Pathen thu nitlouna akona umdoh ahi. Adam le Eve in Pathen thu ana palkeh lhon hihle Pathen angsunga umjing ding ihiuvin, Pathen angsunga chu iti nat le hahsatna um ding ham? Pathenna kona gamla tah a ium jeh’uva hitia hi genthei-hahsatna a dim ihiuve!

Hiche hahsatna hohi iti peldoh ding ham?

Pathen kom ijot diu ngai ahi. Pathen koma hahsatna le gentheina umlou ahi.

Iti Pathen kom ijot kit thei diu ham? Pathen in adeldohsa chu iti akoma aumsah kit nom ding ham?

Pathen chu NGAILUT ahi ( 1 John 4:8) Ngailutna a dim ahi jeh in Pathen in akoma ikilekit theina diu eigonpeh’uve.

Pathen chu NGAILUT ahile ipidia mihem chu ana deldoh ham?

Pathen chu ATHENG ahi. AThen jeh in athenglouto aching khom theipoi.Mihem chu achonsettah jehchun Pathento umkhomthei ahitapoi. Paidoh ngai ahitai. Achutiloule Pathen thenna chu iti umthei ding ham?

Pathen chu KIDIHNA A DIM ahi. Akidih jeh achu, akidihlou, thu ngailou chuto ukhom theilou ahi. Thu ngailou chu paidoh a um ngai ahitai.

Ahi mongin, Pathen thusei chu thaneitah ahi. “Um hen” atile thiljouse chu hung um jeng ahi Genesis bung khat sunga imutaove. Adam koma “Na neh nini athi ding”anati ahin. Adam le Eve in nehlou ding aneh lhona chu Pathen in anaseisa akamchengsoh chun achamchama na ahintohdoh jeng ahi. Anehjou lhona chu Pathen in “thi lhontang” ati hidehtalou. Anaseisa chun na atohdoh a aneh jou jou lhona chu “Amit lamlhon kilehlha jeng” ahitai. Hichu, Pathen hiina (lhagaova) chu thi lhon ahitai.

Pathen in, chonset jeh a mihem hitia chonset noiya uma, athia aum hi, ei khoto behseh jeh un Ama kom ijot’uva Ama hinna, tonsot hinna chu ineikit theina diu agongtai. (Pathen chu tonsot mi ahin, Ama hinna chu ‘tonsot hinna’ ahi)

CHONSET IN PATHEN LE MIHEM AKHEN

Pathen in mihem hi achenkhompi, akivoppi dia anasem ahin, angailut dehst ahi. Thiljouse asemjou phat in, akhuttah in mihem, ama limlo in asemtai. Hitia, mihem asemteni- Adam le Eve – chu honsung khat, Eden hon kiti sunga chun akoiyin, phatthei aboh in “hingpan, pungun “ ati. Chule, athilsem jouse chunga thuneina le vaihomna jong apen, honsunga thingga jouse, chujongle, ganhing jouse, sa le nga, ju le va jouse jong anna aneh lhon din aseipeh tai. A ngailut jeh in, mihem chu chamlhatna le deilhentheina jong apehthai - Anop le Pathen thua chonthei, anoploule Pathen deihilouva amadeijoh’a jong chonthei ahi. Hiche chamlhatna chun dankhat aumin, hichu - honsunga thingga le louhing namkim, juleva jouse,sa le nga jouse chu anehthei lhondinga peh ahi lhone. Hinla, ‘se le pha hetna’ thingga vang chu anehthei lhon loudinga Pathen in anateppeh ahi. Hiche ‘se le pha hetna’ thingga vang chu aneh lhonle thijeng din Pathen in aseipeh tai(Genesis 2:16-17).

Adam le Eve chun ‘chamlhatna’ kipe chu ana mangkhel lhontai. Pathenin “Neh louding” atichu anelhontai. Hitia, Pathen thupeh apalkeh lhonna chu ‘chonset’ kiti ahin, hichu Pathento kikhenna ahitai. Chonset abol lhon jeh in Pathen in anodoh in, tonsot’a din Pathento akikhen lhontai(Genesis 3:22-24). Hichea kona chu, mihem khat Adam chonset jeh achu mi jouse hi michonse ahichehtai tia Bible in Romans 5:12 na achu asei ahi. Pathen thu’n aseibe kit in ”Mijouse hi chonse ahitan,Pathen loupina chu changlel ahitauve” ati ahi (Romans 3:23). Chujongle, hiche chonset chun tonsot adia Pathen to kikhenna, thina asodoh ahitai(Romans 6:23). 

CHONSET IN PATHEN LE MIHEM AKHEN

Pathen in mihem hi achenkhompi, akivoppi dia anasem ahin, angailut dehst ahi. Thiljouse asemjou phat in, akhuttah in mihem, ama limlo in asemtai. Hitia, mihem asemteni- Adam le Eve – chu honsung khat, Eden hon kiti sunga chun akoiyin, phatthei aboh in “hingpan, pungun “ ati. Chule, athilsem jouse chunga thuneina le vaihomna jong apen, honsunga thingga jouse, chujongle, ganhing jouse, sa le nga, ju le va jouse jong anna aneh lhon din aseipeh tai. A ngailut jeh in, mihem chu chamlhatna le deilhentheina jong apehthai - Anop le Pathen thua chonthei, anoploule Pathen deihilouva amadeijoh’a jong chonthei ahi. Hiche chamlhatna chun dankhat aumin, hichu - honsunga thingga le louhing namkim, juleva jouse,sa le nga jouse chu anehthei lhondinga peh ahi lhone. Hinla, ‘se le pha hetna’ thingga vang chu anehthei lhon loudinga Pathen in anateppeh ahi. Hiche ‘se le pha hetna’ thingga vang chu aneh lhonle thijeng din Pathen in aseipeh tai(Genesis 2:16-17).

Adam le Eve chun ‘chamlhatna’ kipe chu ana mangkhel lhontai. Pathenin “Neh louding” atichu anelhontai. Hitia, Pathen thupeh apalkeh lhonna chu ‘chonset’ kiti ahin, hichu Pathento kikhenna ahitai. Chonset abol lhon jeh in Pathen in anodoh in, tonsot’a din Pathento akikhen lhontai(Genesis 3:22-24). Hichea kona chu, mihem khat Adam chonset jeh achu mi jouse hi michonse ahichehtai tia Bible in Romans 5:12 na achu asei ahi. Pathen thu’n aseibe kit in ”Mijouse hi chonse ahitan,Pathen loupina chu changlel ahitauve” ati ahi (Romans 3:23). Chujongle, hiche chonset chun tonsot adia Pathen to kikhenna, thina asodoh ahitai(Romans 6:23). 

THILJOUSE SEMA PATHEN AHI

Lei le van le asunga umjouse hi Pathen sem ahi tihi Bible in Genesis 1:1-25 sunga hin kichentah in eiseipeh’un ahi.  Thildang hohi, Pathen in “umhen” atile hung um jeng ahin, Mihem vang hi  akhuttah a, Ama limlo’a anasem ahi (Genesis 1:27). Deichomtah le ngailutna neitah a asem ahijehchun, khohetna le thaneina, deilhentheina jong anapehtha tai. Hinla, hiche deichom achanna, chamlhatna chu mihem in amangkhel in, tonsot’a dia gentheina, ka le lhisona, thinagei akilamdoh lotai.

Pathen in asemsa mihem chu, ama banga hinnanei, thunei ding le vaihom dinga akoi nom jehchun, ama limloa asem ahin. Hitia chu, athilsem ho chu, Ama thalhenga veching ding le achunga thunei-vaihom din angansetai. Hitipet chun, thiljouse asemjou chun, Pathen in ave in ahile pha asalheh in ahi.(Genesis 1:31).

Hichea hetbe dinga Pathen thun adei chu – Mihem hi thilsem dang ho sanga achomna hi ahi. Pathen in asem jouse chu Genesis bung khatna ahin asei chaitai. Hinla, mihem kisemdan vang hi avel in Genesis bungni lama hin ahilchenbekit’e. Genesis 2:7 ahin “Mihem hi Pathen in leiset akon in asemin, anahhom sunga ‘hinna’ chu ahailutle, ‘mihem’ chu ‘Mihing’ ahungsoh tai” tia Bible hin kichentah le deichomtah a kisem ahina avelsei ahi. Hichun, mihem hi ‘hinna neiya’ kisem, chule ‘Pathen hinna nei’ ahi aseina ahi. Mihem mai hilouva ‘Mihing’ ahina hi thildang kiseinato akikhetna ahin, chule, hiche ‘hinna’ pea chu Pathen ahin, Pathen lim alona jong ahikit e. Hiche hi gel jingin lang abana thu hi simin. 

Pathen phatthei bohna channadia chonset phon ngai ahi

Golte, Pathen in phattheina tincheng nape henlang, Alungdei hinkho manga Acha dihtah nasotahen. Pathen thu’n, chonset phondoh hi ahasei val jenge. “I-chonsetnau i-phon doh’ule, Ama chu tahsan umtah le kidihtah ahin, i-chonsetnau jouse angaidama, i-thenlouna jouseu eisoptheng diu ahi.” (1 John 1:9)

Hitia chu,i-chonsetnau i-phonlouvule phattheina eichan loudiu ahi. Aphon tahle, aphai. Pathen phattheibohna thumin Jesu minin. Naathuma jong nachantheiloule, naphon chu kimlou hithei ahi, phangkit jenginlang, “Pakai Jesu ka Leng le Huhhingpu nahi, nanga um phattheinakim chu neipen, nalungdei hinkho neimansah in” tin taovin.

Na phonloulai ahile tuhin, dilsun lang, guhthimcha beh in taovin, nachonsetna phongin lang ngaidam thunmin. Chule, Jesu Christa chu na Leng le Huhhingpu-a na kou le na kisan thu seidoh in. Naloi le golte het in jong “Pathen in Jesu Christa-a hinna chu eipetai, ka nunchan jong eikhelpeh tai, kipanakim eipetai. Tuvang hin, ka itpen chu – Jesu Christa-a kipana kanei hi amanding kanompoi, asumo le kamansahna dingin ka umnom tapoi” tin seiyin, facebook in jong phongin. Chutile, agiloupa chu nanga kona jamming ding;  Naloi le golin jong a dihlou nakoma seinom le bolpinom taponate. Pathen in nahinkho khel dom domintin, kipana le lolhinna napeh dom dom ding; natahsa le lhagaova nadamsah a, phatthei naboh ding; Ama kina manthei dinga nasemkhel jeng ding ahi. Keima hinkho jong chuti ahi.

Nachonset naphontahle ‘Amen’ jih in. Pathen in phattheinakim chu nape jingjeng tahen.

JESUA HINNA KISANIN : PATHEN MI KHOTONA

 (janhia banjom)

Ki oimo poute! Koima oimo hih in, oimo thei aumpoi. Aphamopen nati jong chu, moh oimo hih in, ama dinmunin dinglechun, ama sanga nakhoh joh thei ahi! Hiche jeh achu, thil umdan jouse hetohsoh Pakai Jesu chun “Oimo hih in, oimoa na umlouna din; mi na oimo bangbanga oimoa na umding ahi” ati ahi (Matthew 7:1-2).

Adeilou le ada sasa ahi’na(habit phalou thua nung) chon ho khu ka lung aseji.Kalunggilin “Pakai huhhinguo”katijin, adangla kabol theipoi.Ka panpi nomjin, panpina thei thaneinala kaneipoi. Hinla, chonset galjousa ka Leng le ka Huhhingpu kom kalhutjin,pan lahna mun a onteng Pakaiyin, agal chu ajopeh din katahsan e.

I-atile, mihem hi hitia umjeng ham?

Asemsa mihemte hi Pathen in angailut a, kipahtah le lolhingtah a hinkho aman ding adei ahi. Hinla, hitia a-um ding chu Agiloupa hi nomlou ahi. Agiloupa hinpohlut chonset jeh a mihemte hin hahsatna tincheng i-tolou ahibouve. Hijongle,hiche ho jousea kona jong hi Pathen in eihuhhing nom’u ahi. Hiche nadinga chun tohgon anei ahin, hiche Pathen tohgon chu nahet a, najuile, hinkho jong kipahtah le lolhing tah a namanding; chujongle, tonsot a hinna jong naneiya kipah jing ding nahitai. Hichu nahet nomle noiya hohi,taoto thon simin.

Tutah jong hin, Jesu’a hinna um chu changing dingin thumin, Jesu kouvin, taovin. Nataole ‘Amen’ jih in. Pathen in panpi jingtan.

JESU’A HINNA KISANIN:

THUMAKAI:

Pathen in na ngailui. Na kipa le lunglhai ding adeiye. Kipana le nopnakim napenome. Hinla,nasumo aumjin, napetheipoi.

Ipi ham nasumo achu? I-atile, Pathen in adei chu napeh theilou ham? Ajeh nahet em?

Nasumo, na nanga uma ahi! Hiche nasumoa panga chu hattah ahin, nangma thahatna-a najothei ahipoi. Panpi nangaichai. Panpina chu, nasumopa sanga hatjo ahiloule ajolou ding ahi! Hatchungnung thaneina ngaichat ahi.

Houina ka thuseina-a “Ka thusei hi min angainom sangin, lunghangleu katijoi” katile, hichu Hou lamkai khat hin adatmon, “ipidia hitia chu ati ahidem ti kagelgel jeng e!” ati. Kaseilona chu – mihem hohi asumo uma, hichun along jeng jong asuhmoh(ngong)jia, lungmonna phalou apeh-a, hiche lungmonna dihlou chun, a lhagao le ahinkhankho phatna dinglam gelna ding jong asuhmo ji ahi. Hiche lungmoh chu suhking, suhkhang ngai ahi. Akinle khangdoh thei ahi. Akhahdoh tengle lunggel chu hung kihonga thudih le apha chu ahin holthei ahi. Lung kinsahna phapen chu suhlunghan hi ahi. Lungahsah a, alunghanna Chula amadia ima ase hidehlou ngai ahi. Ama dia setna dola vang akisuhlunghan khahle, phamo cheh ahi. Thudih, Pathenthua chou lunghan ding aphapen ahi. Ajehchu, Bible’a kimu bangin “Pathen thu jousehi Pathen in hu alhakhumsa le kihilna, kiphona, kisuhdihna phatah ahi, chule chonphatna lama Pathenmi chu napha chengse tongthei ahitheina dia kichuhthemna dia phatah ahi.” (2Timothy 3:16-17); “Pathen thu hi hingjing le natonghatjing ahi.

Mihem koima aphamonom aumpoi Mijouse hin phat anom cheh in. Minphat, mi seiphat, mi pachat le miho dei le ngailut hiding anom cheh e. Thil umdan le ahinkhoa atole achan ho jeh a min phatmo abol ahibouve.

Judon, jukham, loune, le adang hokhu moh oimo hih in! Thanoma abolsung koiman amudoh jipoi. Mi mua aboltengle, ama deiya bol ahitapoi, ‘abola uma’ ahitai.

Abola uma ahi!

Abolsahpa chun athua anunsah a, ada achamlouva, jasan-javom dontheitalouva, abolji ahi. Phatechan helechun, nalungset a, napan hu nom ding ahi.

Pakaiyin kahinkhankhon eimusah in, eihetchetsah in; Aseitheiyin eikoitai.Hiche jeh ahi, kakilop hilouva, Pakaiyin eingailut jaluva, hitiho, Agiloupa thaneina akona eihuhdoh nom thu’u hi seidinga eideina jala sei kahi. Mohsei kahipoi.

 Mihem hohi ‘abola uma’ ahiuve!

Abola um ahi!

Abola chu ajolou ahi!

Lungset umtah ahi!

Panpi ngaicha ahi!

PATHEN MI KHOTONA

Chunga kisei, agiloupa thaneina jouse a kona hi Pathenin koitobang hijongle ahuhdoh thei ahi. Judon-loune, tolthat, mijong, phatlouna tinchenga kona jong Pakaiyin, michu ahuhdoh thei ahi. Aumlouva kona thiljouse umsahpa chun aphamo pen jong aphapen asothei ahi. Na nunchan phalou (bad habit) jouse jong napaisah thei ahi. Athikon jong ahuhdoh thei. Min thadinga nagot pet jong, nat jeh a nathi kon jong nahuhdoh thei ahi. Tulaiya nat gimneipen itiu ‘AIDS, Cancer’ le adanga kona jong ahuhdohthei ahi.

A Umlou umsahpa chun aumlou aumsahthei banga aumjouse jong abeisah thei ahi.

Natahsan em?

Na tahsanle, Pathen thangvahnan ‘Amen’ jih in. Chule, aban nitin in sim peh in. Pakaiyin phatthei naboh hen.