PATHEN IN NA NGAILUI

Pathen in eingailut jal’uva mihem’a eisem’uva; chule, van le leiset le asunga umjouse hi eingailutnau vetsahna dia asem ahi. Pathen in, Themgao Moses chu Lhagao Theng’a kona athuhi ahetsah’a ajihsah ahi in, hichu Holy Bible’ahiwww.facebook.com/lalkamhengnan akijih e. Pathen thilsem hothu, Moses jih ho Genesis buakon sim’ute. Hiche hi chomcha cha, aban bana, “PATHEN IN NA NGAILUI” tia, hin kiso jom jing ding ahi. Lekhabu dang simbanga simho’n Pathenthu hi ahethem theipoi. Pathen Lhagao Theng panpina abou kihechen ahi. Hijeh achu, Pakai Jesu le aseijuite chun “Angaina ding Nakhang neiyan ngaihen” atijiu ahi. Hiche sim jouse Pathen in “Nakhang” ati “Lhagao Theng” chu apehcheh ding ka taona ahi. Athu nasimna akonin – Pathen phattheibohna changta’n. Pathen in phatthei naboh dia taona mang kahi.

SEMTI’L THU

“1 –Ati’la chu Pathen in van le leiset anasem ahitai. 2- leiset hi alim le agongso umlou le akeohel anahi’n, ongho’m thuhtah chunga chu muthim um a, chule tuipi mai’a chu Pathen Lhagao chu kilaplele anahi. 3- Hichun, Pathen in “Vah hung umhen” atile Vah chu ahung umtai. 4- Pathen in Vah chu aphat ahi amutai, hichun, Vah chu Muthim to akhentai. 5- Pathen in Vah chu amin “Su’n” asah in, Muthim chu “Jan” asahtai. Chule, nilhah ahung um in, jingkah jong ahung umtai – hichu, nikho ummasapen ahung hitai. (Genesis 1:1-5 NKJV)

HETDING : Sopite, tujeng in jong, Pathen’a hinna,Lhagova penthahna neiloudin, semti’la, lei le van agongsobei, muthim lah a hinkho umbou ahi. Jesu Christa chu Leng le Huhhingpu dia ikoutengule bou Pathen in “Vah umhen” atijia “Vah tahbeh, mitinsalvahpa Jesu” chu isunguva a Lhagao Theng’a chenga hinkhothah chu kineiji ahi. Hitia chu, “Vah, Jesu” chu eihoa aumtengle hinkholui mang hoto achom kihung hiji ahi. Jesu umna hochu “SUN” chate hija, Jesu umlouna mite chu “MUTHIM” chate hiuva, Pathen in asekhenjia, “Vah chate” chu “Muthim chate” akona achom’a akoiya, phattheina tincheng apehji ahi. Hitia, Jesu Christa ikisannuva, hinkhothah eipeh niu chu nikho masapena Pathen in “HINNA LEKHABU”a chu imin’u ajihlut ji ahi. Hinkhothah mang din nangjong katem’e. Pakaiyin phatthei naboh tahen.