Huhhing channa di a Lunga tahsan a, kama phondoh ding ahi

“Nangman nakama “Jesu hi Pakai ahi” tia naphondoh a,chule Ama chu Pathen in athilah a konin akaithouve ti natahsanle huhhinga na umding ahi.

 Ajeh chu, natahsan nachu nalung ahin chule hichu them nachanna chu ahin; chule natahsan naphondohna chu nakam ahi,hichu na sochatna ahi.

Pathen lekhabun, “Koihile Ama tahsan chan chu kijumsolou ding” tia aseibang chun.

Ajehchu, Judami le namdangmi achomna aumpoi- Pakai khat chu Pakai ahi jeng e; chule Ama kou chan chu bulhingset a phattheina kichan ahi, ajehchu,

“Koihile Pakai min kou jouse chu huhhinga umding ahitai.”(Rome 10:9-13) Hiche a kimu chu, ‘na lunga natahsan ding’ hichu ‘na themchanna’. Chule, na ‘tahsan kihetna’ dinga ‘nakama naphondoh’ ding, chule , hiche photchetna a chu ‘nahinkho manna a navetsah(profess) ding’ ahi.Pathen in eingailut, lungset-khoto le khohsah danu hi – chonphat vang hilouva, tahsan jala huhhinga umthei dia eisempeh u ahitai. Chonphat vang hile koima asohcha ding aki umpoi!

Lungset-khotomana bou huhhinga um ihiuve. Lungdong hih in, gol. Natahsan tei katahsan e.

Nakama naphondoh loulaile, tuhin, dilsunlang, taovin, phongdoh jeng in.

Chule, nahinkhoa na vetsah theina dingin, “Pakai, katahsan e, ka lhahsamna a neipanpin; kahinkho nangin nei puiyin, na deilam hinkho nei mansah in tia ka Leng le Huhhingpu Jesu Christa minin, Amen” tin taovin.  Pakaiyin na panpi jing tan.