'Jesua hinna' kihonlona

Hiche 'Jesua hinna' hi I-Pakaiyu Jesu Christa mihuhhingna thu mijouse chankhompina dia Online mission kisem doh ahi.

Lungdonga ka umlaiyin, Jesu Christa kakouvin, Aman eisangin, kichehtah a anikho kahettah lou vang in Nisim 14 April 2010 hinte. Hichenia pat chun, Pakai Jesu, ka Leng le ka Huhhingpu chu kahinna apumpi Amakhut a kangamtai.

Akidange, golteho,hichenia pat chun katahsa chunga natna jouse kasumil gamtan,Bible nasatah a simnomna lung eipen, nitinin, tanglouhel in ka simin – ajona lamin Genesis apat Revelation gei lhakhat val jep in kasimchai jenge. Bu kaneh jongle kakoma kapha jeng ahi. Tolpot louva, damlou umthim banga umjeng, kaloinun, ei umpi jeng ahi. Ka sim jouvin jong Lha Lhali ina ka umthou nalaiye. September lha kisuhhalna programme kichaiyin bou masanga katohngai katong pan kit bouvin ahi. Hichun, Internet a natoh kakipantai. Mobile a Jesu a hinna thu ka hin phong panin, Internet a natohdan ka kijilto, Pathen thu Internet a course lentah tah ho kahin bol panin; hitichun, Lhumlam gama Pathen thusei nasatahtah ho le Internet a kihilna semho jop in, tuni geiyin kajiljouna hoto jong pankhomna achejingtai. Amaho jousen jong, hitia,Pathen thu lhangsap din eitilkhou jingun ahi.

Mobile bana blog kana hongin ‘truehelper’ tin, chujouvin facebook www.facebook.com/lalkamhengnawww.facebook.com/lalkamhengna  le facebook a group www.facebook.com/groups/dailyfeed/ le <www.facebook.com/groups/351933131494294/Jesu@hinna>. Chujouvin, ka Secular news  Onlinenews muna page hongin ‘A blessed life in Jesus’ tin, chubanin, ‘In Jesus’ <http://ablessedlifeinjesus.blogspot.in/> blog, abanin tua blog <http://jesuahinna.blogspot.in/> ahi kit e.

 Tukhanga thilsoh hoa kona mudohthei hohi veuvin - Koiman kiloma agelloulou ho koma Pakaiyin thu aseiya, mandia kilom loulou jong amanji ahi. Kei tobang kama kona Ama thu lhangsap jong hi keiman jong manga jong kana matkhahlou ahi. Hinla, aseidin aki umtai. Pakai anople nangjong naman jengthei ahi. Hiti hohin, Pakai kino avetsah in - phatpha ineilai sunguva hi Ama ihol diu, amusa hon ikipanau 'Lo khuh khum louva' mite het le phatchompi dia isei phongna diuva kibol ahi. Amun aumloule kon alasahthemna asodoh a, akipana aphon ding ham, Field aumloule iti kon bol apehthei ding ham? Hiche banga chu Thuso lekhabu aumle min thu aseitheina le phonjal theina hin, Internet hoa hi 'site' aumle min thu phondohna a amantheibou ahi.

Thuso bolmi kahina hi Pakaiyin amannomle tia hin kibol ahin; Taona a Jesu koma pehdoh thengsa ahin, Pakai jana neitah in mangchaute. Jesu athia athodoh kit chun Seijuite koma " kei kahin banga nahindiu ahitai. Kipah tah in umthimbeh un" atipoi. Ipi ati em?

Pakai Jesu’n, "Van a le leiya thuneina jouse keima eikipea ahitai. Hijehchun nang ho cheuvin, namtin a mijouse seijuiyin gasemun, a-Pa, a-Cha, chule Lhagao Theng min a amaho chu Baptize gabol'un; chule keiman nangho kapeh thu jouse hi aboncha anit dinguvin gahil un; chule veuvin, vannoi leiset kichaini geiyin keiman nangho ka umpi jing nauve," ati (Matthew 28:18-20).

Hiche hi, Seijuite keo hilouva, Ama a hinna thah, huhhingna neijouse eisolnau ahi. Asim le ajop member jouse Pakaiyin umpi jing tahen, Amen.