(tunilhah 1 houina kathusei)
Bible abul ivetle Adam in aloinu suhkheljeh a athiding chu thipi ngamin akiphalin ‘Neh loudia Pathen in asei’, aloinu Eve in anehjouva ama jong apeh chu Adam’in anen, lhagaovin athigel lhontai.Hinla, Pathen in khonunga huhhingna asemkit lotai, Adam kiphaltheng (Sacrifice)hi Pakai dia lunglhai um khat ahi.
Pathen in alhendoh le akoudoh Abraham chu – agam hetlouna a avale laichun aloinu Sarah koma aseiyin, “Mihoi nahin, min namu tengule nadeichat jeh’uva eithalo thei’u ahi. Eitha sanguvq “Ka sopinu ahi” kati ding ahin, nangin jong “Kahinai” nati ding ahi” atipeh e. Leng Pharaoh in Sarah chu adeichatai. Abraham adohle “Ka sopinu ahi” atin, Sarah chu jidin akipuiyin, thil tampi Sarah man bangin Abraham chu apetai. ( Genesis 12: 10-20)
Sarah chun ajipa angailut jalin, ain le ajipa dalhan, kichat le thiding jong donlouvin, miji hidin ajipa dalhan achetai. Hitia, ajipa huhhingna dia akiphal chu Pakai lunglhai teiya hinte, Pakaiyin Pharaoh le a insung mite chunga natna alhunsah in, tongkha manlouvin Sarah chu alepeh sah tai. Hichun, Abraham le Sarah chun gou tampi aneidoh lolhontai. Leng Abimelech tojong chute chun aumkit e (Genesis 20:1-18)
Abanin, Isaac jong apa Abraham bangin ajinu Rebecca chutin abolkit e (Genesis 26:1-32). Rebecca jong, ajipa Isaac huhdohna din akiphal in, Leng Abimeleck ji hidin, ajipa le insung dalhan achen, hinla, Pakaiyin ahuhdoh in, nei le gou tampi alamdoh lolhon tai.
Pakaiyin, Ama thupeh nit jala pan late, suhkhel anei jengu jong ngaidamin, suhkhelna akonin jong, ase beihel le aphalam tah in aheidoh peh ji e. Hiche hoa hin kiphal thengna (Sacrifice) apang cheh e.
Achaina lam in, Nungah Theng Mary chu, aji kihelouva naovop ahiding chu, Israelte dana ‘ajong’(Adulterer) ahin, songa selih ding bou ahi. Hinla, Pakai sei ahijal in, thiding jong kicha louvin, Pakai thupeh nit in “Pakai, nasei chu kachunga lhung jeng hen” tin akiphaltheng (Sacrifice) tai.
Koi thi malah in, vannoi pumpia minthangpen, Vannoi Huhhingpu Pakai Jesu Nu ahung hitai
I-Pakaiyu Jesu Christa Chula, kiphalthenga (Sacrifice) sangpenin akiphaltheng in, ahinna atoh in Cross chunga ahung thitai. Hichu, nang le kei, chule, vannoipumia mi, atahsan jouse Huhhingna ding ahitai. Ama athi in, Pathen in, loupe tah in akaithou kit in, lei le van a thuneina jouse apetai. Hiche thaneina jal in, Ama tahsate jouse chu “Pathen cha” hitheina eipetauve.
Loupina Pakai chang tahen.
Bible in “Eiho chonset neilouva iki sei’ule, eiho le eiho kilhem chavai i-hiuvin, thutah chu eihoa umlou ahi.I-Chonsetna hou iphondoh’ule, i-chonset suhkhelnau kidihtah a eingaidam diuva, Ama chu tahsan umtah ahi. (1 John 1:8-9) tin aseiye.
Mihem mitmu le mihem hi’dola miphatah nahithei ahi. Hinla, mihem, numei le thisan guiya kona peng nahi. Adam le Eve guiya peng nahi, chonsetna gui, chonsetbeh thisana peng nahi chu kihet in. Nitin suhkhel hohi, ‘iniquities’, mistake, ‘wrong-doing’ ho jong hi chonset ahinai. Hinla, chonset thisan guiya i-pen’u hin, mijouse chonse ihinau ahi. Hiche hi keisei, mihem sei ahipoi, Pathen thu’n asei ahi.
“Mijouse chonse ahitai” (Romans 3:23) “Chonset man chu thina ahitai”.(Romans 6:23) tia Bible in asei ahi. Hijeh achu, “Koima phat jeh le thilpha bol jala Van-gam lutthei ding ahitapoi”(Ephesians 2:8,9)
Hinla, Pathen ei ngailut behseh jeh un, chonset jeh a Ama mulouva tonsot a thi ding ihi nauva kona ei huhdoh diuvin, Achapa Jesu chu ahinpetai.(John 3:16) “Chonse ihi laitah un, Jesu Christa chu eiho khelin ahung thitai” (Romans 5:8)
“Chonset chu thina ahin, Jesu Christa tahsan vang chu tonsot hinna ahi”(Romans 6:23) “Jesu Christa chun eiho chonsetna jouse apon Cross chunga athin, chonset gal jousoh in, loupitah in Pa’n akaithou kittai”( John 3:10; 1 Corinth 15:34)
Na kiletsahna chu phaltheng in, Chonse nahi chu kihet in, pomin, dihsanlang chonset a thiding nahi jong dih sa in, pomin(Romans 6:23)
Tonsot geiya thiding nahi kihet in, nahuhhing din Pakai Jesu chu kouvin (Jeremaiah 33:3) Ajeh chu, “Pakai Amina kou chan chu huhhinga um ding ahi” (Romans 10:13)
Christa jala ka insung miteho, Pathen phatthei bohna channa din kiphaltheng (Sacrifice) angaiye. Na kiletsahna ‘chonse kahi’ nati nomlouna chu phaltheng in, chonset nahi kihet in, nakamin phongin, ngaidamna thumin. Hichu, Pathen dei ahi. Chutile, ngaidamna, huhhingna, Pathen cha hitheina, nachan ding. Acha nahi tengle, Pathen in phatthei naboh ding ahi.
Pathen thu’n asei hi bolin, “Nangman nakama ‘ Jesu hi Pakai ahi’ tia naphondoh a, chule nalunga ‘Pathen in athilah a konin akaithouve’ tia natahsanle huhhinga na um ding ahi” (Romans 10:9)
Huhhingna hi “tohphat vanga kichangthei ahipoi, Pathen itahsan jal’u le Jesu Christa tahsan a Leng le Huhhingpua kisan jala Pathen in eimoh peh’u ahijoi” (Ephesians 2:8-9)
Hijeh achu, nakomin, taona beh in ‘chonset nahi chu phong in lang ngaidam thumin. Chule, Jesu Christa chu na Leng le Huhhingpu hidin kouvin lang, nang huhhingna dia ahung thi chu kipathu lhut in. Chule, Ama lungdeilama nahinkho apui din temin.
Chutile, Lhagao Theng thilpeh hohi nachanna, Pathen phatthei bohna lhingset nachan thei ding bou ahi. Chutia bollou ho hi, iti phat jongleur phattheibohna achnag thei pouve.
Pathen phattheibohna chanlou jeh in, mipha, Houbung lamkai tamtah jong, lungmonna tahbeh le kipa chamkimna beiya hinkho mang – hahsatna ahunglhun tenga lungmong joulou tampi aume.
Mipha hohi Van-gama alut diu ahahsai. Ajehchu, chonse ahiu akihetthei pouve. ‘Mipha hodin ‘Chonse kahi, neingaidamin’ tia akilhan diu ahahsai. Hinla, akiphon tokahsea chonse ahiu chu, keima le nangma sei hilouva Pathen thu, Bible in asei ahi. Akiphonga vang chu ngaidam chang ding ahi Bible maman asei ahi.
Bol jeng in, Pathen phatthei bohna kisan jeng in.
John 3:16 hi taonan mangin, ‘vannoi’ kiti laihin naming jih inlang kilhannan mangin. Vetsahnan naming chu ‘ANEI’ ahile –
“Pathen in ANEI angailut behseh jalin, Achapa (Jesu Christa) chu ahin petai. Pathen in, ANEI thommosahna ding hilouva, Ama jala ANEI huhhinga aumna dia Achapa (Jesu Christa) chu ahinsol ahijoi” (John 3:16) tia seiyin, taonan kilhanin.
Hitia hi Bible chang hi manchah hi aphapen ahi, Pathen in umpi jing tan.
Hitia chu nataole ‘Amen’ jih in. Pathen in phattheina kim nape tahen.
Bible abul ivetle Adam in aloinu suhkheljeh a athiding chu thipi ngamin akiphalin ‘Neh loudia Pathen in asei’, aloinu Eve in anehjouva ama jong apeh chu Adam’in anen, lhagaovin athigel lhontai.Hinla, Pathen in khonunga huhhingna asemkit lotai, Adam kiphaltheng (Sacrifice)hi Pakai dia lunglhai um khat ahi.
Pathen in alhendoh le akoudoh Abraham chu – agam hetlouna a avale laichun aloinu Sarah koma aseiyin, “Mihoi nahin, min namu tengule nadeichat jeh’uva eithalo thei’u ahi. Eitha sanguvq “Ka sopinu ahi” kati ding ahin, nangin jong “Kahinai” nati ding ahi” atipeh e. Leng Pharaoh in Sarah chu adeichatai. Abraham adohle “Ka sopinu ahi” atin, Sarah chu jidin akipuiyin, thil tampi Sarah man bangin Abraham chu apetai. ( Genesis 12: 10-20)
Sarah chun ajipa angailut jalin, ain le ajipa dalhan, kichat le thiding jong donlouvin, miji hidin ajipa dalhan achetai. Hitia, ajipa huhhingna dia akiphal chu Pakai lunglhai teiya hinte, Pakaiyin Pharaoh le a insung mite chunga natna alhunsah in, tongkha manlouvin Sarah chu alepeh sah tai. Hichun, Abraham le Sarah chun gou tampi aneidoh lolhontai. Leng Abimelech tojong chute chun aumkit e (Genesis 20:1-18)
Abanin, Isaac jong apa Abraham bangin ajinu Rebecca chutin abolkit e (Genesis 26:1-32). Rebecca jong, ajipa Isaac huhdohna din akiphal in, Leng Abimeleck ji hidin, ajipa le insung dalhan achen, hinla, Pakaiyin ahuhdoh in, nei le gou tampi alamdoh lolhon tai.
Pakaiyin, Ama thupeh nit jala pan late, suhkhel anei jengu jong ngaidamin, suhkhelna akonin jong, ase beihel le aphalam tah in aheidoh peh ji e. Hiche hoa hin kiphal thengna (Sacrifice) apang cheh e.
Achaina lam in, Nungah Theng Mary chu, aji kihelouva naovop ahiding chu, Israelte dana ‘ajong’(Adulterer) ahin, songa selih ding bou ahi. Hinla, Pakai sei ahijal in, thiding jong kicha louvin, Pakai thupeh nit in “Pakai, nasei chu kachunga lhung jeng hen” tin akiphaltheng (Sacrifice) tai.
Koi thi malah in, vannoi pumpia minthangpen, Vannoi Huhhingpu Pakai Jesu Nu ahung hitai
I-Pakaiyu Jesu Christa Chula, kiphalthenga (Sacrifice) sangpenin akiphaltheng in, ahinna atoh in Cross chunga ahung thitai. Hichu, nang le kei, chule, vannoipumia mi, atahsan jouse Huhhingna ding ahitai. Ama athi in, Pathen in, loupe tah in akaithou kit in, lei le van a thuneina jouse apetai. Hiche thaneina jal in, Ama tahsate jouse chu “Pathen cha” hitheina eipetauve.
Loupina Pakai chang tahen.
Bible in “Eiho chonset neilouva iki sei’ule, eiho le eiho kilhem chavai i-hiuvin, thutah chu eihoa umlou ahi.I-Chonsetna hou iphondoh’ule, i-chonset suhkhelnau kidihtah a eingaidam diuva, Ama chu tahsan umtah ahi. (1 John 1:8-9) tin aseiye.
Mihem mitmu le mihem hi’dola miphatah nahithei ahi. Hinla, mihem, numei le thisan guiya kona peng nahi. Adam le Eve guiya peng nahi, chonsetna gui, chonsetbeh thisana peng nahi chu kihet in. Nitin suhkhel hohi, ‘iniquities’, mistake, ‘wrong-doing’ ho jong hi chonset ahinai. Hinla, chonset thisan guiya i-pen’u hin, mijouse chonse ihinau ahi. Hiche hi keisei, mihem sei ahipoi, Pathen thu’n asei ahi.
“Mijouse chonse ahitai” (Romans 3:23) “Chonset man chu thina ahitai”.(Romans 6:23) tia Bible in asei ahi. Hijeh achu, “Koima phat jeh le thilpha bol jala Van-gam lutthei ding ahitapoi”(Ephesians 2:8,9)
Hinla, Pathen ei ngailut behseh jeh un, chonset jeh a Ama mulouva tonsot a thi ding ihi nauva kona ei huhdoh diuvin, Achapa Jesu chu ahinpetai.(John 3:16) “Chonse ihi laitah un, Jesu Christa chu eiho khelin ahung thitai” (Romans 5:8)
“Chonset chu thina ahin, Jesu Christa tahsan vang chu tonsot hinna ahi”(Romans 6:23) “Jesu Christa chun eiho chonsetna jouse apon Cross chunga athin, chonset gal jousoh in, loupitah in Pa’n akaithou kittai”( John 3:10; 1 Corinth 15:34)
Na kiletsahna chu phaltheng in, Chonse nahi chu kihet in, pomin, dihsanlang chonset a thiding nahi jong dih sa in, pomin(Romans 6:23)
Tonsot geiya thiding nahi kihet in, nahuhhing din Pakai Jesu chu kouvin (Jeremaiah 33:3) Ajeh chu, “Pakai Amina kou chan chu huhhinga um ding ahi” (Romans 10:13)
Christa jala ka insung miteho, Pathen phatthei bohna channa din kiphaltheng (Sacrifice) angaiye. Na kiletsahna ‘chonse kahi’ nati nomlouna chu phaltheng in, chonset nahi kihet in, nakamin phongin, ngaidamna thumin. Hichu, Pathen dei ahi. Chutile, ngaidamna, huhhingna, Pathen cha hitheina, nachan ding. Acha nahi tengle, Pathen in phatthei naboh ding ahi.
Pathen thu’n asei hi bolin, “Nangman nakama ‘ Jesu hi Pakai ahi’ tia naphondoh a, chule nalunga ‘Pathen in athilah a konin akaithouve’ tia natahsanle huhhinga na um ding ahi” (Romans 10:9)
Huhhingna hi “tohphat vanga kichangthei ahipoi, Pathen itahsan jal’u le Jesu Christa tahsan a Leng le Huhhingpua kisan jala Pathen in eimoh peh’u ahijoi” (Ephesians 2:8-9)
Hijeh achu, nakomin, taona beh in ‘chonset nahi chu phong in lang ngaidam thumin. Chule, Jesu Christa chu na Leng le Huhhingpu hidin kouvin lang, nang huhhingna dia ahung thi chu kipathu lhut in. Chule, Ama lungdeilama nahinkho apui din temin.
Chutile, Lhagao Theng thilpeh hohi nachanna, Pathen phatthei bohna lhingset nachan thei ding bou ahi. Chutia bollou ho hi, iti phat jongleur phattheibohna achnag thei pouve.
Pathen phattheibohna chanlou jeh in, mipha, Houbung lamkai tamtah jong, lungmonna tahbeh le kipa chamkimna beiya hinkho mang – hahsatna ahunglhun tenga lungmong joulou tampi aume.
Mipha hohi Van-gama alut diu ahahsai. Ajehchu, chonse ahiu akihetthei pouve. ‘Mipha hodin ‘Chonse kahi, neingaidamin’ tia akilhan diu ahahsai. Hinla, akiphon tokahsea chonse ahiu chu, keima le nangma sei hilouva Pathen thu, Bible in asei ahi. Akiphonga vang chu ngaidam chang ding ahi Bible maman asei ahi.
Bol jeng in, Pathen phatthei bohna kisan jeng in.
John 3:16 hi taonan mangin, ‘vannoi’ kiti laihin naming jih inlang kilhannan mangin. Vetsahnan naming chu ‘ANEI’ ahile –
“Pathen in ANEI angailut behseh jalin, Achapa (Jesu Christa) chu ahin petai. Pathen in, ANEI thommosahna ding hilouva, Ama jala ANEI huhhinga aumna dia Achapa (Jesu Christa) chu ahinsol ahijoi” (John 3:16) tia seiyin, taonan kilhanin.
Hitia hi Bible chang hi manchah hi aphapen ahi, Pathen in umpi jing tan.
Hitia chu nataole ‘Amen’ jih in. Pathen in phattheina kim nape tahen.
No comments:
Post a Comment