Golte, Pathen thangvah’ute. I-Pakaiyu Jesu Christa’n, Anungjui Ama Huhhingna chang jouse, midang ho seipehson dia eingansenau (Matthew 28:18-20)muna Asei banga, themcha cha hijongle pan i-lah nauva, nangho jousen jong Internet a neihin jopnau tilkhouna jal’a Songpijang sahlam, Lamdukan muna Taonamun (Christian Prayer Centre) May 12 nia pat kihon hi amachal lheh jengin ahi.
Sign-board jong kitahdoh loulaiya Songpijang Headmaster Pu K.Lhouvum in Chair 2 le Bench 1, Sopi Thanggin Guite’n Chair 2, Ng. Phalvah in tuidap koina ding (filter) le glass khon, chule, adanga kithopina hinpe tampi aumtai. Chule, nitinin mi ahungin, taona hungmang le taona hinthum jong atamtai. Amin’u sei ngailouvin ‘CPC a taona thumho’ tin, taonan hin hecheh’uvin tia kahin ngeh nahiuve.
Midia taona i-neitengle bou, Pathen in hanta le kipana dihtah eipehpan ahi. Hatmo kisa jong lechun, tujong hin, dilsu’nlang, hung taovin. Ven, nalungsunga Pathen in kipana le lungmonna napeh ding ahi.
Chule, keila, hitia kisalel kahin, ka ummanpoi. Ahitheichanna uma, Crusader le Speaker Sopi Seithong Keivom din jong taona hinnei jinguvin.
Pakaiyin eipanpi jala Bible Track, eipao, English le Hindi hoa achelheh jenge.
Tuni June 17,2013, chun Hindi Bible Track ka print doh in, Pastor Rev. (Rtd) T.S.Changsan in thensona aneitai. Pastor (Rev.) P.Singson in jong taona neiyin, dammo khat jong tao pehna aneiyin ahi. ( Hindi Bible track Lim 13 lah a khatna Lim kahin tah lange)
Amaho angsunga Nepali khat kakouvin
“Ven, keiman Hindi hi kasimthei vangin, ka gangpoi. Chule, Hindi theng hi kahejoujai poi. Pastor teni jah hin siminlang, eiledoh peh un” tia kangeh-le, phatechan simin, eiledoh peh’uve.
Pastor teni le Seithong koma, “Veuvin, tua chu Pathen thu simkhalou i-simsah’u ahitai! Pakai, Aman phatthei aboh’a amapa lungsunga hi akhumpeh a, nikhat Pakai Jesu ahin santhei ahi. Hitia hi, Jesu tahsanlou ho bola simsah ding hi kalungtup ahi. Chule, Bible Track hohi kihomle hiteho hin alahlou maitheiyu ahin. Railway station, Bus station, hotel, Hospital, School, College, office le mundang hoa dalhah lele ding. Bolding hetmoa, min amule alah a asimthei ahi. Chutengle, Pakaiyin alungsunguva, na atoh ding, Pakai Jesu ahin san theiyu ahi” tia kaseile athao anomlheh jengin ahi.
Hichun, Pastor TS changsan in phatechan, Nepali-pa din jong taona aneipeh tai.
Loupina Pakai chang tahen.
Hitia chu taona hinneidia pan nalah gotle, Pakai kom lhutnan ‘Amen’ jih in. Pathen in phattheina kim napetahen.
No comments:
Post a Comment