Tonsot-hinna photchetna

CHRISTA THUPHA PHONGJALDIA KOUNA :  1. Tonsot-hinna photchetna

Bible in eihildanun- huhhinga i-umnauhi, Pathen in Achapa Jesu Christa i-tahsannau jala lungset-khotona jal ahi. (Ephesians 2:8,9; John 3:16. Simin)

Naphachengse tong dia, manthahna akona huhhinga um ihiuve.(ven Ephesians 2:10.)

Ephesians 2:8-10 sunga kiseihi abancha vetchet ngai ahi: khatna, tahsanman, lungset-khotomana bou huhhing ihiuve, chule anina chu, Pathen i-ngailut jaluva napha itoh’u ahi.

Vannoiya houdang hon Pathen nainadia thilpha bolding tia ahilu ahi. Christianity vang hin ahil chu – Christa cross chunga athina chu Pathen to tonsot hinna inei khomna diuva lhingset ahitai. Pathen to hinkhomna hi ama tahsan jouse dia manbeiya eimohpeh’u ahi.

Tahsan kiti huhhinga umtheina hi Jesu Christa chu Pathen Chapa ahi tikeu mai hilou ahi – thillhaho jengin jong Pathen Chapa ahi chu aheuve. Huhhinga umtheina tahsan hi khohetna keuva tahsa mai hi ahipoi; lung khel ngai ahi. Huhhinga umtheina tahsan hin hinkho pumpi Jesu pehdoh a Pakaiya(kingai mongmong)a neina hi ahi—Jesu chun hinna eipeh diuva tahsan heljengna ahi. Huhhinga umtheina tahsan hin hinkho Mandan akheldoh—chonset khankho dalhah a Christa nungjuina asosah ahi.

John lekhathot masa hin tonsot hinna ichannau kihetthei ahi tin eihilun ahi. (ven 1 John 5:13.)

Huhhingna nachan thudola tahsanlelna naneile 1 John simin. Pathen thuhin Pathen tahsana, angung juidia kipeho jousen huhhingna achancheh dol’u eihiluve.

Christa chu Leng le Huhhingpu dia nakipomna le juidia na kipehdohna phat ana um jeng am? A umloule, ipidia tutua hi nabolda ding ham?

Jesu’n asei chu, Lhagaova pengthah louvin koiman Pathen lenggam amutheipoi. (Ven John 3:3,5.)

 Jesu i-tahsan jaluva huhhinga um ihiuve. (ven John 3:16.)

Koihile chonset nungsuna, chonset bolsaho Jesu koma ngaidam athuma ahile taona amana, tonsot-hinna chu tutua akisan jeng thei ahi.(ven Acts 3:19; 1 John 1:9; Romans 10:13.)

 Jesu chu Pakai ahi tia na phondoh a, chule Ama chu Pathen in athilah akonin akaithouve tin a lunga natahsanle, tonsot hinna chu nanei jengthei ahi.(ven Romans 10:9,10.) 

Chuteng Lhagao Theng – Christa Lhagao – nahinkhoa napuile dia nakisan ding ahi. Tun, Pathen hi iti juiding ham veute.

<http://test.missionstraining.org/TheCallToMissions/AssuranceOfEternalLife.php 1/7/2012>