Pathen Cha nahitai !

Golte, Pathen in phattheina tincheng napehenlang, tahsa le lhagaova tuchung Christmas hi ‘Jesu Christa chu chonset akona eilhatdoh dia leiset a hunga, thia, thoukit ahitai. Hichu, keidinga tonsot-hinna kon eihonpeh a Pathen Cha eisona ahitai’ tia, masanga mansanga kipah le thanoma mangtheidin na panpitahen.

Adihmong koi umam? Apha koiba umam? Jesu Christa leiya hunga, Ama bou chonsetbei hinkho manga ahi. Ama bonin “Ipidia apha neiti ham? Pa tailou koima apha aumpoi” tia asei ahi. Christian lamkai tamtah hin adih aholun, “Kei houbung bou adih ahi, kei bolpa bou adih ahi” atia tamtah aume. Ka gelle kadatmoi.

 Adih ihisah hou iboljeh’uva huhhinga umding ihipouve. Huhhinga i-umna diuvin adih khatseh bou aume, hichu ‘Jesu Christa chu Pathen Chapa ahin, vannoi mite chonset akona huhhing ding in vannoiya ahungin, Cross chunga athi in, loupitah in athou kittai. Hichu, eiho chonset ngaidamna ahitai. Pathen chate isotauve” ti bou hi ahi.

Gol, dihmona, chonsetna, hatmona nanei hochu kisuhmo sah hih in. Dondanlang, “O, kanunchan phalou, Satan, keiya konin kichon mangin; Chonset jousoh Pakai Jesu keiya hi hungpenga ahitai. Nang dingin mun a ongtapoi. Chetan, eidalhatan. O, ka Pakai Jesu Christa, kalungsung hi hinlodimin, kachonset, kadihlouna jouse susthenginlang, Athenga nangma chu Athenga Na Lhagao Theng in hung chengin, Nangma lungdei hinkho chu tunia pat in neimansah in, ka Leng le Huhhingpu nahi, tin Jesu Christa minin kataove, Amen” ti in taovin lang, Pathen Cha hina, Lhagao Theng in achenpi nahina hinkho chu tua pat hin mang pan jeng in.Hita chu nataova, Pathen cha chu nahitahle, Pakai thangvah na in ‘Amen’ jih in. Pathen in umpi jingtan.